Números 16:46 - La'aqtaqa Ñim Lo'onatac 'Enauacna 2013

⁴⁶ Nache so Moisés 'enapega so Aarón, 'eeta': 'Auacona aca nchenaxanaxat laỹe', nache 'auachangui aca poqo maye chegaqalec añi nca'atoxonaxalate, qataq 'auachangui ca nchenaxanaxat, nache 'anqalgoqta'a qome ye hueta'a da lapoota'a't shiỹaxauapi, nache 'auo'ot ca 'archenaxanaxat da yaqto' qaỹapalaxat na lasouaxashet, ten mashe ỹapacauec da layeloxo Ñim Nataxala', nache talec naqa'en da nhuaxanaguec damayepi.

Números 16:46 Referans Kwoze

Números 8:19

Nache ne'ena leviitapi, sanem ñi Aarón qataq na llalaqpi, 'eeta'am ñaqa'en da lachetaqtaxanaqte na Israel le'ecpi, da yaqto' ỹo'ot na no'onatacpi ñi npe'l maye naỹonqa', qataq da qaỹapalaxat na lasouaxashet na Israel le'ecpi. Yaqto' saishet da huo'o ca huaigui qauem na Israel le'ecpi da nqo'oneua'a ñi npe'l.»

Levítico 10:6

Ime, nache so Moisés 'enapega so Aarón qataq soua no'oirañi llalqa, Eleazar qataq so Itamar, 'eeta': «Qami' saishet da huesotagui qanqa'eñi na qaravi, qataq da qaucolaxachiỹa'aguelo naua qorogolli' da la'anaxat da qarasouaxaqui, yaqto' saishet da qaullivi, cha'aye saishet da ivirauga na laỹe Israel le'ecpi da layeloxo Ñim Nataxala'. Nacherata da huo'o da 'eeta namayepi souaxat yeua lauo' lashe', cha'aye Ñim Nataxala' Nacheñi Ñim anacot so norec.

Salmos 106:29

Nache ỹo'ot da dalemata Ñim Nataxala', souaxat na qauem maye ỹo'ot somayepi, nache talec naqa'en na ỹotta'a't napiina.

1 Crónicas 27:24

Qaq so Joab, maye llalec aso Seruyá, ỹacoolec co'ollaxa da ỹo'ot aso ne'enaxat lmalate, qalaxaye saishet da imat, cha'aye nachaso asom ỹo'ot da talec da nhuaxanaguec so Israel le'ecpi. Qaq ỹoqo'oye saishet da nanettalec aso nere maye huetalec da na'aqtaguec so nta'a David.

Números 18:5

Cha'aye ndotrec qami' da qauloitague' qome 'enauac na sa qaishetapec qataq añi nca'atoxonaxalate. Yaqto' saishet da talec ca nhuaxanaguec na Israel le'ecpi.

Números 11:33

Qalaxaye so Israel le'ecpi co'ollaq mashe huetaigui na alap so dachemi lapat, qalaxaye saxanaxa da inaigui, nache Ñim Nataxala' ỹataqta dalemataỹa somayepi, nache qalota so ileu naqa'en.

Salmos 141:2

Ñaq 'am iviro'ot qome da ñatamnaxac, 'eeta'am ca nchenaxanaxat maye ama na laita, naua ihuaxaye maye 'am sachaxaato'oto, qalaq 'eeta'am ca nachetaqtaxanaxat da mashe avit.

Levítico 9:24

nache Ñim Nataxala', anacot so norec, nache ỹavigaxat 'enauac so lapat so shiguiỹac, qataq so lcheta maye mashe qaiqataxaatai' huetalec aso nca'atoxonaxalate. Qaq co'ollaq ỹauaachigui de'era so Israel le'ecpi, nache ỹataqta ỹa'alaqtagui souaxat da ntonaxac, nache ỹa'alyiñi naua l-llecte, iviraxata'aguet naqa'en na latap na 'alhua.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Deuteronómio 9:22

Qaq nache 'eeta'am co'ollaq huaña ye Tabera, Masah qataq ye Quibrot Hatavá da dalemata qanqa'eñi Ñim Nataxala'.

Números 25:13

qaq ỹoqo'oye nagui damaye qataq ca chegoxoguetpi qome, ñaỹamaxate' da sanem da chochaq tatec da lo'onataxanaxac da ntaxaỹaxanaxanecpi, cha'aye Aỹem deca'alaxaalec, qataq ỹo'ot da qaỹapalaxat na lasouaxashetpi na Israel le'ecpi.»

Números 1:53

Qaq na leviitapi, nache neta'asop qome naua loiguiye que'eca npe'l, maye netaigui aca arca maye laỹe' da aỹamaxataxac. Nache nauaatalec que'eca npe'l, yaqto' Ñim Nataxala' saishet da dalemataỹa na Israel le'ecpi.»

Números 25:8

nache ca'ataueeguelo soomaye, nache taigui so lpe'l se'eso Israel le'ec, nache huaigui naqa'en somaye da ira'alo aso lataquiaxai, ỹapacauiiguilo naqa'en soomaye aso lataquiaxai. Huaña nache vi'iiguet se'eso nleuaxa maye talec so Israel le'ecpi,

Habacuc 3:5

Qaq da taỹa'ague qalaq hua'auta'ague da nalolaxa maye dalaataxanapec, qaq da chegaqa'ague qalaq no'onaña ana 'eeta'am ana poqo na le'eraxa.