Números 16:41 - La'aqtaqa Ñim Lo'onatac 'Enauacna 2013

⁴¹ Qaq so lỹa na'a'q nache 'enauac se'eso Israel le'ecpi, qaltaq quetapeguelec so Moisés qataq so Aarón, nache 'eeta': Qami', qauo'ochec da l-leuaxa se'eso nhuo' le'ecpi maye lalamaxat Ñim Nataxala'.

Números 16:41 Referans Kwoze

Salmos 106:23

Nache Ñim Lo'onatac 'Enauacna detaxaỹa co'ollaxa da ilaxachigui somayepi, qalaxaye souaxat so Moisés maye lca'aguishec Ñimaye, dataỹa'aguet co'ollaxa da yaqto' nqanaxat da lalemataic, nache Ñimaye saishet da ipaca'a da ilaxachigui.

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Hechos 21:28

Nache ỹa'alaqtalec somaye, 'eeta': –¡Qami' Israel le'ecpi, ña qomi' qautauañi'! 'Ena nam ỹale maye ỹataqta nmatte' 'enauaque naua 'aleu' da ỹapaxagueetapeguec na shiỹaxauapi, da yaqto' npa'aguene' na qarhuo' le'ecpi, qataq na namaxasoxonaxacpi maye chegoqo'ot so Moisés, qataq anam qaro'onaxanaxaqui. Qaq namaye nagui qataq huenoxonoigui naqa'en ana qaro'onaxanaxaqui ne'enaua ỹale't Grecia lashe', qaq ỹataqta ishepaxanaqche't ne'ena no'onaxanqa' maye qui'itta.

Hechos 5:28

–Qomi' mashe ime da qami' seqataqtegalo da saishet da qauapaxaguenataxañic da na'aqtaguec So Jesús, qalaxaye qami' saishet da qomi' qaualaqaigueta. 'Enauac na Jerusalén da qaua'aqtaxañiiteguem So Jesús, ivira'a da qomi' qanmaqaileguete da qoñiitega da qomi' salauataq Somaye.

Mateo 5:11

Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da sa qami' iyacna'ape qataq qami' ỹasaxaleguete naua la'aqtaqa qauema maye saq 'e'n souaxat Aỹem. ¡Ỹataqta qauamaichiguiñi! ¡Qataq qantoñiitapigui'! Cha'aye ỹataqta lta'araic qome ca qansheetenaguiiqui da piguem. Cha'aye nachera da 'eetec da ncanaguec som hua'au la'aqtaxanaxanecpi Ñim Lo'onatac 'Enauacna co'ollaq saxanaqcaua qami'.

Amós 7:10

Qaq so Amasías, maye ntaxaỹaxanaxanec ye Betel, ỹamaxa da la'aqtac so Jeroboán, maye nta'a ye Israel, 'eeta': «So Amós, quetagui na Israel le'ecpi da 'am quetapeguelec, qaq ne'ena shiỹaxauapi sa iuen da nache queta da na'axaỹaxaatega somaye.

Isaías 26:11

'Am Nataxala', na 'arhuaq mashe lhuotta da 'auaxan namayepi, qalaxaye namayepi saishet da ila'a, qaq qom ila'a da lta'araic 'arauotaxanaqtaic nam 'aralamaxat nhuo' le'ecpi, nache namayepi huo'o qome da la'aloxo. ¡Qaq 'onaxaictoxo' da na le'eraxa da 'aralemataic ỹavigaxatta qome namayepi!

Salmos 106:13

Qalaxaye saqaỹaloq co'ollaxa da icoua'ai na ỹo'otpi Ñimaye, nache sa iuata'a nam huotaique ỹo'otpi Ñimaye.

1 Reyes 18:17

Nache co'ollaq choche ila'a somaye, nache 'enapega, 'eeta': ¿Qache nache 'amo' maye 'auo'ottac da qaica ca laỹamqa' na Israel le'ecpi?

2 Corintios 6:8

Qaq huo'o ye na'a'q, nache huo'o da qaño'oxonnataguec, qaq ye lỹa na'a'q qalaq sa qomi' qaiyacna'ape. Qataq huo'o da no'on da qana'aqtaguec qataq huo'o da qauem da qana'aqtaguec. Na'aictaxa da ỹataqta 'eesora nam qartaxaỹaxaco qalaq qoỹeetega da qomi' tenataxanaxaiqa.

Jeremías 43:3

Yo'oqta da nacheso so Baruc som llalec so Nerías som ỹo'ot da qomi' 'auataỹa'agueta, da yaqto' ỹo'ot da qomi' loxonqa na Caldeopi, nache qomi' ỹalaua't, huo'otaq qomi' ỹauegalo ye Babilonia.»

Jeremías 38:4

Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Judas 1:16

Ne'ena shiỹaxauapi ỹataqta taxaỹaxaicpi qataq camachaqca ca quetapeguelec. Qataq nachaqrata da nmitta'a da ipacchigui ca maiche lqopitaxanaqtaic. Qataq naua la'aqtaqa ỹataqta ño'oxonnaxaiqa, qataq da detaxaỹa ca lỹa shiỹaxaua qalaq ỹataqta iyaata, qalaxaye choche ỹatenachettac.