Números 16:39 - La'aqtaqa Ñim Lo'onatac 'Enauacna 2013

³⁹ Nache so ntaxaỹaxanaxanec Eleazar, ỹacona asa'aso laỹe'pi so nchenaxanaxat maye chegaqaigui na lcat bronce, maye irouo co'ollaxa se'eso ileupi shiỹaxauapi, nache qairapaqchen da qalapaxalec aso nca'atoxonaxalate,

Números 16:39 Referans Kwoze

Números 16:38

Nache ana'ana laỹe' so lchenaxanaxat se'eso shiỹaxauapi maye ileu souaxat da lasouaxashet, nache qairapaqchen qome, da yaqto' qalapaxalec añi nca'atoxonaxalate. Cha'aye anamaye mashe qaiỹotauga da qoỹanot Ñim Nataxala'. Qataq yaqto' nachera qome da ỹo'ot da lvitaxa na Israel le'ecpi.

Números 16:40

yaqto' so Israel le'ecpi saishet da icoua'ai de'era, da ca chegaqauec shiỹaxaua da saishet da chegoxoguet so ntaxaỹaxanaxanec Aarón, nache saishet da ỹo'ot ca nchenaxanaxat da ỹanot Ñim Nataxala', cha'aye ishet da 'eeta'am da huaigui so Coré qataq so laỹepi. Cha'aye nache la'aqtac Ñim Nataxala' co'ollaq hueqattega so Moisés.

2 Crónicas 26:18

nache somayepi dataỹa'aguet so nta'a nache 'enapega, 'eeta': «'Am nta'a Uzías, da qoỹanot na nchenaxanaxat Ñim Nataxala', damaye saishet da nache 'am da 'aro'onataxanaxac, cha'aye damaye lo'onataxanaxac na ntaxaỹaxanaxanecpi maye chegoxoguet so Aarón, nam qaiỹotaugapi co'ollaxa da lo'onataxanaxac damaye. Qaq ỹoqo'oye sa 'anaỹaloxon qome da 'apa'auec, qoca'ai ne'ena maye sa qaishetapec, cha'aye huo'o da 'arasouaxashet, qaq Ñim Lo'onatac 'Enauacna saishet da 'am ỹo'oxoren qome souaxat de'era 'auo'ot.»

Esdras 2:62

Qaq somayepi nataqa'en nmittac aso lmalate na le'enaxatpi so hua'au lta'alpi qalaxaye saishet da ilalec ca le'enaxat, ỹoqo'oye somayepi qanqateguesop da ỹalectaigui so ntaxaỹaxanaxanecpi.

1 Crónicas 24:2

Qalaxaye soua Nadab qataq so Abiú, ileu' co'ollaq saxanaxa da ileu so lta'a, qaq soomaye qaica ca llale'c, nache so Eleazar qataq so Itamar, talec da no'onataxanaxac da ntaxaỹaxanaxanaqa.