Números 16:38 - La'aqtaqa Ñim Lo'onatac 'Enauacna 2013

³⁸ Nache ana'ana laỹe' so lchenaxanaxat se'eso shiỹaxauapi maye ileu souaxat da lasouaxashet, nache qairapaqchen qome, da yaqto' qalapaxalec añi nca'atoxonaxalate. Cha'aye anamaye mashe qaiỹotauga da qoỹanot Ñim Nataxala'. Qataq yaqto' nachera qome da ỹo'ot da lvitaxa na Israel le'ecpi.

Números 16:38 Referans Kwoze

2 Pedro 2:6

Ñim Lo'onatac 'Enauacna nataqa'en ỹauo'o da nhuaxanaguec so shiỹaxauapi maye lma' ye nỹecpi ye Sodoma qataq ye Gomorra, nache ỹavigaxat, iviraxata'a da ndota't na alo, da yaqto' laloqnaxanaxat, dam huotaique 'eetec maye talec naqa'en nam shiỹaxauapi maye qauemaicpi.

Ezequiel 14:8

Aỹem sataỹa'aguet que'eca ỹale nache sauo'o ca nhuaxanaguec maye naloqnaxanaxat qome, cam ishet da nache 'eetai' da qana'aqtaxaatapigui qataq ñeqateeguesop camaye na ỹalamaxat nhuo' le'ecpi. Qaq huaña nache qami' qauaỹachiñi da nachaỹem maye Aỹem Nataxala'.

Proverbios 20:2

Ca nta'a da denotac qalaq 'eeta'am ca quiyoc da desoqtac, qaq ca inogoqchet camaye, nache huetalec da lchec da nachaalataxac.

Números 26:10

Qalaxaye co'ollaq nauachigui na 'alhua, nache soomaye, tayengui so lpoxoỹaxa na 'alhua l-llañeto so Coré, qataq 'enauac so laỹepi nache ileu. Qaq se'eso norec ỹalauat co'ollaxa so doscientos cincuenta ỹalleppi. Qaq de'era, qanayeuaigui, nachera da la'anaxat da nhuaxanaguec da huo'o ca sa ỹalaq.

Habacuc 2:10

Qaq 'era da huo'omshe imattalec 'anqa'en da ncoxo na 'arma', qataq souaxat da qalota so 'aulaxachigui ỹotta'a't shiỹaxauapi, nache maiche 'anasouaxaala't.

1 Reyes 2:23

Huaña, nache so nta'a Salomón ỹanot da la'aqtac Ñim Nataxala', 'eeta': «¡Ñim Lo'onatac 'Enauacna, ỹataqta sa ỹala'ac qome da ỹauo'o ca ñeuaxanaguec, qom saishet da ileu ñaqa'en so Adonías, souaxat de'era lquiquiaxac

Números 17:10

Nache Ñim Nataxala' 'enapega so Moisés, 'eeta': Aye lashelte so Aarón 'avi'eguelaxateua'a qome ye sa qaỹapeque ye netaña añi arca maye laỹe' da ñaỹamaxataxac. Nache 'auachaña da yaqto' la'anaxat ne'ena ñalaqpi maye saỹalaq. Yaqto' nache tachiguiña da aỹem quetapeguelec, qataq qaica ca ileu qome.

1 Corintios 10:11

Qaq 'enauac de'era huaigui som hua'au qarta'alpi, damaye qoỹiyiñi da naloqnaxanaxat da qaỹauotaique qomi' qaiqatalo nagui da souaqtaiguilo naua pa'atre'c na'axa'te.

Proverbios 8:36

Qalaxaye ca aỹem ca'ai qalaq huetalec da lchec da nachaalataxac, ¡qaq ca aỹem nquiỹa, qache ỹauotec da nleuaxa!»

Proverbios 1:18

qaq ỹoqo'oye da lapaxañi aca lqoina ne'ena shiỹaxauapi, qalaq 'eeta'am da maiche nqoviila't namayepi, qaq ỹataqta huetalec naqa'en da lchec da maiche nachaalataxac.

Números 16:40

yaqto' so Israel le'ecpi saishet da icoua'ai de'era, da ca chegaqauec shiỹaxaua da saishet da chegoxoguet so ntaxaỹaxanaxanec Aarón, nache saishet da ỹo'ot ca nchenaxanaxat da ỹanot Ñim Nataxala', cha'aye ishet da 'eeta'am da huaigui so Coré qataq so laỹepi. Cha'aye nache la'aqtac Ñim Nataxala' co'ollaq hueqattega so Moisés.

Números 16:37

Qonapega da Eleazar, dam llalec so ntaxaỹaxanaxanec Aarón, da ỹacona aca laỹe'pi na nchenaxanaxat maye mashe ỹavic, nache qaỹatauga naqa'en da icorec ana poqo maye huetangui, cha'aye anamayepi mashe qui'itta.

Números 16:39

Nache so ntaxaỹaxanaxanec Eleazar, ỹacona asa'aso laỹe'pi so nchenaxanaxat maye chegaqaigui na lcat bronce, maye irouo co'ollaxa se'eso ileupi shiỹaxauapi, nache qairapaqchen da qalapaxalec aso nca'atoxonaxalate,

Jeremías 44:7

Qaq nagui Aỹem Nataxala' maye Qaica ca Seqalanapec maye Aỹem Natamnaxala' na Israel le'ecpi, sheeta': ¿Ta'ainco' da maiche qanỹoqoitala't dam lta'araic qauem? ¿Ta'ainco' da qauo'ochec da ileu 'enauac na shiỹaxauapi na Judá, ỹelleppi, 'alpi, ñaqpiolec qataq ivira'a na cheta'ague da ñiguiñi, qaq ivira'a da qaica ca no'onañi?