Números 16:35 - La'aqtaqa Ñim Lo'onatac 'Enauacna 2013

³⁵ Qalaxaye so lanataqa' Ñim Nataxala' nataqa'en chegoqteua'a so norec, nache ỹavigaxat, nache nmichiguiñi naqa'en 'enauac se'eso doscientos cincuenta shiỹaxauapi, maye ỹavigaxattac co'ollaxa so lchenaxanaxat.

Números 16:35 Referans Kwoze

Números 26:10

Qalaxaye co'ollaq nauachigui na 'alhua, nache soomaye, tayengui so lpoxoỹaxa na 'alhua l-llañeto so Coré, qataq 'enauac so laỹepi nache ileu. Qaq se'eso norec ỹalauat co'ollaxa so doscientos cincuenta ỹalleppi. Qaq de'era, qanayeuaigui, nachera da la'anaxat da nhuaxanaguec da huo'o ca sa ỹalaq.

Levítico 10:2

Huaña, nache Ñim Nataxala' anacot so norec, nache ỹavigaxa't. Qaq 'era da 'eetec co'ollaq ileu' soomaye.

Salmos 106:18

Qataq 'eroigui so norec nache ỹavigaxat 'enauac somayepi, nache na le'eraxa somaye nmatchiguiñi se'eso 'etaxaloxoicpi.

Números 16:17

Nache ñi 'oonolec ỹacheuo qome aca laỹe' ca lchenaxanaxat, nache ỹachetangui ca lchenaxanaxat da taua'a ye lanataqa' Ñim Nataxala'. Nataqa'en 'am qataq so Aarón, qauacheeuo qome aca laỹe' ca qarchenaxanaxache, qaq da ỹalega't aca'aca laỹe' ca nchenaxanaxat, nache ivi' doscientos cincuenta.

Números 16:2

soomaye dataira'aguet co'ollaxa so Moisés, nache huaxaiguet so doscientos cincuenta Israel le'ecpi. Qaq se'eso ỹalleppi ỹataqta huo'o naq 'enec, qataq nataxala'pi.

Apocalipsis 11:5

Qaq da huo'otaq huo'o ca nshetaique da ỹauo'o ca 'ena'aque, nache caamaye iquetetre'c na norec, nache ỹavigaxat 'enauac na ipa'agueetacpi iviraxata'a da ỹalauat.

Números 16:34

Qaq co'ollaq qaỹa'axaỹa de'era la'alaxac somayepi, nache so Israel le'ecpi maye hueta'a so saqaỹapeque somayepi datauec, nache 'eeta': «¡Qolaq sataxauec! ¡Ten qom nataqa'en qomi' ihuoxoorañi ana 'alhua!»

Números 16:36

Nache Ñim Nataxala' 'enapega so Moisés, 'eeta':

Números 16:49

Qaq da ima'a't se'eso ileupi, nache ivi' catorce mil setecientos, qaq saishet da qanaloqteneuo so leuaxaicpi maye huaigui so ncotaxac so Coré.

Salmos 50:3

Ñim Qanatamnaxala' anac, qalaxaye saishet da paltalec, cha'aye Ñimaye na'auaxaata na norec maye nlaxaañi naqa'en 'enauacna, qaq naua laỹel Ñimaye qalaq dellimigui na lta'araic la'at.

Ezequiel 8:11

Qaq so Setenta nqueroxonecpi, maye lataxala' na Israel le'ecpi datato'ot se'eso ne'enaqtacpi, qaq somayepi nache ỹalectaigui so Jazanías som llalec so Safán da ỹo'oreettac se'eso nqolacpi. Qaq ñi 'oonolec somayepi nasoqta'a so laỹe' na nchenaxanaxat, qaq nache chegoqtapiguingui da naỹoxoosheguem so sansattec lmala'q na nchenaxanaxat.

Números 3:4

qalaxaye so Nadab qataq so Abiú, ileu' co'ollaxa huaña so lanataqa' Ñim Nataxala', souaxat da deca'atoxoora so ỹaqa'a norec, maye saishet da qaỹamaxaleguete co'ollaxa, huaña ye toolec 'alhua ye Sinaí. Qaq soomaye qaica ca llale'c. Nache soua Eleazar qataq so Itamar ỹacooleguete da lo'onataxanaxa'c soomaye da ntaxaỹaxanaxanaqa, qalaxaye so lta'a Aarón, nache ilotegueto soomaye.

Números 14:37

Ỹoqo'oye se'esoua ỹale't maye qauem da la'aqtaxanaxac da ỹa'axattac ye 'alhua, nmichiyiñi da ilem so napiina, ỹauaachigui Ñim Nataxala'.