Números 16:33 - La'aqtaqa Ñim Lo'onatac 'Enauacna 2013

³³ Nache nca'altauec co'ollaxa da taigui na 'alhua somayepi, nache lỹachiguiñi' so logoxoshetpi. Ime, nache na 'alhua ỹe'eguelaxa't, nache ỹapolec somayepi. Qaq 'era da 'eetec da qanqateeguesop somayepi na Israel le'ecpi.

Números 16:33 Referans Kwoze

Judas 1:11

Qaq ỹataqta ¡choxoraxaso' namayepi! Cha'aye da lataxac 'eeta'am so Caín, qataq souaxat da lyaxa da nauec aca anom, nache 'eeta'am da lataxac so Balaam. Ỹataqta ỹaguec da qauemaicpi, ỹoqo'oye da l-leuaxa 'eeta'am da l-leuaxa so Coré souaxat da npa'aguenaxac.

Ezequiel 32:30

Yemaye nache hueta'a 'enauac yem nataxala'pi maye lma' co'ollaxa da sheu', qataq 'enauac yem lma' co'ollaxa ye Sidón. Yem ỹataqta 'añaxaicpi, qataq ỹo'ot co'ollaxa da ncolanaxa, qalaxaye nagui qalaq taña yem hueta'a yem ileuaigui co'ollaxa so alaataxac, qaq ỹachichiguiñi da ne'enaguec. Yemayepi ỹaqa'a da la'amqaanataxanaxac, qalaq qailattañi nache qaica ca la'amaqchec da ỹalectaigui yem ileuaigui co'ollaxa so alaataxac, yem mashe huetangui ana nhuachiquipi.

Ezequiel 32:18

«'Am shiỹaxaua 'auauaxaiguet qome na 'alpi maye chegaqa'a na ỹotta'at shiỹaxauapi, da 'auo'on da no'onec da huo'o na ileu, da 'auo'onaxaalec ye qalota nhuo' le'ecpi ye Egipto, qataq na lataxala'pi, qoneta': Na 'añaxaicpi huañi nache taigui na 'alhua, da taña na mashe huetangui ana huachiqui.

Isaías 14:15

¡Qalaxaye nagui 'am qaỹamaxauec nache 'angui añi huachiqui, añim nshere maye ỹataqta qaỹoqchiguingui!

Isaías 14:9

Nam pa'aguiñi qalaq ỹe'elaxa't na leuaxaicpi, nache nnoxoosheguem da 'am ca'atta'aguet. Na lpaqal na leuaxaicpi qalaq nlouec, nam nataxala'pi co'ollaxa ana 'alhua qalaq ñesheguem da 'am ca'atta'aguet, qataq 'enauac nam lta'alpi co'ollaxa na nhuo' le'ecpi ñesheguem ca'ai ana nso'onaxaquipi.

Salmos 143:7

'Am Nataxala', sa 'anaỹaloxon qome da aỹem 'auasateguet, cha'aye mashe huotaique da vi'iigueta naua ỹa'a'che, saishet qome da aỹem 'oxocheesop da 'artaunaxanaxac, yaqto' saishet da sheeta'am ca taỹa'a aca huachiqui.

Salmos 69:15

Saishet qome da aỹem 'aua'aqta'a da aỹem ỹaỹoxonaqchet na la'auataxa na 'etaxat, qataq saishet da sangui 'anqa'en ana qaỹoqchiguingui lle'eguelaxaso, ten qom nache aỹem ỹapogoña.

Salmos 55:23

Qaq 'Am Ñatamnaxala', na laataxanaxaicpi qataq tenataxanaxaicpi, saishet da nache 'eetai' 'anqa'en da nca'altauec, saishet da ivira'a 'anqa'en ca laiñi da nachaalataxac, namayepi tangui 'anqa'en na pa'aguiñi aca nhuachiqui. Aỹem qalaxaye ỹataqta 'am sepi'iỹa'a.

Salmos 9:15

Na ỹotta'a't shiỹaxauapi qalaq tangui aca maiche lshere, naua lchel qalaq lpachiguilo ca laleguec maye ỹoxottañi namayepi.

Números 16:32

nache l-llañe' 'enauac so llalaqpi se'eso shiỹaxauapi, maye huaxaiguet co'ollaxa so Coré, qataq so logoxoshetpi somayepi.

Números 16:34

Qaq co'ollaq qaỹa'axaỹa de'era la'alaxac somayepi, nache so Israel le'ecpi maye hueta'a so saqaỹapeque somayepi datauec, nache 'eeta': «¡Qolaq sataxauec! ¡Ten qom nataqa'en qomi' ihuoxoorañi ana 'alhua!»

Números 26:11

Qalaxaye so llalaqpi so Coré saishet co'ollaxa da ileu.

Deuteronómio 32:22

Qaq da ỹayeloxo ỹataqta 'eroigui 'eeta'am ca norec, nache iviraña da ỹavigaxat ca qaỹoqchiguiña pa'aguiñi ana 'alhua. Qataq ỹavigaxatta na 'alhua qataq ana ala ana qo'oipaqpi, qataq ivira'a na ỹa'añaxattañi ana qasoxonaxapi.

Salmos 55:15

Qaq 'onaxaic taxa da choche ique'elaxatta qome da l-leuaxa ne'ena ñepa'aguenaxauapi, nache ñaq nca'altauec da tangui aca nhuachiqui, cha'aye namayepi nache huetaigui na qauemsat.

Salmos 141:7

Na lpi'inecpi nlagaxattac qome da huetaua'a na laỹe aca huachiqui, 'eeta'am da qanqalagoxotsheguem na 'alhua.

Isaías 38:18

Qaq nam huetangui añi huachiqui qalaq saishet da 'am ỹo'oxoren, qataq nam leuaxaicpi saishet da 'am ỹanot da llo'oxonnataxanaxac, nam tangui añi nshere qalaq saishet da nauane' dam sa nquic 'arataxac.

Ezequiel 31:14

Qaq huaña nache qaca aca qo'oipaq da nquictasheguem da lañaxataxac, na'aictaxa da hueto'ot na loigue ca 'etaxat qataq na'aictaxa da qaicottalec, qalaxaye saishet da ishet da iviro'ot na lsheenec na lo'oc na piguem. Cha'aye 'enauac da taỹa'a da ileu, nache taña na ỹataqta pa'aguiñi na 'alhua, da yaqto' ỹalecta'aguet na mashe huetangui ana huachiqui.

Números 22:33

Qaq ana 'ashena ye aỹem ilota'a, ỹoqo'oye tres da aỹem dashelec. Qaq taxa da saishet da aỹem dashelec anamaye, nache sogote taxa da 'am salauat, qaq anamaye nachanata taxa da nca'altauec ñaqa'en.

Salmos 55:16

Qalaxaye aỹem seỹaxanot qome Ñim Lo'onatac 'Enauacna, nache Ñim Nataxala' aỹem nca'alaxatec qome.