Números 16:30 - La'aqtaqa Ñim Lo'onatac 'Enauacna 2013

³⁰ qalaxaye Ñim Nataxala' da ỹo'ot ca sa qaỹauanapega da ỹauachigui naqa'en na 'alhua, nache ña nca'altraue'c naqa'en da tayingui aca huachiqui, lỹachiyiñi' nataqa'en na logoxoshetpi, qaq huaña, nache qauaỹachiñiita da de'eraua shiỹaxau' maiche inogoqche't Ñim Nataxala'.

Números 16:30 Referans Kwoze

Salmos 55:15

Qaq 'onaxaic taxa da choche ique'elaxatta qome da l-leuaxa ne'ena ñepa'aguenaxauapi, nache ñaq nca'altauec da tangui aca nhuachiqui, cha'aye namayepi nache huetaigui na qauemsat.

Números 16:33

Nache nca'altauec co'ollaxa da taigui na 'alhua somayepi, nache lỹachiguiñi' so logoxoshetpi. Ime, nache na 'alhua ỹe'eguelaxa't, nache ỹapolec somayepi. Qaq 'era da 'eetec da qanqateeguesop somayepi na Israel le'ecpi.

Da na'aqtaguec so Job 31:3

Cha'aye ¿saisheto' peta'a da sa nachena na qauemaicpi da nlaguiñi qanqa'en, qataq na 'etaxaloxoicpi da talec qanqa'en da lachoxoyecỹaxac?

Jeremías 31:22

¿Chaq laỹo' da 'aỹa'axaañi da 'ateguelo da qoneta'am aca ñale maye isomtapigui'? Aỹem Nataxala' huo'o da dalaxaic so'ot ana'ana 'alhua, aca 'alo maiche nmitaique qome ca ỹale.

Isaías 45:12

Aỹem so'ot co'ollaxa ana 'alhua qataq nam shiỹaxauapi maye netalec anamaye, qataq sauota'a na ihuaq da selagaxaañi na piguem, qataq yo'oq ñaqa'en ana huaqaañipi.

Isaías 45:7

Aỹem so'ot co'ollaxa na yo'oqchiguiñi qataq na napalaxa, qataq so'ot dam ỹaỹamaqchiguiñi qataq dam qauem. Aỹem Nataxala' Aỹem maye so'ot 'enauac namayepi.

Isaías 43:19

Qaq Aỹem, huo'o ca so'ot dalaxaic, nache qauauañiichigui nagui da yo'oq camaye. Sauo'o qome ca nqa'aic, taalec ye toolec 'alhua qataq so'ot ca tala ye 'alhua maye qaica ca ñaxaalec.

Isaías 28:21

Ñim Nataxala' nachaañi qome, 'eeta'am co'ollaq huaña añi qasoxonaxa Perasín, qataq ỹachaxan qome da lalemataic, 'eeta'am co'ollaq huaña so ca'amegue ye Gabaón, qom ỹacoolec da ỹo'ot da sa qaỹauanapega lo'onataxanaxac, qataq da ỹo'ot dam saqcha'a lo'onataxanaxac.

Números 16:31

Qaq co'ollaq ime da ltaxaỹaxac so Moisés, nache nauachigui na 'alhua so hueta'a somayepi,

Da na'aqtaguec so Job 31:2

Cha'aye ¿negue'to' ca chegoqo'ot Ñim Qaica ca Ỹaqalanapec, da ỹachegoxottot na piguem da aỹem ỹanem?

Salmos 124:3

nache qomi' nmatchiyiñi taxa da qomi' ỹalaua't, co'ollaq 'eroigui da nnogoxonaxac da qomi' dataỹa'agueta.

Ezequiel 31:14

Qaq huaña nache qaca aca qo'oipaq da nquictasheguem da lañaxataxac, na'aictaxa da hueto'ot na loigue ca 'etaxat qataq na'aictaxa da qaicottalec, qalaxaye saishet da ishet da iviro'ot na lsheenec na lo'oc na piguem. Cha'aye 'enauac da taỹa'a da ileu, nache taña na ỹataqta pa'aguiñi na 'alhua, da yaqto' ỹalecta'aguet na mashe huetangui ana huachiqui.