Números 16:28 - La'aqtaqa Ñim Lo'onatac 'Enauacna 2013

²⁸ Nache so Moisés qaltaq 'enapec: Nagui nache qauaỹachiñiita da Ñim Nataxala' nacheñi Ñim aỹem ỹamaxalec da so'ot 'enauac de'era, qaq saishet da so'ot ca maiche sheetapeguec.

Números 16:28 Referans Kwoze

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Juan 5:36

Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Ezequiel 13:17

Qaq nagui 'am shiỹaxaua, 'auataỹa'aguet qome na 'alpi nam 'aralamaxat nhuo' le'ecpi, maye maiche lhuennataxaco naua ỹa'axatta'ape,

Jeremías 23:16

Qaq Ñim Nataxala' maye Qaica ca Ỹaqalanapec, da la'aqtac, 'eeta': «Qami' Israel le'ecpi saishet qome da qaualaqaiguet nam qami' ỹa'axatteguema nam na'aqtaxanaxanecpi, cha'aye nam ỹa'axattac namayepi choche natenataxanaxacpi, ne'ena la'aqtaxanaxacpi namayepi maiche ỹo'ot, qaq saishet da Aỹem chegoqtot.

Juan 14:11

Qaua'amaqchiñi da shenapec, da Aỹem qataq Ñim Ita'a, 'oonolec da qarataxac. Qaq da saishet, nache nachaqrata da Aỹem qaua'amaqchiñi, souaxat nam so'otpi.

Juan 11:42

Qaq Aỹem saỹaten da 'am, nache 'eetai' naxa da Aỹem 'aua'aqtega. Qalaxaye Aỹem shenapec de'era souaxat nam shiỹaxauapi maye hueta'a ne'ena, yaqto' namayepi ishet da ỹa'amaqten da 'eesa da Aỹem 'aramaxashec.

Juan 5:30

Aỹem saishet da maiche ñerotelec da huo'o ca so'ot. Ñim Ita'a maye Aỹem namaq, Ñimaye Aỹem da'aqtaxanem da lataxac da ñimit 'enauac na shiỹaxauapi. Ỹoqo'oye da huo'o ca ñimit qalaq ỹaỹamaqchiguiñi, cha'aye saishet da so'ot ca maiche sheetapeguec, nachaqrata da ỹataqta salaxaguet Ñim Ita'a.

Zacarías 4:9

«Ñi Zorobabel lapaxañi qome ca lo'oxonaxala' aca atamnaxaqui, qataq nacheñi ñimaye da iviraxata'a qome da imeta naqa'en.» Qaq 'era qome da 'eetec, da yaqto' qami' qauaỹacheñeeta da nacheñi Ñim Nataxala' maye Qaica ca Ỹaqalanapec ñim aỹem namaq.

Zacarías 2:9

Qaq ỹoqo'oye aỹem selogui' qome que'eca shiỹaxauapi, qataq so'otec da, ca maiche lalamaxat l-latacpi nhuo' camayepi.» Qaq 'era da 'eetec da ỹachaxan da llo'oxoyec Ñim Nataxala' maye Qaica ca Ỹaqalanapec, qaq nache huaña qome da qauaỹacheñi da nacheñi Ñimaye da aỹem namaq.

1 Reyes 18:36

Qaq co'ollaq ivita da qoỹaneuo so nachetaqtaxanaxat maye qaỹavigaxatta, nache so na'aqtaxanaxanec Elías, nquigueuo, nache 'eeta': «¡'Am Nataxala' maye 'Am Natamnaxala' so Abraham, Isaac qataq so Israel, no'on nagui da 'auachaxan da nache 'Am Atamnaxala' ne'ena Israel, qataq da maiche aỹem 'aramaxashec, qataq so'ot 'enauac de'era, cha'aye maiche 'aramaxasoxonaxac!

Deuteronómio 18:22

Qaq que'eca la'aqtaxanaxac que'eca na'aqtaxanaxanec da saishet da ipaigui, nache la'anaxat qome da saishet da nacheñi Ñim Nataxala' da ỹamaxalec da da'aqtaxan camaye. Cha'aye camaye ỹa'aqtaxanaxan da maiche na'amqaanaxac, ỹoqo'oye saishet qome da qayi'iitega camaye.»

Éxodo 7:9

«Ñi faraón qom iỹaxanaique da qaỹo'ot ca na'anec maye ỹo'ot da na'aalaxa, nache 'am qonapega qome da Aarón da ỹacona aca lashelte. Ime, qaq ỹasaxauec, ỹauaachigui naqa'en ñi faraón, yaqto' nañigui na na'araxanaq.»

Números 24:13

da na'aictaxa da aỹem 'aỹa'anem ñi 'arma' maye nlaqchigui na oro qataq na plata, qalaxaye aỹem saishet da ñapacalec ca la'aqtac Ñim Nataxala' da yaqto' so'ot ca no'on huo'otaq ca qauem, nacherata da sa'axat ca la'aqtac Ñim Nataxala'.

Éxodo 4:12

Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

Éxodo 4:15

'Autaxaỹapegue' qome ñimaye, nache 'aua'axatem 'enauac na 'am samaxalec da 'aua'axat, yaqto' ñimaye nache ỹa'axat na 'ara'aqtacpi qome. Qaq aỹem soota'aguet qome ñimaye, qataq da ivita da qautaqai, qalaq qami' sapaxagueneque ca lataxac cam qauo'oche.