Números 16:22 - La'aqtaqa Ñim Lo'onatac 'Enauacna 2013

²² Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Números 16:22 Referans Kwoze

Números 27:16

'Am Nataxala', maye 'Am Natamnaxala' 'enauac na shiỹaxauapi, ñaq 'auauo'o qome ca lataxala' ne'ena nhuo' le'ecpi,

Zacarías 12:1

Qaq 'era da la'aqtac Ñim Nataxala', da ỹa'axata'a da 'eetec qome nam Israel. Ñim Nataxala' maye ỹo'ot co'ollaxa na piguem, qataq ỹo'ot ana 'alhua, qataq ỹanem da lca'alaxa ca shiỹaxaua, da la'aqtac 'eeta':

Da na'aqtaguec so Job 12:10

Na lhuaq lauel Ñimaye, nache huetaigui 'enauac na huo'o da lca'alaxa, qataq naua la'a'che da nachaalataxac na shiỹaxauapi.

Hebreos 12:9

Co'ollaq ñaq qomi' nogotolqa, nache soua yo'oqchiguilo qarta'al qomi' ỹapaxagueeta'ape, qaq qomi' nache huo'o naq 'ene'c ñaqa'ena'q soomaye. Qalaq ta'ainectoxo' da saq ỹactec da salaxasoxoguet Ñim Lo'onatac 'Enauacna maye Qarta'a maye neta'ague da piguem, cha'aye da nache shenaqtec de'era, nache huo'o ca qarca'alaxa chochaq tatec.

Eclesiastés 12:7

Cha'aye qom ime de'era, nache nam lsoche na 'alhua, ỹe'eguelaxaigui ana 'alhua, 'eeta'am da 'eetec co'ollaxa, qaq som saqcha'a nca'alaxa ỹe'egueloqot Ñim Lo'onatac 'Enauacna, maye ỹan co'ollaxa.

Romanos 5:18

Chegoqchigui da lasouaxashet so Adán, da Ñim Lo'onatac 'Enauacna ỹa'axat da 'enauac da shenaqta saỹaqa'aguet da seleuaq. Qalaxaye qana'achec da chegoqchigui So Jesucristo da qomi' ileualeguete, nache Ñim Lo'onatac 'Enauacna ỹapalaxat na qarasouaxashetpi qataq qomi' ỹanema ca achaalataxac maye chochaq tatec.

Isaías 57:16

Qaq saishet qome da nache shecto'ot da sheetega huo'o ca lasouaxashet na ỹalamaxat nhuo' le'ecpi, qataq saishet qome da nache 'eetai' da senotac, cha'aye da sheetec de'era nache nam shiỹaxauapi maye so'ot co'ollaxa ishet da deqat da na'añaxataxac da aỹem nachatto'ot.

2 Samuel 24:17

Nache so David co'ollaq ila'a se'eso namaxashec piguem le'ec, da ỹalauattac se'eso shiỹaxauapi, nache natamnot Ñim Nataxala', 'eeta': «¿Negue'tom ca lasouaxashet ne'ena shiỹaxauapi? ¡Ye nachaỹemta da huo'o da ỹasouaxashet! ¡Qataq nachaỹem so'ot de'era qauem! ¡Qaq ỹoqo'oye 'Am ñachoxonnot da aỹem talec 'anqa'en ca ñeuaxanaguec, qataq na chegoxoguetpi so ita'a!»

Números 16:45

¡Qoquiỹa'ai qome ne'ena shiỹaxauapi, cha'aye selaxachigui nagui! Nache soomaye ỹa'alyiñi naua l-llecte, nache iviraxatra'aguet naqa'en naua lata'api na 'alhua.

Números 14:5

Nache so Moisés qataq so Aarón ỹa'alyiñi naua l-llectel, nache iviraxatta'agueta naqa'en na lata'api na 'alhua, ỹauaachigui naqa'en so Israel le'ecpi,

Génesis 18:32

Qaq so Abraham, qaltaq ỹe'eguelaxalec co'ollaxa da denataxan, 'eeta': «Ñaq aỹem 'anqouaguec 'Am Ỹataxala', saishet da aỹem 'aualemataỹa, qalaxaye nache pa'atec nagui da 'am senat, ¿ca qonetec da huo'otaq 'aulaleguete caua diez?» Nache Ñim Nataxala', 'enapeco': «Qomye da huo'oi caua diez, nache saishet qome da selaxachigui yi'iye huaqta'a't nỹecpi.»

1 Corintios 13:7

Ca huo'o da lsoxoyec, camaye nala'aguet 'enauac na chochaqna ivireguet.

2 Samuel 24:1

Qaq Ñim Nataxala' ỹe'eguelaxalec co'ollaxa da dalemataỹa so Israel le'ecpi, nache ỹayena'a so David da ỹo'ot aso le'enaxat lmalate ye Israel qataq ye Judá.

Números 16:4

Qaq so Moisés co'ollaq hua'axaỹa de'era, nache ỹa'alyiñi naua l-llecte, nache iviraxata'aguet naqa'en na latap na 'alhua,

Levítico 4:3

‹Qaq cam huo'o ca lasouaxashet da huo'otaq nacheca ca lataxala' ca ntaxaỹaxanaxanecpi, nache camaye nmañi naqa'en na Israel le'ecpi da huo'o ca lasouaxashet, nache camaye iuen da ỹanot Ñim Nataxala' ca huaca maye qaica ca lque'emaxa, da yaqto' lachetaqtaxanaxat maye sa imauaq da qaỹavigaxat.

Levítico 10:6

Ime, nache so Moisés 'enapega so Aarón qataq soua no'oirañi llalqa, Eleazar qataq so Itamar, 'eeta': «Qami' saishet da huesotagui qanqa'eñi na qaravi, qataq da qaucolaxachiỹa'aguelo naua qorogolli' da la'anaxat da qarasouaxaqui, yaqto' saishet da qaullivi, cha'aye saishet da ivirauga na laỹe Israel le'ecpi da layeloxo Ñim Nataxala'. Nacherata da huo'o da 'eeta namayepi souaxat yeua lauo' lashe', cha'aye Ñim Nataxala' Nacheñi Ñim anacot so norec.

Números 16:23

Nache Ñim Nataxala' 'enapega so Moisés, 'eeta':

Josué 22:18

Qaq ¿peta'a saisheto' da nache tachiguiña damaye, ye qami' qaltaq qaỹa'axañiiuec da qoquiigue Ñim Nataxala'?› Cha'aye da qauataiỹa'aguet nagui Ñim Nataxala', nache Ñimaye qonte' dalemataỹa qome 'enauac na Israel le'ecpi.

Jeremías 32:27

«Nachaỹem maye Aỹem Nataxala', maye Natamnaxala' 'enauac nam huo'o da lca'alaxa, Aỹem qaica ca seqalanapec.

Jeremías 38:16

Qalaxaye so nta'a Sedequías, ỹoxotchiguiñi so ỹan la'aqtac maye ỹanem so Jeremías, 'eeta': 'Am sanem da ỹa'aqtac qataq Ñim Nataxala', maye qomi' ỹanema da qanachaalataxac, da aỹem saishet qome da 'am samaxasoxoolec da 'am qaỹalauat, qataq saishet da 'am saneguet da lhuaqỹaxac nam huotaique da 'am ỹalauat.

Ezequiel 18:4

Cha'aye Aỹem ỹalamaxat 'enauac na shiỹaxauapi, na nta'alpi qataq na ñalaqpi. Qaq cam huo'o ca lasouaxashet qalaq ileu qome.

Salmos 99:6

So Moisés qataq Aarón nache ỹalectaiguilo co'ollaxa so ntaxaỹaxanaxanecpi, qataq so Samuel ỹalectaigui co'ollaxa som ỹo'oxoreetac da le'enaxat Ñimaye. Qaq naxa somayepi da iỹaxanot Ñim Nataxala', nache Ñimaye ỹasateguet da lỹaxanaxac.