Números 16:15 - La'aqtaqa Ñim Lo'onatac 'Enauacna 2013

¹⁵ Nache so Moisés ỹataqta dalemata, nache 'enapega Ñim Nataxala', 'eeta': ¡Saishet qome da 'auaconeguet da 'Am ndoua'a aca lachetaqtaxanaqte namayepi! Cha'aye aỹem, saishet da sacona ca 'oonolec 'ashena maye lalamaxat namayepi, huo'otaq da so'otec ca qauem.

Números 16:15 Referans Kwoze

2 Corintios 7:2

Qaq ỹoqo'oye qauauo'oi ca qardaqa' naua qarquiyaqchilli'. Cha'aye saishet da huo'o ca so'otaxac ca sa ỹaỹamaxañi qataq saishet da huo'o ca seque'emaqchetaq qataq da satenachetaq.

1 Ts 2:10

Qami' huo'o da qarpi'iỹaxaqui Ñim Lo'onatac 'Enauacna qataq qomi' co'ollaq qami' souaqta'agueta, qalaq ỹataqta no'on da qarataxac. Qaq Ñimaye ỹataqta ỹaỹateeta da 'eesa de'era, nataqa'en qami'. Ỹoqo'oye qaica ca ishet da huo'o ca qomi' ỹasaxaleguete ca qarasouaxashet.

Efesios 4:26

Qaq da huo'otaq qaualematai, qalaq saishet da qanashiñiiuo da ỹo'ot ca qarasouaxashechi. Qataq de'era qaralemataiqui saishet da imauec ca 'oonolec na'a'q,

2 Corintios 1:12

Qomi' ỹa'añaqche't da saỹaanaq da ỹaỹamaqchiguiñi da qarataxac, qataq ỹataqta qomi' 'eesora nagui da souaqta'aguet 'enauac na shiỹaxauapi, qataq ỹactec naxa da qami' souaqta'agueta. Qaq de'era saishet da so'otaq da seca'ataqtague' da maiche qaraỹaanec, nachaqrata da ltaunaxanaxac Ñim Lo'onatac 'Enauacna, qataq sanaqtac da qana'achecỹaxac souaxat da lta'araic lsoxoyec.

1 Corintios 9:15

Qalaxaye aỹem saishet da huo'o ca huaña da qami' sequicto'oto, qataq saishet da qami' samaxalo ana'ana ỹere da sauotaique da huo'o ca aỹem qaỹa'añim. ¡Cha'aye ỹataqta 'onaxaic ñaqa'en da seleetañi' de'era ỹo'onataxanaxac, saq 'ena'am da huo'o ca chegoqtec da aỹem illapeguem de'era ỹo'onataxanaxac maye maiche iuennataxac da saishet da qaisheeten!

Marcos 3:5

Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Mateo 5:22

Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Números 12:3

Qalaxaye so Moisés ỹataqta huesota da lataxac, qaica ca 'ena'am na shiỹaxauapi, maye netalec ana 'alhua.

Éxodo 32:19

Qaq co'ollaq sa qaỹapeque so mataqa' maye qanayeuta'a, nache so Moisés ila'a co'ollaxa so ne'enaqtac huaca llalec, qataq so dasottacpi, nache somaye ỹataqta 'eroigui da lalemataic, nache nhuaxaayiñi soua nasoqta'alo coma'ye, ỹataqta dolachiguilo naqa'en huaña so loigue añi qasoxonaxa.

Números 16:16

Qaq ime, nache so Moisés 'enapega so Coré, 'eeta': 'Am qataq na 'araỹepi, qanqo'oñiiua'a qonte' ye lanataqa' Ñim Nataxala'. Qaq so Aarón, nataqa'en hueta'a qome yemaye.

2 Samuel 22:22

cha'aye aỹem salaxagueta naua lapaxaguenataxanaxaco Ñim Nataxala', ¡qataq saishet da sheca'ai Ñim Ñatamnaxala'!

Proverbios 21:27

Ñim Nataxala' ỹaỹemec aca lachetaqtaxanaqte na qauemaicpi, lamaaxa da qauem da qoỹaataigui da qoỹaneuo.