Números 16:11 - La'aqtaqa Ñim Lo'onatac 'Enauacna 2013

¹¹ Cha'aye 'am qataq na 'araỹepi qalaỹoñiita'a't da qauataiỹa'aguet Ñim Nataxala', qaq ¿Negue'to' so Aarón da qoquiitapeguelec?

Números 16:11 Referans Kwoze

Éxodo 17:2

Huaña, nache qoỹenapega so Moisés, qoỹeeta': «¡Ña 'auauo'o ca qaraquip, yaqto' ñiỹomaq!» Nache so Moisés 'enapeco': «¿Ta'ainco' ye aỹem qauỹaxañiitacot? Qataq ¿ta'ainco' ye qavi'iguiñeetac Ñim Lo'onatac 'Enauacna?»

1 Corintios 3:5

Cha'aye ¿negue't aỹem Pablo? Qataq ¿negue't ca Apolo? Qomi' choche qomi' lamaxa'she Ñim Lo'onatac 'Enauacna, qomi' qauachegoqoichiguilo da huo'omshe qami' qaua'amaqchiñi So Qarataxala' Jesús. Ñi 'oonolec da shenaqta ỹo'ot ca lo'onataxanaxac maye ỹachaxaalec So Qarataxala'.

Números 16:3

Nache 'enauac somayepi huaxaỹa't da dataỹa'aguet so Moisés qataq so Aarón, nache 'enapegalo soomaye, 'eeta': ¡Nache a'aye ctaxa da qauapaquiitapeguec qami'! Cha'aye 'enauac ne'ena shiỹaxauapi, mashe qaiỹotauga da lalamaxat Ñim Nataxala'. Qataq Ñimaye hueta'aguet namayepi. ¿Qaq ta'ainco' da ỹataqta qanpa'axañiilec da qaralamaxache qanqa'eñi na lalamaxatpi Ñim Nataxala'?

Romanos 13:2

Qaq cam sa ỹalaxaguet nam nataxala'pi, nache dataỹa'aguet dam la'aqtac Ñim Lo'onatac 'Enauacna. Qaq cam dataỹa'aguet damaye, nache ỹauo'o ca nhuaxanaguec qome Ñimaye,

Hechos 5:4

¿Saisheto' peta'a da 'aralamaxat som 'alhua? Cha'aye co'ollaq 'aumen somaye, qaq ¿saisheto' peta'a da maiche 'aralamaqte aso lasheue? ¿Ta'ainco' ye tachiguio' ye 'arhuel da 'auo'ot de'era? 'Am 'auatenachet Ñim Lo'onatac 'Enauacna, saishet da nacheqomi'.

Juan 13:20

Qaq ỹataqta 'eesa de'era qami' sa'axatema, da ca ỹaconeguet cam ỹamaxashec, qaq camaye Aỹem maye Aỹem ỹaconeguet. Qaq cam Aỹem ỹaconeguet, camaye ỹaconeguet Ñim Aỹem namaq.

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

1 Samuel 8:7

qalaxaye Ñim Nataxala' 'enapego' somaye, 'eeta': «'Auauo'o qome ca iỹaxaataique ne'ena shiỹaxauapi, cha'aye saishet da nache 'am da 'am ỹo'otan namayepi, maye nachaỹem maye aỹem ỹo'otan da yaqto' saishet da selotague'.

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Judas 1:16

Ne'ena shiỹaxauapi ỹataqta taxaỹaxaicpi qataq camachaqca ca quetapeguelec. Qataq nachaqrata da nmitta'a da ipacchigui ca maiche lqopitaxanaqtaic. Qataq naua la'aqtaqa ỹataqta ño'oxonnaxaiqa, qataq da detaxaỹa ca lỹa shiỹaxaua qalaq ỹataqta iyaata, qalaxaye choche ỹatenachettac.

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Números 16:12

Ime co'ollaxa, nache so Moisés damaxasoxona so Datán qataq so Abirán, som llalqa so Eliab, qalaxaye soomaye 'ena'apo': Qomi' saishet da qolaq.

1 Crónicas 26:19

Qaq 'era da 'eetec co'ollaq qanaloqchiiñi da lo'onataxanaxac som iuattague' soua ñeguereuo, som chegoxoguetpi so Coré qataq so Merari.

Salmos 106:16

Qaq co'ollaq hueta'a so nmataqa' somayepi, nache nquiỹa so Moisés qataq so Aarón maye iỹotauga Ñim Nataxala'.