Números 15:41 - La'aqtaqa Ñim Lo'onatac 'Enauacna 2013

⁴¹ Aỹem Nachaỹem Nataxala' maye Qanatamnaxala'ai, maye qami' ñeqateeguesopa co'ollaxa ye Egipto da yaqto' Aỹem Qanatamnaxala'ai. Nachaỹem Nataxala' maye Qanatamnaxala'ai.»

Números 15:41 Referans Kwoze

Hebreos 11:16

Cha'aye da lyaxayec somayepi, huotaique da huo'o ca lalamaxat na'alhua maye ỹataqta no'on hueta'ague da piguem. Qaq ỹoqo'oye Ñim Lo'onatac 'Enauacna saishet da na'aloxootac da ỹamata'ac da llalaqpi somayepi, cha'aye Ñimaye sogote da iqataxaatai' da pa'asheguem cam nỹecpi maye huotaique da lma' somayepi.

Salmos 105:45

da yaqto' ỹaỹamaxattec qataq ilotelec da llec na lqataxacpi, qataq na lapaxaguenataxanaxacpi Ñim Nataxala'. ¡Qaỹo'oxoren qome Ñim Nataxala'!

Levítico 25:38

Qaq 'era da ỹa'aqtac, Aỹem Nataxala' maye Qanatamnaxala'ai, maye qami' ñeqateeguesopa co'ollaxa ye Egipto da yaqto' qami' sanema ye 'alhua Canaán da yaqto' Aỹem Qanatamnaxala'ai.

Levítico 22:33

qataq qami' ñeqateeguesopa co'ollaxa ye Egipto da yaqto' nache Aỹem Qanatamnaxala'ai. Qaq 'era da ỹa'aqtac, Aỹem Nataxala'.»

Números 15:40

Yaqto' ntoueeta'ac qataq ỹo'ot 'enauac na iqataxacpi, qataq ỹataqta Aỹem ỹalaxaguet, yaqto' namayepi qui'itta da lataxac, cha'aye Aỹem Lataxala'.

Números 16:1

So Coré, maye llalec so Isar, som laual so Quehat, maye chegoxoguet so Leví, qataq so Datán, Abirán maye llalqa so Eliab, qataq so On som llalec so Pelet, maye chegoxogueta so Rubén,

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.