Números 15:31 - La'aqtaqa Ñim Lo'onatac 'Enauacna 2013

³¹ souaxat da qaica ca naigui naqa'en da ỹa'aqtac, qataq ỹo'otan na ỹamaxasoxonaxacpi, nache camaye ỹataqta qaỹo'orauec, qataq maiche nque'etaxangui que'eca lasouaxashet.»

Números 15:31 Referans Kwoze

Proverbios 13:13

Ca saishet da ilo'oguet ca napaxaguenataxanaxac qalaq taỹa'a da deqat, qaq ca huo'o naq 'enec naqa'en ca namaxasoxonaxac qalaq huo'o ca nsheetenaguec.

2 Samuel 12:9

Qalaq ¿ta'ainco' da qaica ca naiguilo 'anqa'en naua ỹa'aqtaqa, nache 'auo'ot da sa saỹamaxaren? Cha'aye 'am, 'aualauat so Urías som hitiita, nache 'auo'ogoxona so amoniitapi da yaqto' ỹalauat, ime nache 'anamataxaalec añi lhua.

Ezequiel 18:20

Qaq nachecata cam huo'o ca lasouaxashet da ileu qome. Qaq cam ñalec saishet da isheeten ca lasouaxashet ca lta'a, qataq cam nta'a saishet da isheeten ca lasouaxashet ca llalec. Qaq ca no'on da lataxac, qalaq ỹaconeguet qome ca lasheechiỹaxac ca nalochiguiñi lataxac maye ỹo'ot, qaq ca qauemaic qalaq ỹaconeguet qome ca nhuaxanaguec souaxat dam qauem lataxac.

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

Salmos 119:126

'Am Nataxala', mashe ivita ye laloqo' da huo'o ca 'auo'ot, cha'aye mashe sa qaỹalaxagueta naua 'arqataxaco.

Levítico 5:1

Qaq da huo'o ca shiỹaxaua qaiỹaxana da yaqto' ỹa'axat cam nasouaxashet maye ỹauaachigui, huo'otaq hua'aqchigui co'ollaxa, qaq camaye da saishet da da'aqtaxan, nache camaye nque'etaxangui que'eca lasouaxashet.

2 Pedro 2:21

Cha'aye ỹaỹamaqchiguiñictaxa namayepi da saishet co'ollaxa da ỹaỹaten da lataxac da achaalataxac maye ỹaỹamaxareeta Ñim Lo'onatac 'Enauacna. Qalaxaye nagui ye ỹaỹaten, nache da ỹaxaañi da ỹalaxaguet Ñim Lo'onatac 'Enauacna, nache namayepi ỹactec da ỹo'ot sa ỹaỹamaxañi, saq 'ena'am so hua'auchiguiñi.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Isaías 30:12

Qaq ỹoqo'oye Ñim Qui'itta Natamnaxala' na Israel le'ecpi, 'eeta': «Qami' sa qauacoñiiguet de'era na'aqtac, nacherata da qanteñiitacot da loquiaxac qataq na qauemsat maye nachena nam qauaỹamaxayiñiita,

Salmos 38:4

Na qauem maye so'otpi co'ollaxa ỹataqta aỹem ipataxañi, namaye ỹataqta qapa'atta, saishet da ñalo'oguet.

Levítico 26:43

yem 'alhua maye taỹa'a da qoquiỹa'ai qome, da yaqto' ỹataqta nmatec, nachichiigui da qami' saishet da qoñiỹalec. Qalaxaye qauaỹachiñiita qome da qami' huo'o da qanpe'enaxaqui, souaxat da sa qaualaqailec na ỹamaxasoxonaxacpi qataq na iqataxacpi.

Levítico 26:15

qataq da saishet da qauacoñiiguet, qataq sa qaushetaxachiiguet na iqataxacpi, qataq na ỹamaxasoxonaxacpi, qataq da sa qaualaqaiguet namayepi, qataq qaica ca 'enec qanqa'eñi da ñaỹamaxataxac,

Salmos 107:11

souaxat da dataỹa'agueta naua la'aqtaqa Ñim Nataxala', qataq ỹaỹemeque naua lqataxaco Ñim Nataỹaña 'enauacna.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.

Deuteronómio 17:12

Qaq da huo'o ca shiỹaxaua napagaqaanaxaic da saỹalaxaguet ca la'aqtac ca ntaxaỹaxanaxanec, huo'otaq ca aloico lo'o maye lamaxa'she Ñim Nataxala', nache camaye qaỹalauat. Yaqto' imeuo, ca qauem maye huetaña na Israel.

1 Samuel 3:14

Qaq ỹoqo'oye, Aỹem san da ỹa'aqtac maye taaleguete soua llalqa ñimaye, nache qaca qome aca nachetaqtaxanaqte qaỹavigaxat, huo'otaq ca lỹa nachetaqtaxanaxat da ishet da ỹapalaxat na lasouaxashetpi soua llalqa ñi Elí.