Números 15:30 - La'aqtaqa Ñim Lo'onatac 'Enauacna 2013

³⁰ Qalaxaye da huo'o ca shiỹaxaua da nache 'ena'anac da ỹo'ot ca lasouaxashet, na'aictaxa da Israel le'ec, huo'otaq chegaqauec, nache camaye Aỹem inogoqchet. Nache que'eca shiỹaxaua qanqateeguesop na lauo' le'ecpi,

Números 15:30 Referans Kwoze

Hebreos 10:26

Cha'aye da nache qarhuennataxa da qolaqto'ot da so'otaq ca qarasouaxashet da huo'otaq mashe sauattonaq dam 'eesa lapaxaguenataxanaxac Ñim Lo'onatac 'Enauacna, nache qaica ca ishet da qaltaq sanaqot Ñimaye da yaqto' ỹapalaxat na qarasouaxashetpi.

Salmos 19:13

Qataq aỹem 'anqateeguesop qome da ña'amqaanaxac, qataq saishet qome da aỹem 'auashenem da ña'amqaanaxac da aỹem loxonec. Yaqto' nalochiguiñi da ỹataxac, qataq saishet da lta'araic ca ỹasouaxashet.

Deuteronómio 1:43

Qaq ñaq 'eetalec da sa qana'axaỹaxañi, sa qaualaqaiguet da la'aqtac Ñim Nataxala', ndotec da qanachaqchiñi, nache qoquiisheguemec añi qasoxonaxa.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

2 Pedro 2:10

Que'eca nhuaxanaxanaxac ỹataqta lalamaxat nam saishet da ỹalaxalec nam lamaxasoxonaxacpi Ñimaye qataq huetaigui da ỹo'ottac 'enauac na qauem maye maiche 'eetapeguecpi. Ne'ena dapaxaguenataxaatac maye tenataxanaxaicpi ỹataqta qaramchiguilo naua lquiyaqtel qataq ño'oxonnaxaicpi, qataq saishet da ñi'iỹa da isheueetac na lamaxashecpi Ñim Lo'onatac 'Enauacna maye no'on da lataxac.

Salmos 89:51

'Am Nataxala', na 'ampa'aguenaxauapi ỹataqta qomi' ỹe'enai'salo, cha'aye da lqauaxac ne'ena 'arca'aguishec nache 'eetai' naxa da qaỹe'eetac.

Salmos 79:12

'Am Nataxala', siete qome da 'avi'eguelaxalec da nque'eteeta 'anqa'en na qarhuoreuapi, souaxat na qauemsat maye 'am ỹasaxalec.

Salmos 74:22

'Am Ñatamnaxala', 'anachaañi qome, ña 'ampaxaalec da qoneta, 'auennata'a da 'enauaque naua na'axa'te da 'am isheueetac na qaica ca ỹaỹaanapec.

Salmos 74:18

Ña 'auennata'a qome 'Am Nataxala', da na 'am ipa'agueetacpi ỹataqta 'am ỹe'enai', qataq na shiỹaxauapi maye qaica ca ỹaỹaanapec, ỹataqta qauema naua la'aqtaqa da 'am detaqtega.

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.

Éxodo 21:14

Qalaxaye da huo'o ca ỹalauat ca lỹa souaxat da nache 'eetai' da nquiỹatega, nache camaye nache 'ena'am qaỹalauat, na'aictaxa da ỹe'egueneua'a aca nca'atoxonaxalate.

Proverbios 14:31

Ca qaica ca naigui naqa'en ca choxoraq qalaq camaye inogoqchet Ñim Lo'onatac 'Enauacna, qalaxaye Ñimaye ỹo'oxoren ca ichoxoren ca choxoraq.

Salmos 69:9

Da ỹauoche ñi 'arma' ỹataqta aỹem ỹalauat, souaxat da aỹem talec 'enauac da lsheunaxanaxac na 'am isheueetac.

Levítico 20:10

Qaq ca shiỹaxaua da lauañi' aca lhua ca lỹa, nache que'eca ỹale qataq aca 'alo qaỹalaua't.

Levítico 20:6

Qataq da huo'o ca nqo'ona ca ltaxaỹaxaua na nqui'ipi qataq na ilaviigui ca lỹa, nache Aỹem ỹataqta sataỹa'aguet que'eca shiỹaxaua, qataq so'orauec, ca'ai ñaqa'en ca lauo' le'ecpi, souaxat da nquisheshaxac da ca'attague' so Moloc.

Levítico 20:3

Nache Aỹem ỹataqta sataỹa'aguet qome que'eca shiỹaxaua, qataq so'orauec, ca'ai ñaqa'en ca lauo' le'ecpi, cha'aye ishepaxanaqchet ye atamnaqa' maye ỹanataqa', qataq ỹe'enai' da ỹataqta qui'itta ỹe'enaxat, souaxat da ỹanot ca llalec ca atamnaxala' Moloc.

Génesis 17:14

Qalaxaye cam saishet da qaỹauo'o ca na'anaxat na lo'oc, nache camaye iuen da qaỹamaqauec qome, cha'aye qaica ca 'enec naqa'en da ñaỹamaxataxac.»

1 Juan 5:16

Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

Números 15:29

Qaq nache 'oonolec de'era qalapaxañi lataxac da ỹo'ot qome na Israel le'ecpi, qataq ca chegaqauecpi maye netaigui namayepi, da ivita da huo'o ca ilamaqalec ca lasouaxashet.

Deuteronómio 32:27

qalaxaye shi'iỹa'aguet da le'enaxanaxac na ñepa'aguenaxauapi, cha'aye da saishet da ỹaỹateeteguet de'era namayepi, nache, 'eeta': Saishet da nacheñi Ñim Nataxala' ñim ỹo'ot de'era, qomi' maye so'otaq damaye sauoqta'a da maiche qara'añaxac.

1 Samuel 2:25

Ca shiỹaxaua da nasouaxata'ai' ca lỹa, nache huo'o nam aloico lo'opi da nmit camaye, qalaxaye ca shiỹaxaua da nacheñi Ñim Nataxala' da hueto'ot ca lasouaxashet, ¿qaq negue't ca iueelec camaye?» Qalaxaye soomaye saishet co'ollaxa da ỹoqochetrega da la'aqtac so lta'a. Qaq ỹoqo'oye Ñim Nataxala' taỹa'a naqa'en da nqat da nachaalataxa'c soomaye.

Da na'aqtaguec so Job 38:15

qataq da qanqateeguesop na yo'oqchiguiñi na qauemaicpi, huaña, nache imeuo da la'añaxac na napagaqaanaxaic lhuaq.

Ezequiel 20:27

‹Qaq 'am, shiỹaxaua, qonapega qome na Israel le'ecpi, qoneta': 'Era da la'aqtac Ñim Nataxala', 'eeta': Nataqa'en som qarta'ailpi Aỹem inogoqchet co'ollaxa, qataq aỹem saỹalaxaguet.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

1 Samuel 3:14

Qaq ỹoqo'oye, Aỹem san da ỹa'aqtac maye taaleguete soua llalqa ñimaye, nache qaca qome aca nachetaqtaxanaqte qaỹavigaxat, huo'otaq ca lỹa nachetaqtaxanaxat da ishet da ỹapalaxat na lasouaxashetpi soua llalqa ñi Elí.