Números 15:20 - La'aqtaqa Ñim Lo'onatac 'Enauacna 2013

²⁰ Qataq ca la'auaxanec ndaqñiguishec 'ayiiña, qaỹa'añiiuo qome aca 'oonole nauole da nachetaqtaxanaqte maye chegaqaigui ca nsoiguishec ala ca nañiguishec.

Números 15:20 Referans Kwoze

Levítico 2:14

Qaq da huo'o ca ỹaneuo aca nachetaqtaxanaqte aca la'auaqteguishe ala ca nañiguishec, nache ỹauota'a aca nqatelliguishec ala ca nañiguishec, huo'otaq aca nsoiguishe.

Éxodo 34:26

Qataq qaroiua'a qome aca atamnaxaqui maye lalamaqte Ñim Nataxala' aca ỹataqta no'on la'auaxana ala ca qorañiguishequi maye chegaqalec ca qana'alhuaipi. Nataqa'en da qaỹa'añeeuaq ca quetaq llalec, nache saishet da qauoshaxañiỹa ca maiche lche' aca late'e.»

Ezequiel 44:30

Na ntaxaỹaxanaxanecpi taỹot qome nam ỹataqta no'on maye la'auaxanec ala na nañiguishec, qataq 'enauac ana nachetaqtaxanaqtepi. Qaq qami' da qauo'oche ca qardaqñiqui da qauo'oche aca nauole, nache namayepi taỹot qome aca ỹataqta no'on nauole. Qaq 'era da 'eetec, da yaqto' da iqouagaxanaqtaic huetalec qome ca qarma'aipi.

Nehemías 10:37

Nataqa'en ñasataxagui da seroxoua'a so laponqa' so nallec maye naña aso atamnaxaqui maye lalamaqte Ñim Lo'onatac 'Enauacna, so qarachetaqtaxanaxat la'auaxanec 'ayiiña, qataq aso la'auaxana ala aso qo'oipaqpi, lataxa, qataq so aceite, da yaqto' qoỹanem so ntaxaỹaxanaxanecpi. Nataqa'en ñasataxagui da sanaxam so leviitapi aso diezmo maye chegaqaigui na ala so qorañiguishecpi. Cha'aye nacheso somayepi so laỹootega't naxa 'enauac ana qarachetaqtaxnaqte naua souaqta'alo qaro'onataxanaqa'te.

Levítico 23:10

«Qonapega qome na Israel le'ecpi da ivita da qaunoxoñeeua'a ye 'alhua maye qami' sanema qome, nache da ivita da qanqache ca ala ca trigo, nache qaroiua'a qome ca ntaxaỹaxanaxanec aca 'oonole hua'auchiguiñi naqta que'eca nqateguishec.

Éxodo 23:19

Qaq ca no'on la'auaxanec ala ca qorañiguishequi, camaye qauroiua'a qome aca atamnaxaqui maye lalamaqte Ñim Nataxala' maye Qanatamnaxala'ai. Qataq saishet qome da qaỹa'añiiuaq ca quetaq llalec da qauallicñiiguet ca lche' aca late'e».

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Santiago 1:18

Ñim Lo'onatac 'Enauacna maiche lhuennataxac da ỹauo'oi qomi' llalqa. Qaq ỹoqo'oye qomi' ỹanema da dalaxaic achaalataxac, chegoqchigui de'era no'on na'axaỹaxac maye chegaqaigui da nca'alaxa.

1 Corintios 15:20

Qalaxaye ỹataqta 'eesa da ¡So Cristo ỹe'eguelaxalec da nca'alec! Qaq damaye ỹa'axat da nataqa'en taỹa'a da ỹe'eguelaxalec da nca'alec na laỹepi leuaxaicpi.

Romanos 11:16

Qaq huo'o da saloqnaxana: Aca hua'auchiguiñi nauole 'ayiiña maye chegaqaigui ca ndaqnec, da qoỹanot Ñim Lo'onatac 'Enauacna, nache naigui nataqa'en da 'enauac que'eca ndaqnec lalamaxat Ñimaye. Qataq cam lpa'a' aca qo'oipaq, da qoỹanot Ñim Lo'onatac 'Enauacna, nache nataqa'en 'enauac ana lcouepi imauec da lalamaqte Ñimaye.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Deuteronómio 14:22

Qaq ye 'oonolec vi'i nache huetoigui da qauỹochiỹauga qome aca diezmo maye chegaqaigui ana ala ca qorañiguishiqui.

Números 18:12

Qataq ana la'auaxana 'ala na nañiguishec ye vi'i, maye Aỹem ndoua'a na Israel le'ecpi, nache 'am sanem nataqa'en na ỹataqta no'on aceite, lataxa, qataq na trigo.

Levítico 23:20

Qaq ca ntaxaỹaxanaxanec, nache ỹaayishegue'm da ỹaareuo que'ecaua qagueta llalqa, da nachetaqtaxanaqa'ate da huaña ye lanataqa' Ñim Nataxala', qataq lỹateuo naqa'en aca nauole 'ayiiña maye chegaqaigui aca la'auaqteguishe ala ca nañiguishec, qataq caua dos qagueta llalqa. Nache ỹanoto Ñim Nataxala'. Ime, nache taỹot ca ntaxaỹaxanaxanec.

Números 15:21

Qaq nache 'eetai' qome da qauo'ocheetac aca'aca nachetaqtaxanaqte, nataqa'en ca qami' chegoxogueta.

Deuteronómio 14:23

Qaq da qollequi aca diezmo maye chegaqaigui na ala ca trigo, lataxa, aceite, qataq ca la'auaxanec llalec ca qareloi: huaca qataq aca qagueta, nache ỹauaachigui qanqa'eñi Ñim Nataxala' maye Qanatamnaxala'ai, yaqto' nache 'eetai' qome da huo'o naq 'enec qanqa'eñi Ñimaye.

Deuteronómio 16:13

Qaq da ime ca laloxoquipi da qanqat ana ala ca trigo, qataq da qanlom na lli'i aca uva, nache qauo'oche ca naponaxac ivittrec caua siete na'axa'te, maye laloxoqui' da qanayenaigui na npe'lpiolec qo'oipaq lcouepi.

Levítico 2:12

Qalaxaye ca ỹasheeraxachigui ca ndaqñiguishec, qataq ca dapic lli'i, ishet da qoỹanot Ñim Nataxala' huaxaiguet aca nachetaqtaxanaqte maye la'auaqteguishe ala ca nañiguishec. Qalaxaye saishet da qaỹauota'a nachetaqtaxanaqte qaỹavigaxat da yaqto' ỹamaateguet da laitaỹaxac Ñim Nataxala'.