Números 15:16 - La'aqtaqa Ñim Lo'onatac 'Enauacna 2013

¹⁶ Nache 'oonolec de'era namaxasoxonaxac, qataq nqataxac maye qalapaxañi lataxac, da qauo'ocheetac qami' qataq ca chegaqauecpi.»

Números 15:16 Referans Kwoze

Éxodo 12:49

Qaq de'era qalapaxañi lataxac nachera da qaỹo'otec qome ca maiche lañoqo' ne'ena 'alhua qataq ca choche chegaqauec da qami' netaiguilo.»

Levítico 24:22

Qaq 'era da 'oonolec lataxac da namaxasoxonaxac, damaye saishet qome da ndotec da talec nam chegoxoguetpi so Israel, damaye ivirauga nataqa'en na chegaqauecpi. Qaq 'era da ỹa'aqtac, Aỹem Nataxala' maye Qanatamnaxala'ai.»

Números 9:14

Qataq ca chegaqauecpi maye qami' netaiguilo, camayepi nataqa'en ỹo'ot qome ca Lapascua da Aỹem ỹo'oxoren, qalaxaye ipacchiguilo naua lapaqtrañi lataxaco. Qaq de'era qalapaqtañi lataxac damaye ipacchigui da ỹo'ot qome ca chegaqauecpi qataq ca maiche lañoqo' ne'ena 'alhua.»

Números 15:17

Ñim Nataxala' 'enapega so Moisés, 'eeta':

Levítico 4:27

Da huo'o ca 'oonolec ne'ena Israel le'ecpi da sa nanoma da huo'o ca npe'eelec nam lamaxasoxonaxacpi Ñim Nataxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Números 35:15

Nache que'ecaua seis que'eca huaqta'a't nỹecpi maye ỹotta'a't naua nañalo, nache lle'eguenaxaqui' qome na Israel le'ecpi, qataq ca chegaqauecpi maye qami' netaiguilo, huo'otaq ca queuoxoicpi. Qataq lle'eguenaqa' qome ca choche ilamaxata'a da ỹalauat ca lỹa.

Josué 8:33

Huaña nache 'enauac so nhuo' le'ecpi, maye chegoxoguetpi so Israel qataq som chegaqauecpi, nqueroxonecpi, nataxala'pi, huataxanaq lta'alpi, qataq so aloico lo'opi, 'enauac somayepi nachattaña som pa'aỹa'aguelo soua laỹel aso arca maye laỹe' da naỹamaxataxac Ñim Nataxala', datateua'a so netaña so ntaxaỹaxanaxanecpi leviitapi maye ỹachetac aso arca maye laỹe' da aỹamaxataxac. Nache so 'oonolec laỹe somayepi netaña da pa'aỹa'ague aso qasoxonaxa Guerizín, qaq so laỹepi netaña da pa'aỹa'ague añi qasoxonaxa Ebal, qaq nache 'eeta'am co'ollaxa so hua'auchiguiñi da talec qanqa'en da no'on na'aqtac qaipacchigui da lamaxasoxonaxac so Moisés, maye lamaxashec Ñim Nataxala'.

1 Reyes 8:41

Qaq nache qoneteguem nataqa'en ca chegaqauec, maye saishet da chegoxoguet na 'aralamaxat Israel le'ecpi, maye chegoqta'a ca qaỹoqta 'alhua, souaxat da hua'aqtega da 'are'enaxat,