Números 15:14 - La'aqtaqa Ñim Lo'onatac 'Enauacna 2013

¹⁴ Qaq da huo'o ca 'oonolec ca qami' netaiguilo chegaqauecpi da huotaique ỹaneuo ca lachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala', nache camaye ỹe'enaxatchigui qome da qoñiitec da qaỹa'añiiuo ca qarachetaqtaxanaxache.

Números 15:14 Referans Kwoze

Levítico 22:18

«Qonapega qome ñi Aarón qataq na llalaqpi, qataq 'enauac na Israel le'ecpi, da huo'o ca Israel le'ec, huo'otaq ca chegaqauecpi maye netaigui namayepi, da ỹanot Ñim Nataxala' ca shiguiỹac da yaqto' lachetaqtaxanaxat qaỹavigaxatta, huo'otaq souaxat da huo'o ca qoỹan na'aqtac, huo'otaq aca nachetaqtaxanaqte maiche chegoqchigui da qoỹan,

Números 15:13

Nache 'enauac qome na Israel le'ecpi ỹo'ot de'era qalapaxañi lataxac, da ivita da ỹaneuo ca lachetaqtaxanaxat qaỹavigaxat, da yaqto' da ama laitaỹaxac ỹamaateguet Ñim Nataxala'.

Números 15:15

Qaq de'era qalapaxañi lataxac, nacherata 'oonolec da qauo'ocheetac qome, qataq ca chegaqauecpi maye qami' ỹalectaiguilo. Qaq 'era da chochaq tatec lataxac maye qalapaxañi, da yaqto' qami' qataq ca qami' chegoxogueta, nache 'eetai' qome da ỹo'ottac. Cha'aye qami' qataq ca chegaqauecpi, nache qoñiita'a't da qoviito'ot Ñim Nataxala'.

Levítico 22:25

Qataq saishet da qauacoñiiguet que'eca shiguiỹac que'emaxaic da qami' iroua'alo ca chegaqauec, da yaqto' nallec maye qoỹanot Ñim Qanatamnaxala'ai, cha'aye que'eca shiguiỹac que'emaxaic, saishet da qaỹaỹamaxaren.»

1 Reyes 8:42

cha'aye qaỹa'aqtega qome da la'amaqchec da 'are'enaxat, qataq da lta'araic 'ara'añaxac. Nache que'eca chegaqauec da naua'a ana'ana atamnaxaqui da natamen,