Números 14:8 - La'aqtaqa Ñim Lo'onatac 'Enauacna 2013

⁸ Qaq Ñim Nataxala' da qomi' nqouagueeque, nache qomi' itaua'n da senoxonaxaua'a yi'iye 'alhua, qataq qomi' ỹaarema. Yi'iye 'alhua, ỹataqta sa qoue na huaca lche' qataq na te'esaq lli'i.

Números 14:8 Referans Kwoze

2 Samuel 22:20

Nache aỹem isouec Ñimaye, qataq aỹem nca'alaxatec, cha'aye souaxat da aỹem ỹauotec.

Isaías 62:4

Nache saishet qome da qaltaq 'am qaỹamata'ac da «Nỹecpi qaỹalat», qataq na 'ana'alhua saishet qome da qaỹamata'ac «'Alhua nlachiguiñi», maye nacherata da 'are'enaxat qome da «Ỹauotaqte», qaq nam 'ana'alhua qalaq «Ỹalamaqte ihua» Cha'aye 'am lauotaqte Ñim Nataxala', qaq Ñimaye 'eeta'am qome da lhua na 'ana'alhua.

Números 13:27

Nataqa'en da'aqtaxaarem so Moisés, 'eeta': Qomi' seviraqa'a ye 'alhua maye qomi' 'auamaxalo, qaq yemaye ỹataqta 'eesa da sa qoue na huaca lche', qataq na te'esaq lli'i, qaq 'ana ana ala na nañiguishec maye huaña yemaye.

Deuteronómio 10:15

Qalaxaye Ñimaye lca'ateua'a co'ollaxa so hua'au qarta'ailpi cha'aye ỹataqta ỹauotec. Ime, qaltaq lca'aua'alo qami' maye qauachegoqoiguet somayepi, cha'aye co'ollaq lca'agui na nhuo' le'ecpi maye netalec ana 'alhua, nache qami' lca'ateua'alo, qaq nachera da 'eeteque nagui qami'.

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Salmos 22:8

nache 'eeta': «De'era, pe'etega naxa Ñim Nataxala', qaq 'onaxaic da anac qome Ñimaye da nca'alaxatec, cha'aye ỹataqta lauotaxat damaye, qaq no'on da nacheñi Ñimaye da isouec.»

1 Reyes 10:9

¡Qaq ỹataqta qaỹo'oxoren qome Ñim Nataxala' maye 'Anatamnaxala', cha'aye Ñimaye 'am ỹaỹamaxareeta, nache 'am ỹanem da no'onataxanaxac da 'am nta'a na Israel! Cha'aye Ñim Nataxala', nache 'eetai' de'era lauotaxanaqtaic na Israel le'ecpi, nache 'am ỹanagui da 'am nta'a, yaqto' da 'aulo'ogue namayepi nache nalochiguiñi, qataq ỹaỹamaqchiguiñi da 'aro'onataxanaxac.»

Sofonías 3:17

Cha'aye Ñim Nataxala' maye 'Anatamnaxala' qami' netanguilo; ¡Ñimaye ỹataqta 'añaxaic, nache 'am nca'alaxatec qome! Ñim Nataxala' ỹataqta machiguiñi qome souaxat da qoneta. Qaq do'ogoxona qome da lsoxoyec da naralaxat da 'anachaalataxac; Qaq souaxat da ntonaxac, nache do'onaxaatac

Jeremías 32:41

Qaq Aỹem samachiguiñi qome da so'otec da no'on namayepi, qataq ỹataqta imauec da iquiyaqteỹaxac qataq da huesota iuennataxac da so'ot da nache netalec ne'ena 'alhua.»

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Números 16:14

Qataq saishet da 'auañoxot da qomi' 'auauegalo ca 'alhua maye sa qoue na huaca lche', qataq na te'esaq lli'i, qataq da qomi' 'anema ca qana'alhua maye hualec ana nañiguishe uva. ¿Peta'a 'aupi'itaxaatega da qanamaicpi ne'ena shiỹaxauapi da yaqto' maiche 'oiqueetac? Qaq ỹoqo'oye saishet da qolaq.

Josué 14:12

Qaq ỹoqo'oye nagui aỹem 'anem ne'ena 'alhua maye huaigui ana qasoxonaxapi maye aỹem ỹachaxanapeguem co'ollaxa se'eso na'a'q Ñim Nataxala'. Qataq nale'ena da 'auaỹateetac da na chegoxoguetpi so shiỹaxaua logoraic maye le'enaxat Anac netaña namaye, qataq na lalamaxat huaqta'a't nỹecpi ỹataqta qanpaxattaua'a. Qalaxaye aỹem huo'o da ñaquitaxac da Ñim Nataxala' aỹem nnaictague' qataq aỹem itaunec da yaqto' sañoxot da so'orauec yemayepi, da yaqto' ipacchigui da la'aqtac Ñimaye.»

2 Reyes 18:32

nache ivitta'a qom qami' ñe'eguena'alo da qami' sauegalo ye 'alhua, maye 'eeta'am ne'ena qana'alhuai, yem 'alhua maye huaña na trigo, qataq ana uva, nache ishet da qaỹo'ot ana nauole qataq na lataxa, yem 'alhua maye huaña na aceite, qataq na te'esaq lli'i. Huaña nache ishet da qanca'alleeuec qome, nache saishet da qaullivi. Qaq ỹoqo'oye saishet da qaualaqaiguet ca Ezequías, cha'aye choche qami' ỹatenachetta'ape da 'eetega qami' nca'alaxatrec Ñim Nataxala'.