Números 14:37 - La'aqtaqa Ñim Lo'onatac 'Enauacna 2013

³⁷ Ỹoqo'oye se'esoua ỹale't maye qauem da la'aqtaxanaxac da ỹa'axattac ye 'alhua, nmichiyiñi da ilem so napiina, ỹauaachigui Ñim Nataxala'.

Números 14:37 Referans Kwoze

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Números 16:49

Qaq da ima'a't se'eso ileupi, nache ivi' catorce mil setecientos, qaq saishet da qanaloqteneuo so leuaxaicpi maye huaigui so ncotaxac so Coré.

Hebreos 3:17

Qataq ¿chaq negue't som ivi't soua cuarenta vi'iye da dalemataỹa Ñim Lo'onatac 'Enauacna? ¡Qomye som huo'o dam lasouaxashet co'ollaxa, nache 'enauac somayepi ileu co'ollaq hualec so toolec 'alhua!

Números 14:12

Aỹem ñamaxa qome namayepi ca nalolaxa maye dalaataxanapec da ñelaaxaañi, qalaxaye 'am qalota qome ñaqa'en ca 'am chegoxoguetpi, qataq napacalec qome da la'añaxac namayepi.»

Judas 1:5

Qaq na'aictaxa da qami' mashe sogote da qauaỹaañi de'era, qalaxaye nache 'ena'am sauotaique da qami' seuennataxanaxaneque da 'eetec co'ollaxa Ñim Lo'onatac 'Enauacna da nqateeguesop ye 'alhua Egipto so Israel le'ecpi, ime, nache ileu naqa'en so shiỹaxauapi maye saishet da ỹa'amaqten Ñimaye.

Jeremías 29:32

Qaq Aỹem Nataxala', shenapec, sauo'o qome ca nhuaxanaguec ñi Semaías, qataq cam chegoxoguetpi ñimaye. Ñimaye qaica qome ca llalaqpi da ỹalectaigui nam ỹalamaxat nhuo' le'ecpi, qataq saishet qome da ỹaconeguet ca namaicỹaxac maye so'otec qome nam ỹalamaxat nhuo' le'ecpi, cha'aye naua la'aqtaqa ñimaye ỹaueegueta da Aỹem dataỹa'aguet. Qaq 'era da ỹa'aqtac Aỹem Nataxala' 'era da ỹa'aqtac.»

Números 25:9

qaq da ima'a't se'eso ileupi maye ilem se'eso nhuaxanaguec somayepi ivi' veinticuatro mil.

1 Corintios 10:5

Qalaxaye ñaqaiyeta somayepi saqalota na lataxacpi maye saishet da ỹo'ot da ntonaxac Ñim Lo'onatac 'Enauacna. Qaq ỹoqo'oye vichiguiñalo ana nhuachiquipi somayepi se'eso toolec 'alhua.

Hebreos 3:18

Qataq ¿chaq negue't som detaxaỹa co'ollaxa Ñim Lo'onatac 'Enauacna da yaqto' saishet da huo'o ca nmataxac naqa'en da hualec ye 'alhua Canaán? ¡Qomye som saishet co'ollaxa da ỹalaq!

Números 13:32

Nache soomaye qauem na ỹa'axatem so Israel le'ecpi da ỹa'axattac yi'iye 'alhua maye qaimeenaxana co'ollaxa, 'eeta': Yi'iye 'alhua maye semeenaxanaxa, yemaye maiche ỹalauat 'enauac na netalecpi, qataq ye shiỹaxauapi maye semeenaqtac yemayepi ỹataqta lta'araicpi.

Números 14:38

Qaq 'enauaque se'eso ỹale't maye demeenaxara co'ollaxa yi'iye 'alhua, da nachaqsouate' soua Josué, som llalec so Nun, qataq so Caleb maye llalec so Yefune da saishet da ileu'.

Levítico 10:2

Huaña, nache Ñim Nataxala' anacot so norec, nache ỹavigaxa't. Qaq 'era da 'eetec co'ollaq ileu' soomaye.

Números 16:35

Qalaxaye so lanataqa' Ñim Nataxala' nataqa'en chegoqteua'a so norec, nache ỹavigaxat, nache nmichiguiñi naqa'en 'enauac se'eso doscientos cincuenta shiỹaxauapi, maye ỹavigaxattac co'ollaxa so lchenaxanaxat.

Números 20:3

nache 'eetega so Moisés, 'eeta': ¡'Onaxaictoxo' co'ollaxa da nataqa'en seleuaq, da shenaqta'am so qarqaỹañecpi maye ỹalauat Ñim Nataxala'!

Números 22:33

Qaq ana 'ashena ye aỹem ilota'a, ỹoqo'oye tres da aỹem dashelec. Qaq taxa da saishet da aỹem dashelec anamaye, nache sogote taxa da 'am salauat, qaq anamaye nachanata taxa da nca'altauec ñaqa'en.

Salmos 91:7

Cha'aye na'aictaxa da mil ca ileu na pa'aỹa'ague na 'ane'emaq, qataq diez mil ca pa'aỹa'ague na 'oic, qalaxaye da qoneta ỹataqta qaica ca machaqca.