Números 14:35 - La'aqtaqa Ñim Lo'onatac 'Enauacna 2013

³⁵ Qaq Aỹem Nataxala', 'era da ỹa'aqtac: 'Era da sheetec qome ne'ena nhuo' le'ecpi, qauemaicpi maye huaxaỹa'pi da Aỹem npa'aguene'. Huaña ne'ena toolec 'alhua da imeuo ñaqa'en namayepi.›»

Números 14:35 Referans Kwoze

Números 23:19

Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.

1 Corintios 10:5

Qalaxaye ñaqaiyeta somayepi saqalota na lataxacpi maye saishet da ỹo'ot da ntonaxac Ñim Lo'onatac 'Enauacna. Qaq ỹoqo'oye vichiguiñalo ana nhuachiquipi somayepi se'eso toolec 'alhua.

Hebreos 3:19

Qaq ỹoqta 'eesa da somayepi da saishet co'ollaxa da huenoxoneua'a ye 'alhua Canaán da yaqto' nmatec, cha'aye qaica ca lpi'iỹaxac Ñim Lo'onatac 'Enauacna.

Números 26:65

cha'aye nache la'aqtac co'ollaxa Ñim Nataxala' da ileuaña somayepi ye toolec 'alhua. Qaq ndotec so Caleb, som llalec so Yefune qataq so Josué, som llalec so Nun da no'oirañi.

1 Corintios 10:11

Qaq 'enauac de'era huaigui som hua'au qarta'alpi, damaye qoỹiyiñi da naloqnaxanaxat da qaỹauotaique qomi' qaiqatalo nagui da souaqtaiguilo naua pa'atre'c na'axa'te.

Salmos 78:33

Qaq ỹoqo'oye Ñim Lo'onatac 'Enauacna ỹo'otec da saqaỹauec ye loga't da nachaalataxac, 'eeta'am da choche qanaue'c naua na'a'che, qataq huaigui naqa'en na qaica ca 'ena'am da lchec.

Éxodo 23:21

Qalaxaye saishet qome da qauỹochiiuec somaye, qataq qaualaqaiguet, cha'aye somaye ỹo'ot ca samaxalec, qataq saishet da ichoxonnai' ca qarasouaxashichi.

Josué 5:6

Qaq cha'aye so Israel le'ecpi coleetapeguelec co'ollaxa ye toolec 'alhua soua cuarenta vi'iye, nache ivitta'a da ileu 'enauac so alleppi maye nalaataxaicpi maye chegoqtaua'a co'ollaxa ye Egipto, souaxat da sa ỹalaxaguet Ñim Nataxala'. Ỹoqo'oye Ñim Nataxala' ỹan co'ollaxa so la'aqtac da yaqto' somayepi saishet da ivira'a da imeten yi'iye 'alhua maye ỹachaxanapeguem co'ollaxa so hua'au lta'alpi, yem 'alhua maye huaña da sa qoue na nallec.

Ezequiel 20:36

Qami' ñimi't qome 'eeta'am da 'eetec co'ollaq ñimit so qarta'ailpi, co'ollaq huaña ye toolec 'alhua ye Egipto. Qaq 'era da ỹa'aqtac Aỹem Nataxala'.