Números 14:34 - La'aqtaqa Ñim Lo'onatac 'Enauacna 2013

³⁴ Cha'aye ivi' cuarenta na'axa'te da qaumiiñitac yi'iye 'alhua, nache nataqa'en cuarenta vi'iye ñaqa'en da qausheechiñiitac de'era qarasouaxashichi, nache ye 'oonolec na'a'q, naigui ñaqa'en ye 'oonolec vi'i. Huaña nache namayepi ỹaỹateeta da lataxac ca aỹem ipa'agueetac.

Números 14:34 Referans Kwoze

Ezequiel 4:6

Qaq qom inoxoorec que'ecaua na'axa'te, nache qaltaq 'apa'axaañi na 'oiguishec 'araỹe da 'annaañi, nache 'anỹoxola't na lasouaxashetpi na nhuo' le'ecpi ye Judá, nache ivittrec caua cuarenta na'axa'te. 'Oonolec na'a'q ye 'oonolec vi'i na lasouaxashetpi namaye.

Números 13:25

Nache co'ollaq ime da imeteetrac yi'iye 'alhua, soua cuarenta na'axa'te,

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Hebreos 4:1

Qaq ỹoqo'oye nagui da ñaq huo'o da qomi' qaỹachaxanapecoto da ishet da senoxonaxaua'a ca nmataxac Ñim Lo'onatac 'Enauacna, nache ỹataqta ñetelaqañi qome. Ten, qom huo'o ca 'oonolec da qoñiita da saishet da huenoxoneua'a de'era mataxac maye ỹachaxanapec Ñimaye.

Salmos 95:10

Qaq ivi' soua cuarenta vi'iye da salematatega se'eso shiỹaxauapi, nache shenapec co'ollaxa: ‹Ne'ena shiỹaxauapi ỹataqta isomtapigui', qataq saishet da ỹalaxagueta naua ỹamaxasoxonaxaco›.

2 Crónicas 36:21

da yaqto' ipacchigui som la'aqtac co'ollaxa Ñim Lo'onatac 'Enauacna maye chegoqchigui naqa'en so la'aqtaxanaxanec Jeremías. Qaq 'era da 'eetec da se'eso 'alhua nque'etaxaachigui da nmataxac, cha'aye nmateeguesopa 'enauaque se'esoua vi'iye maye huetaiguilo da qaica ca lyac, choche ivitta'a da inoxoore'c soua setenta vi'iye.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Zacarías 11:10

Ime nache sacona aso ỹashelte, maye le'enaxat «'Achecỹaxac» nache sacagaxachigui, qaq nache la'anaxat ñaqa'en da nlaguiñi da naỹamaxataxac Ñim Lo'onatac 'Enauacna, maye ỹo'ot co'ollaq naỹamaxate' 'enauac nam ỹotta'a't shiỹaxauapi.

Ezequiel 14:10

Qaq nataqa'en cam ỹale maye inat que'eca na'aqtaxanaxanec, qataq cam na'aqtaxanaxanec, caamaye 'enauaque da sauo'o ca nhuaxanaguec,

Salmos 105:42

Cha'aye Ñim Lo'onatac 'Enauacna saishet da icoua'ai som ỹan la'aqtac, maye ỹanem co'ollaxa so lamaxashec Abraham.

Salmos 77:8

¿Mashe imeuo peta'a da lsoxoyec? Qataq ¿mashe imereuo peta'a naua ỹa'n la'aqtaqa co'ollaxa?

Salmos 38:4

Na qauem maye so'otpi co'ollaxa ỹataqta aỹem ipataxañi, namaye ỹataqta qapa'atta, saishet da ñalo'oguet.

1 Reyes 8:56

«¡Ỹataqta qaỹo'oxoren qome Ñim Nataxala', maye ỹami' da l-lagaxayec na lalamaxat nhuo' Israel le'ecpi, cha'aye ỹataqta ipacchigui da ỹo'ot 'enauac nam ỹachaxanapecpi co'ollaxa! Qataq qaica ca saipaguelec nam ỹan la'aqtacpi maye ỹanem co'ollaxa so lamaxashec Moisés da ỹa'axat.

Números 18:23

Qaq nachaqnata na leviitapi da huetague' qome na no'onatacpi ñi npe'l maye naỹonqa', qaq da huo'o ca ỹasouaxat, nache maiche nasouaxaala't. Qaq 'era da lataxac maye nache 'eetai' qome da ỹo'ottac ca 'am chegoxoguetpi. Qaq na leviitapi saishet qome da huo'o ca lalamaxat da ỹalectaigui na Israel le'ecpi.

Levítico 20:19

Saishet da huo'o ca hue'eguet aca lqaỹa aca late'e, huo'otaq aca lqaỹa ca lta'a, cha'aye naigui da ỹe'enai' aca maiche lauo' lashe. Ỹoqo'oye caamaye maiche nque'etaxanguilo qome de'era maiche lasouaxashe't.

Hechos 13:18

Ñim Lo'onatac 'Enauacna ỹataqta ntela'a somayepi co'ollaq quetalec so toolec 'alhua se'esoua cuarenta vi'iye.

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Ezequiel 4:5

caua trecientos noventa na'axa'te, qaq damaye 'eeta': 'Oonolec na'a'q ye 'oonolec vi'i da lasouaxashet na Israel le'ecpi.

Números 32:13

Nache Ñim Nataxala' dalemataỹa co'ollaxa na Israel le'ecpi, nache choche coleeteguelec naqa'en ye toolec 'alhua soua cuarenta vi'iye, nache ivitta'a da nmichiguiñi so shiỹaxauapi maye sa ỹalaxaguet co'ollaxa Ñimaye.

Josué 14:10

Qaq mashe inoxoorec soua cuarenta y cinco vi'iye da Ñim Nataxala' ỹa'n ne'enaua la'aqtaqa maye nasaxarec co'ollaxa so Moisés se'eso na'a'q co'ollaq ñaq coleetapeguelec ye toolec 'alhua na Israel le'ecpi. Nache ỹataqta ipacchigui de'era la'aqtac Ñimaye da aỹem qaica cara da ñachaalataxac. Qaq ỹoqo'oye nagui mashe sevi' naua ochenta y cinco vi'iye da ñachaalataxac.

Ezequiel 23:35

Qaq ỹoqo'oye Aỹem Nataxala', shenapec: «Qaq cha'aye Aỹem 'aucoua'ai, qataq Aỹem 'aỹa'aneguet na 'al-laq, nache 'anque'etaxangui qome da 'anhuaxanaguec souaxat da maiche 'ananoiqueetac da huo'o ye 'auo'ot, qataq nam 'arquisheguetaxacpi.»

Oseas 9:12

Qaq na'aictaxa da ishet da ỹaqchet cam llalaqpi, qalaxaye Aỹem ñeqat qome da nachaalataxac, nache qaica ca ño'onaxatañi. Qaq choxoraxaso' qom sheca'ai ne'ena shiỹaxauapi.