Números 14:33 - La'aqtaqa Ñim Lo'onatac 'Enauacna 2013

³³ qataq ne'ena qaỹa'alquipi nache netalec qome yemaye da ilotague' ana qagueta caua cuarenta vi'iye. Nache namayepi ỹataqta isheeteta da qarasouaxashichi, souaxat da sa qaualaqai, ivitta'a da qami' nmichiyiñi da qoviỹalec ye toolec 'alhua.

Números 14:33 Referans Kwoze

Ezequiel 23:35

Qaq ỹoqo'oye Aỹem Nataxala', shenapec: «Qaq cha'aye Aỹem 'aucoua'ai, qataq Aỹem 'aỹa'aneguet na 'al-laq, nache 'anque'etaxangui qome da 'anhuaxanaguec souaxat da maiche 'ananoiqueetac da huo'o ye 'auo'ot, qataq nam 'arquisheguetaxacpi.»

Números 32:13

Nache Ñim Nataxala' dalemataỹa co'ollaxa na Israel le'ecpi, nache choche coleeteguelec naqa'en ye toolec 'alhua soua cuarenta vi'iye, nache ivitta'a da nmichiguiñi so shiỹaxauapi maye sa ỹalaxaguet co'ollaxa Ñimaye.

Salmos 107:40

Qalaxaye Ñim Lo'onatac 'Enauacna ỹataqta ỹaỹemec na saq ỹaxanapec namayepi, nache ỹo'ot da isomtac da huetalec ca toolec 'alhua cha'aye qaica ca llec.

Deuteronómio 2:14

Qaq se'eso na'a'q co'ollaq sachegoxosoqchiguiña ye Cadés Barnea, ivitta'a da sa'axasoxonaxalec so la'auaxac ye Zéred, nache ivi' treinta y ocho vi'iye. Qaq mashe nmiguiñi da ileu 'enauac se'eso shiỹaxauapi alaataxaicpi huaña so nanataqa', cha'aye nache la'aqtac co'ollaxa Ñim Nataxala' da saishet da inoxoneuo.

Oseas 9:1

Qaq 'am Israel, saishet da 'auamachiguiñi, saishet da 'auparenaxaatai' da 'antonaxac da 'eeta'am na laỹepi shiỹaxauapi, cha'aye 'anquishishigui da 'ara'amqaanataxanaxac, souaxat da qoca'ai Ñim 'Anatamnaxala'. Cha'aye 'anqopita da 'auaconeguet da nsheetenaguec da 'anquishishaxac, da huaña ye nchegoxosoxonqa' ana ala na nañiguishec.

Salmos 107:4

Nam nsomaxaatapigui' co'ollaq quetalec ye toolec 'alhua, qataq saỹanata ca nqa'aic maye taỹa'a ca huaqta'a't nỹecpi da yaqto' naña.

Josué 14:10

Qaq mashe inoxoorec soua cuarenta y cinco vi'iye da Ñim Nataxala' ỹa'n ne'enaua la'aqtaqa maye nasaxarec co'ollaxa so Moisés se'eso na'a'q co'ollaq ñaq coleetapeguelec ye toolec 'alhua na Israel le'ecpi. Nache ỹataqta ipacchigui de'era la'aqtac Ñimaye da aỹem qaica cara da ñachaalataxac. Qaq ỹoqo'oye nagui mashe sevi' naua ochenta y cinco vi'iye da ñachaalataxac.

Deuteronómio 1:3

Qaq so la'auaxanec na'a'q so ca'agoxoic once so vi'i cuarenta, nache so Moisés da'aqtaxanem co'ollaxa so Israel le'ecpi da lamaxasoxonaxac Ñim Nataxala'.

Números 33:38

Qaq huaña co'ollaxa yemaye nache Ñim Nataxala' 'enapega so ntaxaỹaxanaxanec Aarón, da tasheguema añi qasoxonaxa Hor, qaq nache huaña añimaye da ileu so Aarón, so la'auaxanec na'a'q so ca'agoxoic cinco se'esoua cuarenta vi'iye, chegoqta'a co'ollaq ca'ai ye Egipto so Israel le'ecpi.

Números 5:31

Qaq ca lhua aca'aca 'alo, qaica ca lasouaxashet, qalaxaye acamaye da huo'otaq 'eesa da huo'o ca lasouaxashet, nache maiche nque'etaxangui ca nhuaxanaguec.»

Hechos 7:36

Qaq nacheso so Moisés so nqateeguesop ye 'alhua Egipto so hua'au qarta'alpi. Qataq nacheso so ỹo'ot nam sa qaỹauanapigui qataq na na'anecpi yi'iye 'alhua, qataq co'ollaq huaña aso Auaxai Togaxarai, qataq so toolec 'alhua se'esoua cuarenta vi'iye.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Deuteronómio 8:4

Qaq se'esoua cuarenta vi'iye saishet da huo'otaq ltoi' soua qorogolle' maye qaỹa'añeetrañi, qataq saishet da nalaua't naua qarapia'achilli'.

Deuteronómio 29:5

Qaq ivittraue'c soua cuarenta vi'iye da qami' sauecta'agueta da qoquiitalec ye toolec 'alhua, yem huaña da saishet da ltoi' soua qorogolli' qataq soua qarapela'achilli'.

Josué 5:6

Qaq cha'aye so Israel le'ecpi coleetapeguelec co'ollaxa ye toolec 'alhua soua cuarenta vi'iye, nache ivitta'a da ileu 'enauac so alleppi maye nalaataxaicpi maye chegoqtaua'a co'ollaxa ye Egipto, souaxat da sa ỹalaxaguet Ñim Nataxala'. Ỹoqo'oye Ñim Nataxala' ỹan co'ollaxa so la'aqtac da yaqto' somayepi saishet da ivira'a da imeten yi'iye 'alhua maye ỹachaxanapeguem co'ollaxa so hua'au lta'alpi, yem 'alhua maye huaña da sa qoue na nallec.

Salmos 78:33

Qaq ỹoqo'oye Ñim Lo'onatac 'Enauacna ỹo'otec da saqaỹauec ye loga't da nachaalataxac, 'eeta'am da choche qanaue'c naua na'a'che, qataq huaigui naqa'en na qaica ca 'ena'am da lchec.