Números 14:31 - La'aqtaqa Ñim Lo'onatac 'Enauacna 2013

³¹ Qaq na qaỹa'alquipi, maye qoñiitega loxonec na qanpa'aguenaxauaipi, namayepi sauegueua'a qome ye 'alhua maye qauo'otañi, nache nalec ñaqa'en.

Números 14:31 Referans Kwoze

Deuteronómio 1:39

Qaq na ñaq qapio'olec qaỹa'alquipi maye qaupi'itaxañeetega da deuotaxanec na qampa'aguenaxauaipi qataq ana qaramoxouaipi, namayepi nachenata da inoxoneua'a qome yi'iye 'alhua qataq sami' da yaqto' lalamaxat.

Salmos 106:24

Qataq co'ollaq qaỹata'ague nache somayepi ỹo'otan yi'iye 'onaxaic 'alhua, qataq saishet da ỹa'amaqte'n naua ỹa'n la'aqtaqa Ñim Lo'onatac 'Enauacna.

Números 26:64

Qaq 'enauac se'eso ỹalecta'a'tpi qaica ca 'oonolec da ỹalectauo co'ollaq so Moisés qataq so Aarón ỹo'ottrac da naneraguec so Israel le'ecpi co'ollaq huaña ye toolec 'alhua ye Sinaí,

Números 26:6

Jesrón qataq Carmi.

Números 14:3

¿Ta'ainco' Ñim Nataxala' da qomi' nauegalo ne'ena 'alhua da yaqto' qomi' qaira'alo ca ỹeelonec da qomi' qaỹalaua't, qataq da na qampa'aguenaxauapi ỹacona ana qaramoxouapi, qataq na qoyalaqpi? ¡Ỹoqo'oye 'onaxaictoxo' da she'eguelaxasoxogue da Egipto!»

Hechos 13:41

Qami' ỹataqta qavi'iñiitac Ñim Lo'onatac 'Enauacna, qalaxaye nagui qavi'ilqai, nache qauataiuec. Cha'aye ỹaguec da lchec qome ca nhuaxanaguec maye sanem nam sa ỹalaq, nache sa qaua'amaqchiñi da huo'o ca qami' da'aqtaxaatapeguema.

Mateo 22:5

Qalaxaye som ncoyeguenatacpi saishet da ỹalaq. Nachaqrata da ñi 'oonolec ỹaqa'a na ỹo'ot. Huo'o so nqo'oneuga ca na'alhua, qataq huo'o so nqo'ona ca nmenaqa',

Proverbios 1:30

Qataq saishet da qauacoñeeguet na iqataxacpi, qataq qauo'otañi' naua iviraqtaxanaxaco.

Proverbios 1:25

Nachaqrata da sa qauacoñeeguet na iqataxacpi, qataq saishet da qauacoñeegueta naua iviraqtaxanaxaco.

Génesis 25:34

Qaq huaña, nache so Jacob ỹanem so Esaú, aso nauole, qataq so lhuoshec lenteja maye deqaqchigui. Qaq so Esaú co'ollaq ime da lquia'axac, qataq da nỹomaxac, nache ñisheguem, nache jec. Qaq nache qaica ca naigui naqa'en, da 'enec da na'auaxanec ñalec.

Ezequiel 20:18

Qaq nacherata co'ollaxa da shenapega som llalaqpi da saishet da ỹo'ot nam ỹamaxalecpi so lta'alpi, qataq nam lapaxaguenataxanaxacpi somayepi, qataq saishet da nshepaxanaqchet da lataxac somayepi souaxat na nqolacpi.

Josué 5:7

Qaq ỹoqo'oye so Josué ỹo'ot so la'anaxat na lo'oc so llalaqpi se'eso shiỹaxauapi, som dalaxaicpi maye ñaq saxanaxa da qaỹo'ot ca la'anaxat na lo'oc souaxat da ñaq queto'ot da lqueuoxoc.

Nehemías 9:24

Qaq so llalaqpi somayepi huenoxoneua'a co'ollaxa se'eso 'alhua, ime nache nalec da yaqto' ỹauo'o lalamaxat. Qataq ỹauaachigui 'anqa'en co'ollaq 'oxonec so Canaán le'ecpi qataq so lta'alpi qataq so shiỹaxauapi maye netalec se'eso 'alhua, da yaqto' maiche ỹoiqueetac ca ỹataxaateuga somayepi.