Números 14:3 - La'aqtaqa Ñim Lo'onatac 'Enauacna 2013

³ ¿Ta'ainco' Ñim Nataxala' da qomi' nauegalo ne'ena 'alhua da yaqto' qomi' qaira'alo ca ỹeelonec da qomi' qaỹalaua't, qataq da na qampa'aguenaxauapi ỹacona ana qaramoxouapi, qataq na qoyalaqpi? ¡Ỹoqo'oye 'onaxaictoxo' da she'eguelaxasoxogue da Egipto!»

Números 14:3 Referans Kwoze

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Salmos 78:40

Ỹataqta qalota da ỹe'eguelaxalec da saỹalaxaguet Ñim Lo'onatac 'Enauacna qataq ỹo'otec da nqui'ic Ñimaye co'ollaq hualec ye toolec 'alhua.

Hechos 7:39

Qalaxaye som hua'au qarta'alpi co'ollaxa saishet da ỹalaxalec somaye, chaqrata da nshetaique da ỹe'eguelaxague da Egipto.

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

Números 20:3

nache 'eetega so Moisés, 'eeta': ¡'Onaxaictoxo' co'ollaxa da nataqa'en seleuaq, da shenaqta'am so qarqaỹañecpi maye ỹalauat Ñim Nataxala'!

Números 21:5

nache ỹoltaq quetot da quetapeguelec Ñim Atamnaxala' qataq so Moisés, nache 'eeta': ¿Ta'ainco' ye qomi' qanqacheueguesopa co'ollaxa ye Egipto da yaqto' seleuaqaña qanqa'eñi ne'ena toolec 'alhua? Teno' nagui, mashe qaica ca qonoq qataq ca qaraquip. ¡Qataq mashe saỹemaxac ne'ena nallec maye qaica ca lyac!

Deuteronómio 1:39

Qaq na ñaq qapio'olec qaỹa'alquipi maye qaupi'itaxañeetega da deuotaxanec na qampa'aguenaxauaipi qataq ana qaramoxouaipi, namayepi nachenata da inoxoneua'a qome yi'iye 'alhua qataq sami' da yaqto' lalamaxat.

Números 11:20

Cha'aye ivittec qome ca 'oonolec ca'agoxoic, choche ivitta'a da ỹataqta qauaỹemequi qome, souaxat da qaica ca naigui qanqa'eñi Ñim Nataxala' maye qami' ỹalectaiguilo, qataq qami' ỹauaachiguilo da qanỹeñeetac qoñiita': ‹¿Che'eeto' co'ollaxa da qolqa'ai ye Egipto?›»

Nehemías 9:17

Nache saishet da 'am na'axaỹaxana, qataq saishet da ntoueeta'ac so qaica ca 'ena'am da llo'oxoyec, maye 'auo'otec somayepi. Nache ỹataqta 'am saỹalaxaguet, ivitta'a da ỹauo'o so ỹaneuo lataxala' da yaqto' ỹe'eguelaxata da nlataguec somayepi ye Egipto. Qalaxaye 'am saishet da 'aualat co'ollaxa somayepi, cha'aye 'am Atamnaxala', 'am choxonnataxanaxaic, qataq sa da'angui añi 'arquiyaqte, qataq qaỹoqchiguinguit da 'aralemataic, cha'aye ỹataqta lta'araic da 'arauotaxanaqtaic.

Jeremías 42:14

da qoñiita': ‹Qomi' qarhuennataxac da ñeqo'onaxa da sonaqaña ye Egipto, yem huaña da saishet da selaqa'a ca alaataxac, qataq saishet da sa'axasoqtega ca l-lamaxa aca nasheere, qataq saishet da qomi' ỹalauat ca qarqouaxa,›

Jeremías 42:19

Qaq qami' maye qano'oñiỹalec na Judá, Ñim Nataxala', qami' 'enapegalo da saishet da qa'aỹeegue da Egipto. Qaq no'on da qauaỹaañita de'era, maye aỹem qami' sevitaqna'agueta nagui.