Números 14:29 - La'aqtaqa Ñim Lo'onatac 'Enauacna 2013

²⁹ Nache 'enauac ne'ena Aỹem quetapeguelecpi ỹepi, maye napacalec naua veinte vi'iye da nachaalataxac nam mashe qoỹettauopi ileu qome, nache da lo'ocỹaxac laguelec ñaqa'en ye toolec 'alhua.

Números 14:29 Referans Kwoze

Números 1:45

Nache 'enauac so Israel le'ecpi, maye ivi' qataq napacalec naua veinte vi'iye da nachaalataxac, maye mashe ishet da taỹa ca alaataxac,

Hebreos 3:17

Qataq ¿chaq negue't som ivi't soua cuarenta vi'iye da dalemataỹa Ñim Lo'onatac 'Enauacna? ¡Qomye som huo'o dam lasouaxashet co'ollaxa, nache 'enauac somayepi ileu co'ollaq hualec so toolec 'alhua!

Números 26:64

Qaq 'enauac se'eso ỹalecta'a'tpi qaica ca 'oonolec da ỹalectauo co'ollaq so Moisés qataq so Aarón ỹo'ottrac da naneraguec so Israel le'ecpi co'ollaq huaña ye toolec 'alhua ye Sinaí,

1 Corintios 10:5

Qalaxaye ñaqaiyeta somayepi saqalota na lataxacpi maye saishet da ỹo'ot da ntonaxac Ñim Lo'onatac 'Enauacna. Qaq ỹoqo'oye vichiguiñalo ana nhuachiquipi somayepi se'eso toolec 'alhua.

Judas 1:5

Qaq na'aictaxa da qami' mashe sogote da qauaỹaañi de'era, qalaxaye nache 'ena'am sauotaique da qami' seuennataxanaxaneque da 'eetec co'ollaxa Ñim Lo'onatac 'Enauacna da nqateeguesop ye 'alhua Egipto so Israel le'ecpi, ime, nache ileu naqa'en so shiỹaxauapi maye saishet da ỹa'amaqten Ñimaye.

Números 1:46

somayepi da ima'a't, nache ivi' saiscientos tres mil quinientos cincuenta ye lcata.

Deuteronómio 2:14

Qaq se'eso na'a'q co'ollaq sachegoxosoqchiguiña ye Cadés Barnea, ivitta'a da sa'axasoxonaxalec so la'auaxac ye Zéred, nache ivi' treinta y ocho vi'iye. Qaq mashe nmiguiñi da ileu 'enauac se'eso shiỹaxauapi alaataxaicpi huaña so nanataqa', cha'aye nache la'aqtac co'ollaxa Ñim Nataxala' da saishet da inoxoneuo.

Josué 5:6

Qaq cha'aye so Israel le'ecpi coleetapeguelec co'ollaxa ye toolec 'alhua soua cuarenta vi'iye, nache ivitta'a da ileu 'enauac so alleppi maye nalaataxaicpi maye chegoqtaua'a co'ollaxa ye Egipto, souaxat da sa ỹalaxaguet Ñim Nataxala'. Ỹoqo'oye Ñim Nataxala' ỹan co'ollaxa so la'aqtac da yaqto' somayepi saishet da ivira'a da imeten yi'iye 'alhua maye ỹachaxanapeguem co'ollaxa so hua'au lta'alpi, yem 'alhua maye huaña da sa qoue na nallec.

Salmos 78:33

Qaq ỹoqo'oye Ñim Lo'onatac 'Enauacna ỹo'otec da saqaỹauec ye loga't da nachaalataxac, 'eeta'am da choche qanaue'c naua na'a'che, qataq huaigui naqa'en na qaica ca 'ena'am da lchec.

Ezequiel 20:38

Nache qami' ñeqateeguesopa qome na saỹalaq, qataq nam 'oopaicpi, qataq qami' ñeqateeguesopa yem 'alhua maye qoñiitaña nagui, qalaxaye namayepi saishet qome da inoxoneua'a ye na'alhua na Israel le'ecpi. Qaq huaña qome nache qauaỹacheñi da Aỹem maye Aỹem Nataxala'.

Números 26:65

cha'aye nache la'aqtac co'ollaxa Ñim Nataxala' da ileuaña somayepi ye toolec 'alhua. Qaq ndotec so Caleb, som llalec so Yefune qataq so Josué, som llalec so Nun da no'oirañi.

Salmos 106:26

Ỹoqo'oye Ñimaye ỹanem da la'aqtac somayepi, da ileualec naqa'en ye toolec 'alhua,