Números 14:28 - La'aqtaqa Ñim Lo'onatac 'Enauacna 2013

²⁸ Ỹoqo'oye 'aua'aqtaxanem qome namayepi da ỹa'aqtac, 'eeta': ‹Aỹem Nataxala', maiche ñañan da san da ỹa'aqtac, da qami' taleguete ñaqa'en 'enauac na qauemsat souaxat naua qara'aqtaqalle'.

Números 14:28 Referans Kwoze

Números 14:21

Qalaxaye, ye ỹataqta 'eesa da ñeca'altauec, qataq da ỹo'oxoyec imattalec ana 'alhua,

Hebreos 3:17

Qataq ¿chaq negue't som ivi't soua cuarenta vi'iye da dalemataỹa Ñim Lo'onatac 'Enauacna? ¡Qomye som huo'o dam lasouaxashet co'ollaxa, nache 'enauac somayepi ileu co'ollaq hualec so toolec 'alhua!

Números 14:23

namayepi saishet qome da imeten ye 'alhua maye sachaxanapeguem co'ollaxa da sanem so hua'au lta'alpi. Nache na aỹem ỹo'otan qaica qome ca 'oonolec namayepi da imeten yemaye.

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Deuteronómio 1:35

‹Ne'ena qauemaic shiỹaxauapi saishet qome da chochaq 'oonolec ca inoxoneua'a yi'iye 'alhua maye sachaxanapeguem co'ollaxa so hua'au lta'alpi.

Números 32:11

'Enauac na shiỹaxauapi maye chegaqa'a ye Egipto, maye ivi' qataq napacalec naua veinte vi'iye da nachaalataxac, saishet qome da inoxoneua'a da nalec ye 'alhua maye sachaxanapecot co'ollaxa da sanem so Abraham, Isaac qataq so Jacob, souaxat da aỹem sa ỹalaxaguet.

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Números 14:39

Qaq so Moisés co'ollaq da'aqtaxanem so Israel le'ecpi da la'aqtac Ñim Nataxala', nache 'enauac somayepi daquico souaxat de'era lasouaxac.

Deuteronómio 1:34

«Qaq Ñim Lo'onatac 'Enauacna co'ollaq hua'aqchigui da qoquiitapeguelec, nache dalemata nache ỹan da la'aqtac, 'eeta':

Deuteronómio 2:14

Qaq se'eso na'a'q co'ollaq sachegoxosoqchiguiña ye Cadés Barnea, ivitta'a da sa'axasoxonaxalec so la'auaxac ye Zéred, nache ivi' treinta y ocho vi'iye. Qaq mashe nmiguiñi da ileu 'enauac se'eso shiỹaxauapi alaataxaicpi huaña so nanataqa', cha'aye nache la'aqtac co'ollaxa Ñim Nataxala' da saishet da inoxoneuo.

Deuteronómio 2:15

Cha'aye Ñim Nataxala' irolec co'ollaxa da la'añaxac somayepi, nache ivitta'a da nmichiguiñi naqa'en da ileu.

Da na'aqtaguec so Job 21:20

Nache cam qauemaic maiche nque'etaxangui da talec ca nhuaxanaguec, qataq da nque'etaxangui da lalemataic Ñim Qaica ca Ỹaqalanapec.

Salmos 95:11

Qaq ỹoqo'oye huaigui co'ollaxa so ỹalemataic da san so ỹa'aqtac, da somayepi saishet qome da inoxoneua'a ye 'alhua maye sachaxanapeguem co'ollaxa, yem huaña taxa da nmatec ñaqa'en.»

Salmos 106:26

Ỹoqo'oye Ñimaye ỹanem da la'aqtac somayepi, da ileualec naqa'en ye toolec 'alhua,

Ezequiel 12:25

cha'aye Aỹem Nataxala' setaqa, qaq cam sa'axat qalaq saqaỹaloq da ipacchigui. Qaq qami' maye qami' qauemaicpi qalaq qauauañiichigui qome camaye, Aỹem Nataxala' setaqa qataq so'ot da ipacchigui cam sa'axat. Qaq 'era da ỹa'aqtac Aỹem Nataxala'»

Deuteronómio 32:40

Aỹem sachaxaayisheguema na piguem naua ihua'q da san da ỹa'aqtac, nache sheeta': ¡Aỹem maye nache sheetai' qaica ca ỹoga't!