Números 14:27 - La'aqtaqa Ñim Lo'onatac 'Enauacna 2013

²⁷ «¿Chaq laguio' da ime da lleueeta'agueta naua qauema ltaxaỹaxaco ne'ena qauem shiỹaxauapi? Cha'aye Aỹem mashe ña'axaỹaxaategalo naua ỹataqta qauema ltaxaỹaxaco da Aỹem quetapeguelec ne'ena Israel le'ecpi.

Números 14:27 Referans Kwoze

Éxodo 16:12

«Aỹem sa'aqtega da qauem ltaxaỹaxac na Israel le'ecpi. Qaq qonapega namayepi, qoneta': Qom mashe napalchiguiñi, nache qami' qollequi qome ca lapat, qaq qonte' nte'eta, qalaq qollequi ca nallec, nache ivitta'a da ỹataqta qami' comaraxaiqa. Yaqto' qami' qauaỹaañita da Aỹem Nachaỹem Nataxala' maye Qanatamnaxala'ai.»

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Marcos 9:19

Nache So Jesús 'enapeco': –¿Ta'ainco' ye sa qauaỹaañi da qaupi'iỹa'ai Ñim Lo'onatac 'Enauacna? ¿Peta'a ỹapac da saishet da huo'o ca qauañoxoche da saishet da qami' soota'agueta? ¡Ñaq Aỹem qanaviquiỹa na nsoq!

Números 14:11

nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

Éxodo 16:28

Nache Ñim Nataxala' 'enapego' so Moisés, 'eeta': «¿Chaq laguio', qaq qami' qaỹa'axañiiñi da sa qaualaqailec na ỹamaxasoxonaxacpi qataq na ỹapaxaguenataxanaxacpi?

Mateo 17:7

Nache So Jesús nqo'onalo soomaye, nache ipoteua'alo, qataq 'enapegalo, 'eeta': «Qoñiisheguem, saishet da qayi'i.»

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Números 14:26

Nache Ñim Nataxala' 'enapega so Moisés qataq so Aarón, 'eeta':

Éxodo 16:9

Ime, nache so Moisés 'enapega so Aarón, 'eeta': «Qonapega qome na Israel le'ecpi da nquigueua'a ye hueta'a Ñim Nataxala', cha'aye Ñimaye hua'aqtega da qauem ltaxaỹaxac namayepi».

Ezequiel 35:13

'Am 'auauachigui co'ollaxa na 'ap da Aỹem 'aunogoqchettac, qataq sa 'auena'a ca 'ara'aqtac da Aỹem 'auataỹa'aguet. Qaq Aỹem 'am sa'aqchigui co'ollaxa.