Números 14:22 - La'aqtaqa Ñim Lo'onatac 'Enauacna 2013

²² nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Números 14:22 Referans Kwoze

Da na'aqtaguec so Job 19:3

Qataq qavi'iguelaxacheetalec da aỹem qaunoxoqchichiitac, ¿Qalaq qaica ca qara'aloqoi da aỹem qoñiita'ac de'era?

Salmos 106:26

Ỹoqo'oye Ñimaye ỹanem da la'aqtac somayepi, da ileualec naqa'en ye toolec 'alhua,

Génesis 31:7

Qalaxaye ñimaye aỹem ỹatenachet, cha'aye naralaxatta'aguet da lataxac da ỹashiichiỹaxac. Qalaxaye Ñim Lo'onatac 'Enauacna, saishet da ỹashenem ñimaye, da aỹem ỹo'otec ca sa ỹaỹamaxañi.

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

Éxodo 17:2

Huaña, nache qoỹenapega so Moisés, qoỹeeta': «¡Ña 'auauo'o ca qaraquip, yaqto' ñiỹomaq!» Nache so Moisés 'enapeco': «¿Ta'ainco' ye aỹem qauỹaxañiitacot? Qataq ¿ta'ainco' ye qavi'iguiñeetac Ñim Lo'onatac 'Enauacna?»

Hebreos 3:9

Na'aictaxa da saỹamaxatta ivittrec soua cuarenta vi'iye so hua'au qarta'ailpi, qalaxaye nache 'ena'am da Aỹem ỹe'eguen co'ollaq hualec so toolec 'alhua.

1 Corintios 10:9

Nataqa'en saishet da she'eguenaqtac Ñim Nataxala', 'eeta'am da 'eetec somayepi da huo'o co'ollaxa na ye'eguenataxan. Qaq ỹoqo'oye huo'o so ileupi co'ollaq so na'araxanaqpi detoxongui somayepi.

1 Corintios 10:5

Qalaxaye ñaqaiyeta somayepi saqalota na lataxacpi maye saishet da ỹo'ot da ntonaxac Ñim Lo'onatac 'Enauacna. Qaq ỹoqo'oye vichiguiñalo ana nhuachiquipi somayepi se'eso toolec 'alhua.

Mateo 4:7

Nache So Jesús 'enapeco': –Nataqa'en ye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Saishet qome da 'avi'iguen Ñim Nataxala' maye Lo'onatac 'Enauacna.»

Malaquías 3:15

Qomi' sauanaqchigui, da nam ño'oxonnaxaicpi ỹataqta matapiguiñi, qataq na 'etaxaloxoicpi ỹataqta nquictauec nam hueto'otpi, qataq ỹe'eguen naxa Ñim Lo'onatac 'Enauacna, qalaq saishet da talec ca nhuaxanaguec.

Salmos 106:14

Qataq ỹo'ot 'enauac na maiche 'eetapeguecpi co'ollaq huaña ye toolec 'alhua, qataq huaña da ỹe'eguen Ñim Lo'onatac 'Enauacna.

Números 14:11

nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

Éxodo 14:11

Nache somayepi 'enapega so Moisés, 'eeta': «¿Peta'a saqaco' aca huachiquipi ye Egipto, yem qomi' 'anqateeguesopa da qomi' 'anauegalo na toolec 'alhua da qarleuqa'? ¿Ta'ainco' da qomi' 'auo'oteque de'era? ¿Ta'ainco' ye qomi' 'anqateeguesopa ye Egipto?

Génesis 31:41

Qaq ivi' soua veinte vi'iye da sootaña ye 'arma', qaq 'ena 'enauac na aỹem taỹot: ivi' soua catorce vi'iye da so'onataxaatapeguelguete ñeua 'aỹa'ale, qataq seis vi'iye da so'onataxaateguelec na 'ana'atetpi, qataq 'anaralaxatta'aguet co'ollaxa da lataxac da ñesheetenaguec.

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Éxodo 15:24

Huaña nache se'eso shiỹaxauapi ỹasaxaleguete naua qauema ltaxaỹaxaco so Moisés, qataq inattac, 'eeta': «¿Negue't ca ñiỹomaxagui nagui?»

Éxodo 16:2

Qaq co'ollaq hueta'a so toolec 'alhua, nache 'enauac somayepi quetapeguelec so Moisés qataq so Aarón.

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Éxodo 17:7

Nache ỹamata'ac se'eso 'alhua da Meribá, cha'aye nache huaña co'ollaxa da so Israel le'ecpi huo'o da nachoxoc. Nataqa'en ỹamata'ac da Masah, cha'aye huaña co'ollaxa da ỹe'eguen Ñim Lo'onatac 'Enauacna, 'eeta': «¿Peta'a qomi' hueta'agueto'ca cam Nataxala', huo'otaq saishet da qomi' hueta'agueta?»

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Números 11:4

Qaq souaxat so chegaqauecpi maye ỹaleeguet so Israel le'ecpi, maye ndotec da lquia'axac tatapigui lauel. Nache so Israel le'ecpi ỹe'enaxat co'ollaxa somayepi, nache qaltaq ỹe'eguelaxalec da nỹeetagui, nache detaqtac, 'eeta': «¡Negue'tom ca qomi' ỹanema nagui ca lapat!

Números 12:1

Aso María qataq so Aarón quetapeguelguete co'ollaxa so lqaỹa Moisés, souaxat somaye da huaroneguet co'ollaxa aso lma' ye Cus, maye saishet da lauo' lashe.

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Deuteronómio 9:7

Qataq saishet qome da qaucouaỹa'ai da ỹataqta dalemata naxa qanqa'eñi Ñim Nataxala' maye Qanatamnaxala'ai co'ollaq huaña ye toolec 'alhua. Cha'aye nache chegoqta'a co'ollaq qoquiỹa'ai ye Egipto, nache ivitta'a nagui da saishet naxa da qaualaqai.

Salmos 78:41

Qataq nache queto'ot da ỹe'eguelaqtalec da ỹe'egueetac Ñimaye, nache ỹaquicoqchettac Ñim qui'itta Natamnaxala' na Israel le'ecpi.

Daniel 1:20

Qaq 'enauac nam lataxacpi maye iuen ca naỹaanec, qataq naỹaanataxanaxac, maye denataxanec so nta'a, qaq somaye ila'a da ỹactec da laỹaane'c soomaye, napacalec som 'oiquiaxaipi, qataq som ilaviigui ca lỹa maye lo'onataxanaxanecpi somaye.

Números 32:12

Qaq nachesota so Caleb som llalec so Yefune, som queniziita, qataq so Josué, som llalec so Nun, da ỹataqta ỹalaxagueta co'ollaxa Ñim Nataxala'.

Isaías 42:20

Qalota na ỹauaachiguipi qalaxaye saishet da iqocha'a, ishet da hua'aqtega qalaxaye saishet da iqocha'a.