Números 14:18 - La'aqtaqa Ñim Lo'onatac 'Enauacna 2013

¹⁸ da saishet da sa qaỹaloxonguit da 'aralemataic, qataq ỹataqta lta'araic da 'arsoxoyec, qataq 'auapalaxat ca lasouaxashet ca huo'o ca ỹasouaxat. Qalaxaye saishet da sa 'auauo'o ca nhuaxanaguec ca huo'o ca ỹasouaxat qataq ca saỹalaq, cha'aye 'Am 'auauo'o ca nhuaxanaguec ca nta'a maye ỹo'ottac na qauem, nataqa'en ca llalaqpi, laualpi qataq ca llalaqpi ca laualpi.

Números 14:18 Referans Kwoze

Salmos 145:8

Ñim Nataxala' ỹataqta soxoraic qataq choxonnataxanaxaic, hualaxaunaxaic qataq huotaxanaqtaqaic.

Jonás 4:2

Ỹoqo'oye natamnot Ñim Nataxala', 'eeta': «¡Aicoue, 'Am Nataxala'! 'Era da sheetega co'ollaq soota'a ye ña'alhua, ỹoqo'oye huac da satauec da saỹa ye Tarsis, cha'aye saỹaten da 'Am maye 'Aro'onatac 'Enauacna, qaỹoqchiguinguit da 'aralemataic, cha'aye 'am soxoraic, choxonnataxanaxaic, huotaxanaqtaqaic, qataq ishet da 'anaralaxat ca 'arhuennataxac da sa 'aupaguelec cam qauem maye 'autaxaỹa da 'auo'ot.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Salmos 103:8

Ñim Nataxala' ỹataqta sa da'angui da lataxac qataq choxonnataxanaxaic, Ñimaye ỹataqta qaỹoqchiguinguit da lalemataic, cha'aye lta'araic da lauotaxanaqtaic.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Deuteronómio 5:9

Qataq saishet da qaua'ayiỹoto naua qarllecchilli' qataq da qavio'oxoyiñi namayepi. Cha'aye Aỹem Nataxala' maye Qanatamnaxala'ai, So'otapecna Aỹem ca'alaxanaxaic, qataq sauo'o ca nhuaxanaguec ca llalaqpi, laualpi, qataq cam llalaqpi ca laualpi que'eca nta'a maye ỹo'ottac na qauem, qataq aỹem nquiỹa.

Jeremías 23:2

Ñim Nataxala', maye Natamnaxala' na Israel le'ecpi, 'enapega na nataxala'pi maye ilotague' nam lalamaxat Ñimaye nhuo' le'ecpi, 'eeta': «Qami' qaulagaxacheetac ana ilopi qaguetapi, qataq datauec qanqa'eñi, nache saishet da qanchelỹa'a. Qaq ỹoqo'oye Aỹem nagui maiche qami' sepa'aigueta da sauo'o ca qanhuaxanaguiiqui souaxat nam qauem maye qauo'ocheetac. Qaq 'era da ỹa'aqtac Aỹem Nataxala'.

Romanos 5:21

Cha'aye dam 'eetec da ñe'etaxaloxo co'ollaq ỹataqta huo'o da la'añaxac da nachetac da nleuaxa, qaq nache 'eetec nataqa'en da la'añaxac da lqouagaxanaqtaic Ñim Lo'onatac 'Enauacna da ỹapalaxat na qarasouaxashetpi qataq qomi' ỹanema da achaalataxac maye qaica ca loga't, chegoqchigui naqa'en So Qarataxala' Jesucristo.

Éxodo 20:6

Qalaxaye ỹataqta lta'araic da ỹauotaxanaqtaic ca aỹem ỹauotec qataq ỹalaxaleguete naua iqataxaco, qataq choche tatec da sauotec cam llalaqpi.

Números 14:17

Qaq ỹoqo'oye 'Am Nataxala', nagui 'auachaxan qome da lta'araic 'ara'añaxac, qataq 'aupactelec da 'ara'aqtac maye 'aỹa'an co'ollaq qonapec,

Números 23:21

Ñimaye saishet da ilalec ca qauem lataxac yi'iye lauo' le'ecpi so Jacob, huo'otaq ca saỹaỹamaxañi lataxac ye Israel le'ecpi. Cha'aye Ñim Nataxala' maye Natamnaxala' hueta'aguet yemayepi, qaq yemayepi da iỹaxana Ñimaye nache 'eetega lta'a.

Deuteronómio 5:10

Qalaxaye ca Aỹem ỹauotec, qataq ỹalaxagueta naua ỹamaxasoxonaxaco, nache sanem da chochaq tatec ỹauotaxanaqtaic 'enauac ca chegoxoguetpi camaye.

Deuteronómio 7:9

Ỹoqo'oye qauauattoñiita qome da Ñim Nataxala' maye Qanatamnaxala'ai, Ñimaye ỹataqta 'eesa, qataq ipactelec da naỹamaxataxac, qataq da lchoxonnataxanaxa maye ỹanem cam ỹauotec, qataq ỹo'ot na lamaxasoxonaxacpi Ñimaye, nache ivitta'a ca ỹataqta qalota maye chegoxoguetpi camaye,

Deuteronómio 7:10

qalaxaye sa ỹaỹaloxon da ilaxachigui, qataq da ỹauo'o ca nhuaxanaguec cam nquiỹatega Ñimaye.

Nehemías 9:17

Nache saishet da 'am na'axaỹaxana, qataq saishet da ntoueeta'ac so qaica ca 'ena'am da llo'oxoyec, maye 'auo'otec somayepi. Nache ỹataqta 'am saỹalaxaguet, ivitta'a da ỹauo'o so ỹaneuo lataxala' da yaqto' ỹe'eguelaxata da nlataguec somayepi ye Egipto. Qalaxaye 'am saishet da 'aualat co'ollaxa somayepi, cha'aye 'am Atamnaxala', 'am choxonnataxanaxaic, qataq sa da'angui añi 'arquiyaqte, qataq qaỹoqchiguinguit da 'aralemataic, cha'aye ỹataqta lta'araic da 'arauotaxanaqtaic.

Salmos 78:38

Qalaxaye Ñimaye huo'o da lchoxonnataxanaxa namayepi, nache ichoxoren da ỹapalaxat na qauemsat, maye ỹo'ot namayepi qataq saishet da nlaxaañi, qataq qalota naxa da choche ỹacha'ague da laỹe da lalemataic.

Salmos 108:4

Cha'aye da 'arauotaxanaqtaic ỹataqta lta'araic, napacalec ye lcata na piguem, qataq da sa nquic 'arataxac iviro'ot na piguem.

Salmos 109:14

Qataq Ñim Nataxala' saishet qome da icoua'ai na lasouaxashetpi so lta'a, qataq saishet da icoua'ai na lasouaxashetpi aso late'e.

Da na'aqtaguec so Job 21:19

Cha'aye qoỹenapec naxa, da Ñim Lo'onatac 'Enauacna iqataxaatai' ca nhuaxanaguec na llalaqpi na qauemaicpi. Qamaq nachena taxa na qauemaicpi da ỹauo'o ca nhuaxanaguec yaqto' huo'o ca ỹaỹaten.

Salmos 86:15

Qalaxaye 'Am Nataxala', 'Am Atamnaxala', 'am nhualaxaunaxaic qataq 'am choxonnataxanaxaic.

Jeremías 32:18

'Am, 'auachaxana da 'arsoxoyec na ỹataqta qalota shiỹaxauapi, qalaxaye nataqa'en 'auauo'o da nhuaxanaguec na ỹalleppi souaxat na lasouaxashet so lta'alpi. ¡'Am Atamnaxala', maye 'Am 'amaqtaqaic qataq 'añaxaic, da 'are'enaxat 'eeta', Nataxala' maye Qaica ca Ỹaqalanapec!

Lamentaciones 5:7

Som qarta'alpi huo'o co'ollaxa na lasouaxashetpi qaq somayepi mashe ileu, qalaxaye qomi' taleguete nagui na lasouaxashetpi somayepi.