Números 14:17 - La'aqtaqa Ñim Lo'onatac 'Enauacna 2013

¹⁷ Qaq ỹoqo'oye 'Am Nataxala', nagui 'auachaxan qome da lta'araic 'ara'añaxac, qataq 'aupactelec da 'ara'aqtac maye 'aỹa'an co'ollaq qonapec,

Números 14:17 Referans Kwoze

Mateo 9:8

Qaq so shiỹaxauapi co'ollaq ỹauaachigui de'era, nache ỹataqta huo'o da la'aalaxa. Nache ỹo'oxoreetac Ñim Lo'onatac 'Enauacna, souaxat da Ñimaye ỹami' de'era na'añaxac 'enauac na shiỹaxauapi.

Mateo 9:6

Qalaxaye nache 'ena'am, Aỹem Shiỹaxaua Llalec qami' ñachaxanalo, da Aỹem ỹataqta huo'o da ỹa'añaxac da ishet da sapalaxat na nasouaxashetpi ana 'alhua.» Ime, nache So Jesús 'enapega so sa da'añiigue, 'eeta': «Qoñisheguem, 'aunana't na 'aracanec. Ime, qaq 'anqo'ona ca 'arma'.»

Miqueas 3:8

Qaq aỹem Miqueas, ỹataqta aỹem nlaqchigui so Saqcha'a La'añaxac Ñim Nataxala', Ñimaye aỹem ỹanem da ỹa'añaxac, qataq da nalochiguiñi lataxac, nache saishet da leetapigui ye iuel da seviraxato'ot na Israel le'ecpi, souaxat na lasouaxashetpi qataq da sa ỹalaq.

Números 14:16

‹Ñim Nataxala' saishet da inoxonaqcheteua'a ye 'alhua maye ỹachaxanapeguem co'ollaxa da ỹanem ne'ena nhuo' le'ecpi, ỹoqo'oye Ñimaye ileualec naqa'en namayepi ye toolec 'alhua.›

Números 14:18

da saishet da sa qaỹaloxonguit da 'aralemataic, qataq ỹataqta lta'araic da 'arsoxoyec, qataq 'auapalaxat ca lasouaxashet ca huo'o ca ỹasouaxat. Qalaxaye saishet da sa 'auauo'o ca nhuaxanaguec ca huo'o ca ỹasouaxat qataq ca saỹalaq, cha'aye 'Am 'auauo'o ca nhuaxanaguec ca nta'a maye ỹo'ottac na qauem, nataqa'en ca llalaqpi, laualpi qataq ca llalaqpi ca laualpi.