Números 14:10 - La'aqtaqa Ñim Lo'onatac 'Enauacna 2013

¹⁰ Qalaxaye se'eso shiỹaxauapi huotaique da ira'alo na coma' soomaye da ỹasa'q. Nache Ñim Nataxala' ỹachaxan da llo'oxoyec huaña so npe'l maye naỹonqa', ỹauaachigui naqa'en 'enauac so Israel le'ecpi,

Números 14:10 Referans Kwoze

Éxodo 17:4

Nache so Moisés nqouagaxaunot Ñim Nataxala', 'eeta': «¿Cam sheeteco' ne'ena shiỹaxauapi? ¡Ye mashe yaqta'a da aỹem ỹalauat da aỹem irolec na coma'!»

Levítico 9:23

Ime, nache so Moisés qataq so Aarón inoxooroigui so npe'l. Qaq co'ollaq nnoxoorec, nache soomaye qaltaq ỹaarelec da no'on la'aqtac so Israel le'ecpi. Huaña, nache Ñim Nataxala' ỹachaxana 'enauac so shiỹaxauapi da ỹataqta qaica ca 'ena'am llo'oxoyec,

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Mateo 23:37

¡Qami' shiỹaxauapi maye qoñiitaña na Jerusalén! ¡Qami' shiỹaxauapi maye qoñiitaña na Jerusalén! Qami' qaualauache co'ollaxa so la'aqtaxanaxanecpi Ñim Lo'onatac 'Enauacna qataq so lamaxashecpi maye qami' namaxalo Ñimaye. Aỹem ỹataqta qalota naxa da sauotaique da qami' ñepaxattaleguete da sheeta'am aca 'olgaxa da ltelaxa ca llalaqpi da nqapaxaatalec, qalaxaye qami' saishet da Aỹem qauaqaita'a.

1 Samuel 30:6

Qaq so David ỹataqta huo'o da lhuogoxo co'ollaxa, cha'aye so nalleppi huotaique da imalec somaye da irolec na coma' da ỹasaq, cha'aye ỹataqta lta'araic da nqui'ic, souaxat de'era huaigui so llalaqpi ỹalleppi qataq so 'alpi. Qalaxaye somaye huo'o da la'añaxac chegoqo'ot Ñim Nataxala' maye Natamnaxala',

Números 20:6

Nache so Moisés qataq so Aarón quera'ai co'ollaxa se'eso shiỹaxauapi, nache tareua'a so ñegueuo so npe'l, huaña nache ỹa'alyiñi na l-llecte, iviraxatra'agueta naua lata'pi na 'alhua. Qaq huaña nache da llo'oxoyec Ñim Nataxala' nachaxanalo soomaye.

Números 16:42

Qaq co'ollaq lapona't so shiỹaxauapi da qaỹataỹa'aguet so Moisés qataq so Aarón, nache co'ollaq namatasheguem somayepi, nache ila'a so lo'oc, imattalec so npe'l, nache yo'oq da llo'oxoyec Ñim Nataxala'.

Números 16:19

Qaq so Coré co'ollaq mashe laỹona't 'enauac se'eso shiỹaxauapi da yaqto' dataỹa'aguet so Moisés, qataq so Aarón, huaña so ñegueuo so npe'l. Nache Ñim Nataxala', yo'oq da llo'oxoyec ỹauaachigui 'enauac se'eso laỹoota'a't shiỹaxauapi.

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Hechos 7:59

Qaq co'ollaq ña qaỹasaqtalec so Esteban, nache somaye nqouagaxaueetac, 'eeta': –'Am Ỹataxala' Jesús, 'auaconeguet da saqcha'a ica'alaxa.

Hechos 7:52

Cha'aye ¿chaq negue'to' cam la'aqtaxanaxanec Ñim Lo'onatac 'Enauacna da huo'otaq sa iuaxan som hua'au qarta'ailpi? Cha'aye somayepi nache ỹalauat co'ollaxa som hua'auchiguiñi da ỹa'axatta'aguet da lviraxac som ỹale maye no'on da lataxac. Qaq somaye co'ollaq nvi', nache qami' qauacoñiiua'a, nache qaualauache.

Éxodo 40:34

nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

Números 17:7

Nache so Moisés ỹachaña ye lanataqa' Ñim Nataxala' asomayepi, so npe'l maye huaña naxa da qanauane' Ñimaye.