Números 13:33 - La'aqtaqa Ñim Lo'onatac 'Enauacna 2013

³³ Qataq seloqta'a nataqa'en yem logoraicpi maye chegoxoguet so Anac. Nache da ñaloqnaxaguet da qarataxac yemayepi, nache ỹataqta qomi' qapio'olqa, shenaqta'am ana shiiquioxoi, qaq 'era da 'eetec da qomi' ilota'alo yemayepi.

Números 13:33 Referans Kwoze

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Isaías 40:22

Ñim Lo'onatac 'Enauacna huo'o añi nso'onaxaqui netalec na ỹataqta pa'asheguem na piguem, nache da nlotaña na shiỹaxauapi nache 'eeta'am naqa'en ana shiiquioxoipi. Ñimaye da ilagaxaañi na piguem qalaq 'eeta'am naqa'en ca npe'l, qataq da ỹa'ara't nache 'eeta'am naqa'en ca nanataxaqui.

Génesis 6:4

Qaq huo'o co'ollaxa so logoraicpi shiỹaxauapi ana 'alhua, qataq co'ollaq so llalaqpi Ñim Lo'onatac 'Enauacna, huaroneguet aso llalpi so shiỹaxauapi, da yaqto' huo'o ca llalaqpi. Qaq somayepi nacheso som ỹataqta ỹo'oxoraicpi, qataq 'añaxaicpi soua hua'au' vi'iye.

1 Samuel 17:42

Qaq so filisteo ỹamata'a so David, nache co'ollaq ila'a da ña nsoqolec, qovioxoraic qataq nalochiguiñi da lataxac, nache qaica ca 'enec naqa'en.

Deuteronómio 9:2

Qaq yi'iye shiỹaxauapi ỹataqta 'añaxaicpi qataq logoraicpi, cha'aye chegoxoguet co'ollaxa so shiỹaxaua logoraic le'enaxat Anac, qataq qaua'aqaitega naxa da na'aqtacaic, maye 'eeta': ¿Negue'tom ca ishet da dataỹa'aguet ye anaquiitapi?

Deuteronómio 3:11

Qaq se'eso nta'a Og, somaye nacheso so pa'atec som logoraicpi, so lmala' lcat qalaq ivi' cuatro metros ye lalogaxa, qaq ye lcategue qalaq ivi' dos metros. Qaq se'eso mala' ñaq 'eetalec nagui da qaimeteetac huetaña ye Rabá maye lma' so amoniitapi.

1 Crónicas 11:23

Nataqa'en ỹalauat so Egipto le'ec maye napactelec ye dos metros ye lalogaxa, somaye nasoqta'a aso lataquiaxai maye locta'am ye lalogaxa na lpataxasoxot na no'oxonec. Qaq so Benaías, irota'a so 'epaq da iloquiaxan somaye, nache deuotaxanec aso taquiaxai maye nasoqta'a so Egipto le'ec, nache ira'a da ỹalauat somaye.

Deuteronómio 2:10

Qaq yi'iye 'alhua, yemaye netalec co'ollaxa so emiitapi, somayepi ỹataqta 'añaxaicpi, qalotoigui qataq logoraicpi 'eeta'am na anaquiitapi.

Números 13:22

Qataq quetelec co'ollaxa soomaye ye Néguev, nache ivitta'alo ye Hebrón. Qaq yemaye nache netañalo co'ollaxa soua Ajimán, Sesay qataq so Talmay maye chegoxogueta so Anac. Qaq yi'iye huaqta'a't nỹecpi ye Hebrón, nache 'eetai' da mashe huo'o, qaq co'ollaq inoxoorec soua siete vi'iye, nache cheta'ague da qano'oxoosheguem so huaqta'a't nỹecpi ye Soán maye huaigui ye Egipto.

Números 13:28

Qalaxaye ye lma' yi'iye 'alhua, yemayepi ỹataqta 'añaxaicpi, qataq nam netaigui huaqta'a't nỹecpi yemayepi ỹataqta lta'al, qataq huo'o na lpaqtaxat. Qataq selaqalec na chegoxoguetpi som shiỹaxaua logoraic le'enaxat Anac.

Números 14:1

Nache 'enauac so Israel le'ecpi, ỹa'alaqtagui nache imauec se'eso pe da nỹeetac.

Josué 11:21

Nataqa'en se'eso na'a'q so Josué deuotaxanec qataq ỹataqta nlaxatchiguiñi 'enauac so huaqta'a't nỹecpi maye lma' so anaquiitapi maye nalec aye qasoxonaxapi ye Hebrón, Debir, Anab, qataq 'enauac aye qasoxonaxapi maye ỹotta'a't nam naña ye Judá qataq ye Israel.

Josué 14:12

Qaq ỹoqo'oye nagui aỹem 'anem ne'ena 'alhua maye huaigui ana qasoxonaxapi maye aỹem ỹachaxanapeguem co'ollaxa se'eso na'a'q Ñim Nataxala'. Qataq nale'ena da 'auaỹateetac da na chegoxoguetpi so shiỹaxaua logoraic maye le'enaxat Anac netaña namaye, qataq na lalamaxat huaqta'a't nỹecpi ỹataqta qanpaxattaua'a. Qalaxaye aỹem huo'o da ñaquitaxac da Ñim Nataxala' aỹem nnaictague' qataq aỹem itaunec da yaqto' sañoxot da so'orauec yemayepi, da yaqto' ipacchigui da la'aqtac Ñimaye.»

Josué 15:14

Huaña, nache so Caleb ỹo'oldauec co'ollaxa soua tres chegoxogueta so Anac, som le'enaxat Sesay, Ajimán, qataq so Talmay.

1 Samuel 17:24

Qaq so Israel le'ecpi co'ollaq ila'a se'eso shiỹaxaua, nache ỹataqta datauec souaxat da lcolanaxa.