Números 13:32 - La'aqtaqa Ñim Lo'onatac 'Enauacna 2013

³² Nache soomaye qauem na ỹa'axatem so Israel le'ecpi da ỹa'axattac yi'iye 'alhua maye qaimeenaxana co'ollaxa, 'eeta': Yi'iye 'alhua maye semeenaxanaxa, yemaye maiche ỹalauat 'enauac na netalecpi, qataq ye shiỹaxauapi maye semeenaqtac yemayepi ỹataqta lta'araicpi.

Números 13:32 Referans Kwoze

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

1 Crónicas 20:6

Qaq ime de'era nache qaltaq huo'o so lỹa alaataxac huaña ye Gat, yem netaña co'ollaxa so logoraic ỹale, maye ñi 'oonolec naua lhua'q, seis naua llaxaata, qataq ñi 'oonolec naua lapia'ate, seis naua lqona, qaq da ima'a't nache ivi' veinticuatro. Qaq somaye nataqa'en chegoxoguet som logoraic ỹalleppi,

2 Samuel 21:20

Qaltaq huo'o co'ollaxa so lỹa alaataxac huaña ye Gat. Nache huo'o so shiỹaxaua logoraic, seis ana llaxaatapi ñi 'oonolec naua lhuaxaye, qataq seis ana lqonapi ñi 'oonolec naua lapia'ate.

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Números 13:28

Qalaxaye ye lma' yi'iye 'alhua, yemayepi ỹataqta 'añaxaicpi, qataq nam netaigui huaqta'a't nỹecpi yemayepi ỹataqta lta'al, qataq huo'o na lpaqtaxat. Qataq selaqalec na chegoxoguetpi som shiỹaxaua logoraic le'enaxat Anac.

Salmos 106:24

Qataq co'ollaq qaỹata'ague nache somayepi ỹo'otan yi'iye 'onaxaic 'alhua, qataq saishet da ỹa'amaqte'n naua ỹa'n la'aqtaqa Ñim Lo'onatac 'Enauacna.

Ezequiel 36:12

Qaq Aỹem so'ot qome da na ỹalamaxat nhuo' le'ecpi, qami' queuotegueleguete, qami' qasoxonaxapi na Israel, nache yemayepi qome qami' naleguete da qami' lalamaqtepi, nache qami' saishet qome da qavi'eguelaxachiỹa da qaica qanqa'eñi ca llalaqpi.

Amós 2:10

Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.