Números 13:31 - La'aqtaqa Ñim Lo'onatac 'Enauacna 2013

³¹ Qalaxaye soua lỹata'ape co'ollaxa soomaye, 'eetra': ¡Saishet, qomi' sa seshetaq da seloquiaxanaq yi'iye nhuo' le'ecpi! Cha'aye yemayepi 'añaxaicpi, napacalec da qara'añaxac.

Números 13:31 Referans Kwoze

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Josué 14:8

Qalaxaye som ñenaictague'pi co'ollaxa ỹataqta icolanaqchet so qaraỹepi, qaq aỹem qalaq ỹataqta saq saxanec Ñim Nataxala' maye Ñatamnaxala'.

Hebreos 3:19

Qaq ỹoqta 'eesa da somayepi da saishet co'ollaxa da huenoxoneua'a ye 'alhua Canaán da yaqto' nmatec, cha'aye qaica ca lpi'iỹaxac Ñim Lo'onatac 'Enauacna.

Números 32:9

Nache ivira'a co'ollaxa so la'auaxac Escol da imeteetac yi'iye 'alhua, qaq co'ollaq ñe'eguelaq nache ỹo'ot da lqalviaxa na Israel le'ecpi, da yaqto' saishet da taỹa ye 'alhua maye ỹanem co'ollaxa Ñim Nataxala'.

Deuteronómio 9:1

So Moisés qaltaq detaqa, 'eeta': «Ñaq aỹem qana'axaỹaxañiỹa qami' Israel le'ecpi, cha'aye mashe ivita nagui da qaua'axasoxoñiilec ye tala Jordán da yaqto' qauo'oyiỹauec, qataq qauacoñiỹa ye na'alhuapi ye shiỹaxauapi maye qami' napacaleguete da la'amaqchec, qataq da la'añaxac, qataq netaigui ye huaqta'a't nỹecpi maye ỹataqta qaỹoqotcheguemec na lpaqtaxat.

Números 13:30

Ime, nache so Caleb 'enapega se'eso nhuo' le'ecpi maye datato'ot so Moisés da de'enaxaatai', nache, 'eeta': ¡Qomi' qolaq qome, ñeqo'onaxa yi'iye 'alhua, nache saconaxa da sonaqalec, cha'aye qomi' ñapagaqalec da la'añaxac yemayepi!

1 Samuel 17:33

Nache so Saúl 'enapeco': 'Am saishet da 'andotec da 'aulogui' de'era filisteo, cha'aye 'am ñaq 'am nsoqolec, qaq damaye qalaq nache 'eetai' da alaataxaic, chegoqchiguiña co'ollaq ña nsoqolec.

Números 32:7

¿Ta'ainco' da huotaique da deqalvi qanqa'eñi na laỹe Israel le'ecpi, da yaqto' saishet da taitague da le'ego da ỹacona yem 'alhua maye ỹanem Ñim Nataxala'?