Números 13:29 - La'aqtaqa Ñim Lo'onatac 'Enauacna 2013

²⁹ Qataq ye 'alhua Néguev netaña ye amaleciitapi, qaq aye qasoxonaxapi nache netalec ye hitiitapi, jebuseopi qataq ye amorreopi, qaq da pa'aỹa'ague aso auaxai qataq na loigue so tala Jordán, nache netaña ye cananeopi.

Números 13:29 Referans Kwoze

Números 14:43

Cha'aye de'era qa'aita'ague, hueta'ague ye amaleciitapi qataq ye cananeopi, qami' nauaata'agueta da yaqto' qami' iloquiaxa'n, qataq qami' ỹalaua't. Cha'aye mashe qoquiỹa'ai Ñim Nataxala', nache Ñimaye saishet da qami' hueta'agueta.

Jueces 6:3

Ỹoqo'oye so Israel le'ecpi naxa da huo'o na lañiguishec, nache so madianiitapi, amaleciitapi, qataq so shiỹaxauapi maye lma' ye pa'aỹa'ague da nala' lliguisheguem, anac naxa da iloquiaxan somayepi.

Salmos 83:7

Gebal, Amón, Amalec, qataq na filisteopi, qataq na lma' ye Tiro,

1 Samuel 30:1

Qaq so inoxoorec soua tres na'axa'te, nache so David qataq so nalleppi ivita co'ollaxa ye Siclag, nache natenalec da so amaleciitapi mashe iloquiaxaatac co'ollaxa so netalec ye Néguev qataq Siclag, nache ỹataqta ilaxachigui qataq ỹavigaxat.

1 Samuel 14:48

Qataq laỹona't co'ollaxa so nalleppi nache loxonec so Amalec, qaq 'era da 'eetec somaye da isoueeguesop so Israel le'ecpi so cachaxaicpi.

Números 24:20

Qaq ime nache so Balaam ỹamata'a da pa'aigue so Amalec le'ecpi, nache 'eeta': «Ye Amalec le'ecpi, nacheye ye la'auaxanec da 'amaqtaqaicpi 'enauac na laỹe shiỹaxauapi, qalaxaye yemaye taỹa'a da ỹataqta nlachiguiñi qome.»

Números 14:45

Nache huenotec co'ollaxa so amaleciitapi qataq so cananeopi maye netasheguema aso qasoxonaxa, nache le'enec qataq huo'o so ique'emaqchetpi qataq icaatac so Israel le'ecpi, iviraxatta'a ye Jormá.

Números 14:25

Qalaxaye souaxat na amaleciitapi qataq na cananeopi maye netalec na ca'amapega't 'alhua, nache qami' qavi'iguelaqai qonte', qalaxaye qoquiitelec qome ye toolec 'alhua maye taỹauga aso auaxai Togaxarai.

Éxodo 3:17

Nataqa'en aỹem da'aqtaxanem da ỹauotaique da qami' nca'alaxateeguesopa da qanque'eenaxaqui ne'ena qoviita'a Egipto, qataq qami' ỹauegalo yem na'alhua ye cananeopi, hitiitapi, amorreopi, ferezeopi, heveopi qataq ye jebuseopi. Yem 'alhua maye sa qoue na qanallec.»

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Génesis 14:7

Qaq co'ollaq ñe'eguelaq so Quedorlaomer, qataq so nnaictague'pi somaye, nache nvira'a ye Enmispat, maye da lỹa le'enaxat Cades. Qaq huaña, nache loxonec 'enauac yem na'alhua so Amalec le'ecpi, qataq nataqa'en som amorreopi maye netaña co'ollaxa ye 'alhua Jasesón Tamar.

Números 13:17

Qaq so Moisés, co'ollaq ỹamaxa da imeten ye 'alhua soomaye, nache 'enapegalo, 'eeta': Qoquiitelec qome ye Néguev, choche qaviyeeta'a aye qasoxonaxapi.

Números 13:30

Ime, nache so Caleb 'enapega se'eso nhuo' le'ecpi maye datato'ot so Moisés da de'enaxaatai', nache, 'eeta': ¡Qomi' qolaq qome, ñeqo'onaxa yi'iye 'alhua, nache saconaxa da sonaqalec, cha'aye qomi' ñapagaqalec da la'añaxac yemayepi!

Josué 5:1

Qaq 'enauac co'ollaxa so lta'alpi so Amorreopi maye neta'atague da le'ego da pa'aỹa'ague da avit so tala Jordán, qataq so lta'alpi so Canaán le'ecpi maye netaña ye saqaỹapeque aso Auaxai Mediterráneo, co'ollaq ỹaỹaten somayepi da Ñim Nataxala' 'imñi naqa'en so 'etaxat so tala Jordán da yaqto' so Israel le'ecpi ỹa'axasoxoolec da taitague da le'ego, nache so nta'alpi ỹataqta sa ntoonaxanaxan da lli'iỹaxa souaxat da qaica ca ỹañoxot da dataỹa'aguet so Israel le'ecpi.

Josué 9:1

Qaq so lta'alpi so hitiitapi, qataq so amorreopi, Canaán le'ecpi, ferezeopi, heveopi, Jebuseopi ỹaỹaten co'ollaxa de'era qanayeuaigui. Qaq se'eso nta'alpi netaña co'ollaxa so loigue maye pa'aỹa'ague da avit so tala Jordán, qataq aye qasoxonaxapi, qataq ye nalochiguiñi 'alhua qataq 'enauac so loigue aso Auaxai Mediterráneo, nache ivitta'a so 'alhuapi ye Líbano.

Josué 10:5

Qaq huaña nache se'esoua cinco lta'al so amorreopi, som nta'a ye Jerusalén, qataq so nta'a ye Hebrón, Jarmut, Laquis, qataq ye Eglón, soomaye huaxaỹa't, qataq lỹatec so nalleppi nache naña ye nalotta ye Gabaón da yaqto' iloquiaxan yemaye.

Josué 10:6

Qaq so lma' ye Gabaón ỹamaxa da la'aqtac so Josué maye hueta'a ye Gilgal, 'eeta': «Saishet qome da huo'o ca 'ectega da qomi' 'autaua'n, cha'aye maiche qomi' 'aramaxashecpi. Qataq sa 'anaỹaloxon qome da 'auanac da qomi' 'autaua'n, cha'aye 'enauac ye lta'alpi ye amorreopi maye netalec aye qasoxonaxapi, yemayepi huaxaỹa't da yaqto' qomi' iloquiaxa'n.»

1 Samuel 7:14

Qaq 'era da 'eetec so Israel le'ecpi co'ollaq ñe'eguelaxaala't so huaqta'a't nỹecpi maye ỹacona co'ollaxa so filisteopi, chegoqchiguiña ye Ecrón nache ivitta'a ye Gat, nache ỹe'egueloqot somayepi so 'alhua maye loxonec co'ollaxa so filisteopi. Qaq 'era da 'eetec da so Israel le'ecpi da isoueeguesop co'ollaxa ye na'alhua da la'añaxac so filisteopi. Huaña nache so Israel le'ecpi qataq so amorreopi huo'o da l-lagaxayec.

Deuteronómio 7:1

Qaq Ñim Nataxala' maye Qanatamnaxala'ai, qom qami' inoxonaqcheteua'alo ye 'alhua maye qami' ỹanema da qaralamaxache, nache qauauañiichigui qome da ỹo'orauec ye ỹotta'a't shiỹaxauapi maye ỹataqta 'amaqtaqaicpi, qataq 'añaxaicpi maye netañalo yeua siete 'aleu', qaq yemayepi nacheye ye: hitiitapi, gergeseopi, amorreopi, cananeopi, ferezeopi, heveopi qataq ye jebuseopi.

Deuteronómio 20:17

Nachaqrata da qanmachichiguiñi qome 'enauac ye hitiitapi, amorreopi, cananeopi, ferezeopi, heveopi, qataq ye jebuseopi, nache ipacchigui qome da qami' ỹamaxaleguete Ñim Nataxala' maye Qanatamnaxala'ai,

Josué 3:10

Maye 'eeta': «'Era da la'anaxat da Ñim Lo'onatac 'Enauacna maye nca'altauec ỹataqta qami' hueta'agueta, qaq nache de'era qa'aita'ague qauauañiichigui naqa'en da ỹo'orauec qome ye Canaán le'ecpi, hitiitapi, heveopi, ferezeopi, gergeseopi, amorreopi, qataq na Jebuseopi.

Jueces 3:5

Qaq 'era da 'eetec so Israel le'ecpi da nache lauoreuapi co'ollaxa so cananeopi, hitiitapi, amorreopi, fereseopi, heveopi, qataq so jebuseopi.

1 Samuel 27:8

Nache somaye lỹatac naxa so nalleppi da taỹa da iloquiaxan so Gesur le'ecpi, gezriitapi qataq so amaleciitapi, maye salcoshe'ego' da netalec se'eso 'alhua, maye chegoqchiguiña yem pa'aỹa'ague da la'añaxa nache ivitta'a ye Egipto.

Nehemías 9:8

Cha'aye 'auaỹateeta da ỹataqta 'am pi'iỹa'a, nache 'auo'ot so 'anaỹamaxataxac da 'anaỹamaxate' somaye, nache 'auachaxanapeguem ca chegoxoguetpi somaye da 'aỹa'anem ye na'alhua ye cananeopi, hitiitapi, amorreopi, fereseopi, jebuseopi, gergeseopi. Nache ỹataqta 'aupacchigui da 'ara'aqtac, cha'aye 'am nache 'eetai' da 'aupacchigui naxa na 'ara'aqtacpi.