Números 13:28 - La'aqtaqa Ñim Lo'onatac 'Enauacna 2013

²⁸ Qalaxaye ye lma' yi'iye 'alhua, yemayepi ỹataqta 'añaxaicpi, qataq nam netaigui huaqta'a't nỹecpi yemayepi ỹataqta lta'al, qataq huo'o na lpaqtaxat. Qataq selaqalec na chegoxoguetpi som shiỹaxaua logoraic le'enaxat Anac.

Números 13:28 Referans Kwoze

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Josué 11:22

Qaq ỹoqo'oye ỹataqta qaica ca no'onalec da netalec yem na'alhuapi so Israel le'ecpi som chegoxoguetpi so shiỹaxaua logoraic le'enaxat Anac. Qaq nacheyeta ye Gaza, qataq ye Gat, qataq ye Asdod da huo'o na no'onalec somayepi.

Números 13:33

Qataq seloqta'a nataqa'en yem logoraicpi maye chegoxoguet so Anac. Nache da ñaloqnaxaguet da qarataxac yemayepi, nache ỹataqta qomi' qapio'olqa, shenaqta'am ana shiiquioxoi, qaq 'era da 'eetec da qomi' ilota'alo yemayepi.

Josué 15:14

Huaña, nache so Caleb ỹo'oldauec co'ollaxa soua tres chegoxogueta so Anac, som le'enaxat Sesay, Ajimán, qataq so Talmay.

Deuteronómio 3:5

Qaq 'enauac se'eso huaqta'a't nỹecpi qaỹoqotcheguemec co'ollaxa so lpaqtaxat, qataq so lpaqtaxat so lasompi, qataq saishet da ñaloqtenaq so laỹe huaqta'a't nỹecpi maye qaica ca lpaqtaxat.

Deuteronómio 2:21

Qaq somayepi co'ollaxa ỹataqta qalota, logoraicpi, qataq añaxaicpi, 'eeta'am na chegoxoguetpi so Anac. Qalaxaye Ñim Nataxala' ỹanem da la'añaxac so amoniitapi da nmichiguiñi naqa'en somayepi, ỹoqo'oye somayepi nache nalec yi'iye 'alhua da ỹauo'o lalamaxat.

Jueces 1:20

Qaq so Caleb qalaq taỹot ye Hebrón, ipacchigui da la'aqtac co'ollaxa so Moisés, nache so Caleb ỹo'oldauec soua tres llalqa so Anac, som logoraic shiỹaxaua.

2 Samuel 21:16

nache huo'o so shiỹaxaua logoraic, le'enaxat Isbibenob somaye huotaique da ỹalauat co'ollaxa so David. Qaq aso lataquiaxai bronce somaye, napacalec ye tres kilos, qataq na'attagui so dalaxaicolec lailonec.

Josué 14:12

Qaq ỹoqo'oye nagui aỹem 'anem ne'ena 'alhua maye huaigui ana qasoxonaxapi maye aỹem ỹachaxanapeguem co'ollaxa se'eso na'a'q Ñim Nataxala'. Qataq nale'ena da 'auaỹateetac da na chegoxoguetpi so shiỹaxaua logoraic maye le'enaxat Anac netaña namaye, qataq na lalamaxat huaqta'a't nỹecpi ỹataqta qanpaxattaua'a. Qalaxaye aỹem huo'o da ñaquitaxac da Ñim Nataxala' aỹem nnaictague' qataq aỹem itaunec da yaqto' sañoxot da so'orauec yemayepi, da yaqto' ipacchigui da la'aqtac Ñimaye.»