Biblia Todo Logo
Bib sou entènèt

- Piblisite -




Números 13:22 - La'aqtaqa Ñim Lo'onatac 'Enauacna 2013

22 Qataq quetelec co'ollaxa soomaye ye Néguev, nache ivitta'alo ye Hebrón. Qaq yemaye nache netañalo co'ollaxa soua Ajimán, Sesay qataq so Talmay maye chegoxogueta so Anac. Qaq yi'iye huaqta'a't nỹecpi ye Hebrón, nache 'eetai' da mashe huo'o, qaq co'ollaq inoxoorec soua siete vi'iye, nache cheta'ague da qano'oxoosheguem so huaqta'a't nỹecpi ye Soán maye huaigui ye Egipto.

Gade chapit la Kopi




Números 13:22
21 Referans Kwoze  

co'ollaq huaña ye no'onaxa maye huaigui ye Soán, ye Egipto, da ỹo'ot co'ollaxa na lta'araicpi maye ỹo'ot da na'aalaxa.


Ñim Lo'onatac 'Enauacna ỹo'ot co'ollaxa nam ỹo'ot da na'aalaxa ỹauaachigui naqa'en so qarta'ailpi huaña ye 'alhuapi ye Soán maye huaigui ye Egipto.


¡Qami' nataxala'pi na Soán, ỹataqta qaica ca qauaỹaañiỹapec, nam ỹaanaxanaxaicpi maye chegoqtecot na nqataxacpi ye Egipto, namayepi ỹataqta 'eesa da qaica ca ỹaỹaanapec! ¿Ca 'eeteco' da ishet da qoñiỹapega co'ollaxa ñi faraón da, qoñiita': «Qomi' sachegoxosoxoguet so ỹaanaxanaxaicpi, qataq som hua'au nta'alpi co'ollaxa?»


Qataq na'aictaxa da ỹamaxa ye Soán qataq ye Janés, na ltaxaỹaxanaxanecpi namayepi,


Nataqa'en iloquiaxan so Canaán le'ecpi maye netaña ye Hebrón, yem le'enaxat co'ollaxa da Quiriat Arbá. Qaq huaña yemaye da noxonqa soua Sesay, Ajimán qataq so Talmay.


Na nataxala'pi ye Soán ỹataqta qaica ca ỹaỹaanapec, nam nataxala'pi ye Menfis qalaq hua'aqta'a da qaỹatenachet, qataq nam nataxala'pi naua lỹa't 'aleu' yi'iye 'alhua, qalaq ỹo'ot da npe'en da llecỹaxac ye Egipto.


Nache so David nta'a ye Judá soua siete vi'iye, qataq soua seis ca'agoxoiqa, qaq de'era lo'onataxanaxac da nta'a, nache netaña ye Hebrón.


Qaq co'ollaq mashe ime de'era, nache so David inat co'ollaxa Ñim Nataxala', 'eeta': ¿Peta'a ishet da huo'o ca ñeqo'ona yem huaqta'a't nỹecpi maye ỹotta'a't naua nañalo na Judá? Nache Ñim Nataxala', 'eeta': Aja', ishet, qalaxaye so David qaltaq denataxan, 'eeta': ¿Qaq chaq negue't cam ishet da ñeqo'ona? Nache Ñim Nataxala', 'eeta': Qomye 'anqo'ona ye Hebrón.


Qalaxaye saishet da nacheyeta ye Hebrón, yem huaqta'a't nỹecpi maye lle'eguenaqa' cam ilamaxata'a da ỹalauat ca lỹa, cha'aye nataqa'en qoỹanem so chegoxoguetpi so ntaxaỹaxanaxanec Aarón, som huaqta'a't nỹecpi ye Libna,


Qataq seloqta'a nataqa'en yem logoraicpi maye chegoxoguet so Anac. Nache da ñaloqnaxaguet da qarataxac yemayepi, nache ỹataqta qomi' qapio'olqa, shenaqta'am ana shiiquioxoi, qaq 'era da 'eetec da qomi' ilota'alo yemayepi.


Qaq so Moisés, co'ollaq ỹamaxa da imeten ye 'alhua soomaye, nache 'enapegalo, 'eeta': Qoquiitelec qome ye Néguev, choche qaviyeeta'a aye qasoxonaxapi.


nache ileu, huaña ye Quiriat Arbá, maye da lỹa le'enaxat Hebrón, huaigui ye 'alhua Canaán. Nache so Abraham nỹeeteguelec co'ollaxa aso Sara, qataq ỹo'ot da lasouaxac.


Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.


Qalaxaye ye lma' yi'iye 'alhua, yemayepi ỹataqta 'añaxaicpi, qataq nam netaigui huaqta'a't nỹecpi yemayepi ỹataqta lta'al, qataq huo'o na lpaqtaxat. Qataq selaqalec na chegoxoguetpi som shiỹaxaua logoraic le'enaxat Anac.


Qaq yi'iye shiỹaxauapi ỹataqta 'añaxaicpi qataq logoraicpi, cha'aye chegoxoguet co'ollaxa so shiỹaxaua logoraic le'enaxat Anac, qataq qaua'aqaitega naxa da na'aqtacaic, maye 'eeta': ¿Negue'tom ca ishet da dataỹa'aguet ye anaquiitapi?


Ime nache ca'ai ye Eglón da yaqto' nqo'ona da iloquiaxan so huaqta'a't nỹecpi ye Hebrón.


Hebrón qataq so nataxala'pi maye netañalo 'enauaque soua nma'ate maye netañalo co'ollaxa so David qataq so nalleppi.


nache huo'o so shiỹaxaua logoraic, le'enaxat Isbibenob somaye huotaique da ỹalauat co'ollaxa so David. Qaq aso lataquiaxai bronce somaye, napacalec ye tres kilos, qataq na'attagui so dalaxaicolec lailonec.


Swiv nou:

Piblisite


Piblisite