Números 13:20 - La'aqtaqa Ñim Lo'onatac 'Enauacna 2013

²⁰ Qataq da ishet da ñaxaalec na nañiguishecpi, huo'otaq saishet, qataq da huo'o ana qo'oipaq huo'otaq qaca. Qataq saishet qome da qayi'iitac da qanache aca ala na nañiguishec yi'iye 'alhua. Qaq de'era, nache huetoigui co'ollaq mashe huo'o ana la'auaxana ala ana uva yi'iye 'alhua.

Números 13:20 Referans Kwoze

Deuteronómio 31:23

Qaq co'ollaq ime, nache Ñim Nataxala' ỹanem da la'aqtac so Josué, maye llalec so Nun, 'eeta': «'Ana'añaxat qome qataq 'aua'añaxachigui ye 'arhuel, cha'aye nache 'am qome da 'aunoxonacheteua'a ne'ena shiỹaxauapi ye 'alhua maye sachaxanapecot co'ollaxa ne'ena Israel le'ecpi, qaq Aỹem qome 'am soota'aguet.»

Ezequiel 34:14

Nache sauega da chec na ỹataqta no'on 'auaqpi, nam 'auaqpi maye hualec aye qaỹoqotcheguemec qasoxonaxapi ye Israel. Qaq huaña yemaye nache ishet da nmatec qataq chec na ỹataqta no'on 'auaqpi.

Nehemías 9:35

Qalaxaye co'ollaq ñaq hueto'ot da lo'onataxanaxac da nta'a qataq hueto'ot da nsallaxa, qataq netalec so 'onaxaic 'alhua maye 'aỹa'anem co'ollaxa, qalaxaye ñaqaiyeta saishet da 'am ỹo'oxoren, qataq saishet da ỹaxaarec naua qauema no'onataxaco.

Nehemías 9:25

Qataq loxonec so huaqta'a't nỹecpi maye ỹotta'a't naua nañalo maye huo'o so lpaqtaxat, qataq so ỹoqta no'on 'alhuapi, qataq so nỹecpi maye nlaqchigui so nogoxoshetpi, qataq aso nshere 'etaxat laỹe', qataq nañiguishe uva lma'pi qataq so oliivosat, qataq aso qalota qo'oipaqpi maye huo'o ana ala. Qataq deque'etacpi nache ivitta'a da comaraxaicpi, qataq chaxaraicpi, souaxat da ỹacootalec so chegaqaigui da 'arqouagaxanaqtaic.

Hebreos 13:6

Qaq ỹoqo'oye seshetaq da she'eguelaxataqtalec qataq sauoqo'o da qanaquitaxac dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Qaica ca she'etaique. Cha'aye qaica ca ishet da huo'o ca aỹem ỹo'otec qauem cha'aye Ñim Lo'onatac 'Enauacna aỹem itauaatac.»

Miqueas 7:1

¡Qaq choxoraicolec aỹem Miqueas! Cha'aye sheeta'am ca nmittac ca nanaxanaqa', da mashe ime da qanqat ana ala na nañiguishec, nache saishet da ilalec aca uvapi huo'otaq hiigopi, acam ala na nañiguishec maye nshetaique da chec.

1 Crónicas 22:11

Qaq nagui 'am ỹalcolec, ỹataqta 'am hueta'aguet qome Ñim Nataxala', yaqto' 'avira'a da 'aushet da 'ano'oxoosheguem aca atamnaxaqui maye lalamaqte Ñim Nataxala' maye 'Anatamnaxala', qaq nache ipacchigui qome dam la'aqtac Ñimaye co'ollaq 'am ỹa'axatta'a.

Josué 2:3

Nache so nta'a, ỹamaxa da la'aqtac aso Rajab, 'eeta': «Ñaq 'anqatrec que'ecaua shiỹaxau' maye 'am natreua'a, qataq huetra'a na 'arma', cha'aye caamaye choche qomi' nmeenaxanalo qataq da imeten na qana'alhua.»

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Josué 1:6

Qaq ỹataqta 'ana'añaxat qome, qataq 'aua'añaxachigui ye 'arhuel, cha'aye 'am 'aỹa'anem qome yi'iye 'alhua ne'ena nhuo' le'ecpi da yaqto' lalamaxat, cha'aye sanem co'ollaxa da ỹa'aqtac som hua'au lta'alpi.

Deuteronómio 1:25

Ime, nache nqat ana ala ana nañiguishe yi'iye 'alhua da yaqto' lachaxanata da qomi' da'aqtaxanema da: ‹Ỹataqta 'onaxaic yi'iye 'alhua maye qomi' ỹanema Ñim Nataxala'.›

Números 13:19

Qataq ca 'eetec yi'iye 'alhua, da no'on huo'otaq qauem, huo'otaq da netaigui na no'on nỹecpi maye huo'o na lpaqtaxat, huo'otaq da netaigui na npe'l maye ỹasattalec.

Deuteronómio 1:24

qaq somayepi nache tasheguema aye qasoxonaxapi da imeten, nache ivitta'a ye ca'amapega't 'alhua maye le'enaxat da Escol.

Daniel 11:24

Qaq qom mashe qaica ca qaỹauotaique, nache camaye inoxotaua'a qome cam ỹataqta no'on 'alhua yem qanayeuta'a, nache ỹo'ot cam saishet co'ollaxa da ỹo'ot som hua'au lta'alpi, nache camaye ỹanoigui qome ca nalleppi cam nogoxoshetpi, qataq nsallaxa maye ỹachegoxotaigui que'eca alaataxac. Ime qaltaq lapaxañi qome cam lataxac da iloquiaxan cam huaqta'a't nỹecpi maye qampaxattaua'a, qalaxaye saqaỹauec qome ca huaigui ca l-loquiaxanataxanaxac.

Josué 2:1

Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.