Números 13:17 - La'aqtaqa Ñim Lo'onatac 'Enauacna 2013

¹⁷ Qaq so Moisés, co'ollaq ỹamaxa da imeten ye 'alhua soomaye, nache 'enapegalo, 'eeta': Qoquiitelec qome ye Néguev, choche qaviyeeta'a aye qasoxonaxapi.

Números 13:17 Referans Kwoze

Jueces 1:9

Huaña qaltaq nqo'ona da iloquiaxan so Canaán le'ecpi maye nalec aye qasoxonaxapi, maye huaigui ye Néguev qataq ye nalochiguiñi 'alhua.

Génesis 12:9

Qaq ime co'ollaxa nache so Abram qaltaq jec, nqocheeta choche ivitta'a ye 'alhua Néguev.

Jueces 1:19

Qaq Ñim Nataxala', itauaatac co'ollaxa so nhuo' le'ecpi maye chegoxoguetpi so Judá, nache somayepi loxonec co'ollaxa ye 'alhuapi maye hualec aye qasoxonaxapi, qalaxaye sa ỹañoxot da ỹo'orauec som nañapi ye nalochiguiñi 'alhua, cha'aye somayepi huo'o aso nalaataxaqui laigonapi lcat.

Jueces 1:15

Nache asomaye 'enapeco': «Qomye ñeshetaique da 'auauo'o ca aỹem 'anem laỹe 'alhua, cha'aye mashe sogote da aỹem 'aỹa'anem ye 'alhua maye huaña ye toolec 'alhua ye Néguev, qalaxaye nagui aỹem 'aỹa'anem taxa nataqa'en ye 'alhua maye huaña na npaxaatasheguem 'etaxat.» Nache so Caleb ỹanem aso llale Acsa ye 'alhua maye huaña na npaxaatasheguem 'etaxat maye naña ye qaỹoqotcheguemec 'alhua, qataq ye pa'aguiñi.

Josué 15:3

qaq nache quetague' da pa'aỹa'ague da la'añaxa, nache ivitta'a so nqa'aic maye taỹasheguema ye le'enaxat Acrabin, qataq ỹa'axasoxoolec ye toolec 'alhua ye Sin, qataq da pa'aỹa'ague da la'añaxa ye Cadés Barnea. Ime, nache ivitta'a ye Jesrón, ime qataq tasheguemec ye Adar qataq colliiñi da taỹa'a ye Carca.

Génesis 13:1

Qaq so Abram ca'ai ye Egipto, da nqo'ona ye Néguev, nache lỹatec aso lhua, qataq 'enauac so lalamaxatpi, qaq so lasoshec Lot nache ca'ateguelo soomaye.

Deuteronómio 1:44

Nache so amorreopi maye netalec co'ollaxa yemaye, qami' dataỹa'agueta nache somayepi 'eeta'am na te'esaq lalaxat da qami' icaata'ape, nache qami' loxonqa chegoqchiguiña ye Seír choche qami' iviraxatta'alo ye Jormá.

Números 14:40

Nache so nte'etom so lỹa na'a'q, nache no'ottasheguem somayepi da tasheguema na pa'asheguem añi qasoxonaxa, nache 'eeta': ¡Nagui mashe souaqta'a ne'ena! Qaq no'on da ñeqo'onaxa ye 'alhua maye qomi' ỹachaxanapeguema co'ollaxa Ñim Nataxala', cha'aye 'eesa da huo'o da qarasouaxashet.

Números 13:29

Qataq ye 'alhua Néguev netaña ye amaleciitapi, qaq aye qasoxonaxapi nache netalec ye hitiitapi, jebuseopi qataq ye amorreopi, qaq da pa'aỹa'ague aso auaxai qataq na loigue so tala Jordán, nache netaña ye cananeopi.

Génesis 14:10

Qaq so ca'amegue ye Sidín, huo'o co'ollaxa aso lchequepi nlaqchigui na 'eco' qo'oipaq lcha'q, ỹoqo'oye soua nta'al ye Sodoma qataq ye Gomorra co'ollaq datarec, nache tarengui asa'aso lchequepi. Qaq so laỹepi qalaq datauec co'ollaxa, taỹa aso qasoxonaxa.

Génesis 13:3

Qaq chegoqchiguiña co'ollaxa ye Néguev, nache nqocheeta, choche ivitta'a ye Betel, yem hua'auchiguiñi co'ollaxa da lanataqa' maye vichiguinguilo yeua Betel qataq ye Hai.

Génesis 13:17

Ñaq qoñishiguem, nache 'aucoleelec ne'ena 'alhua, nache 'avira'a qome yem loga't dam lalogaxa, qataq ye lcateueegue namaye, cha'aye Aỹem, 'am sanem qome.»

Números 13:18

Qaumichiñiita qome yi'iye 'alhua, qataq ye shiỹaxauapi maye netalec yemaye, da 'añaxaicpi, huo'otaq qaica ca la'añaxac, qataq da sa lamai', huo'otaq qalota.

Josué 2:1

Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.

Josué 10:40

Qaq 'era da 'eetec co'ollaxa so Josué da loxonec 'enauac se'eso 'alhuapi. Qataq nauec so nta'alpi maye nalec so 'alhuapi maye hualec aye qasoxonaxapi yem Néguev, som nalochiguiñi 'alhuapi qataq som nashecchiguiñi loiguepi. Nache ỹataqta 'enauac da ilaxachigui qataq ỹalauat 'enauac nache qaica ca no'onaxatañi da nca'altauec naqa'en, nache ipacchigui 'enauac nam ỹamaxalecpi Ñim Nataxala' maye Natamnaxala' na Israel le'ecpi.