Números 12:15 - La'aqtaqa Ñim Lo'onatac 'Enauacna 2013

¹⁵ Nache aso María ca'ai qanqa'en so nanataqa' soua siete na'axa'te, qaq se'eso nhuo' le'ecpi nache hua'a yemaye ivitta'a da qaltaq ñe'eguelaxauo aso María.

Números 12:15 Referans Kwoze

Habacuc 3:2

«'Am Nataxala', co'ollaq sa'axaỹa da 'ara'aqtac, nache ỹataqta lta'araic da icolanaxa. Ñaq 'auo'ot ne'enaua na'axa'te maye souaqtaiguilo, nam lta'araicpi maye 'auo'ot co'ollaxa soua hua'au' vi'iye. Qaq da nvi' da 'aralemataic, nache 'auennata'a qome da 'archoxonnataxanaxa.

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Lamentaciones 3:32

Qaq na'aictoxo' da ỹauo'o da que'enaxac, qalaxaye nataqa'en dechoxonnataxan, cha'aye da lsoxoyec ỹataqta lta'araic.

Éxodo 20:12

Huo'o naq 'enec 'anqa'en ca 'arta'a, qataq aca 'arate'e, yaqto' qaỹoqtec da 'anachaalataxac da qouetalec ana 'alhua maye 'am ỹami' Ñim Nataxala' maye 'Anatamnaxala'.

Levítico 14:8

Nache que'eca shiỹaxaua maye nqui'itaxattac, camaye iuen da iỹoi' caua alogo, qataq nachel, qataq npetec 'enauac na laue. Qaq 'era da 'eetec camaye da yaqto' qui'itta. Qaq da ime, nache ishet da inoxoneua'a ca nanataqa' maye qanayeetaña, qalaxaye saishet da netaña ca maiche lpe'l caua siete na'axa'te.

Números 12:16

Qaq co'ollaq ime de'era, nache se'eso nhuo' le'ecpi jec, chegoqchiguiña ye Haserot, nache naña ye toolec 'alhua ye Parán.