Números 12:13 - La'aqtaqa Ñim Lo'onatac 'Enauacna 2013

¹³ Nache so Moisés nachoxonnot Ñim Nataxala', 'eeta': «'Am Ỹataxala', 'Am ñachoxonnot da 'anataren aramaye nagui.»

Números 12:13 Referans Kwoze

Santiago 5:15

Qaq camayepi da ỹataqta huo'o da lpi'iỹaxac da nqouagaxauen, nache Ñim Lo'onatac 'Enauacna ỹasateguet camayepi, nache nataren cam sa no'on. Qaq da huo'otaq huo'o ca lasouaxashet cam sa no'on, nache nataqa'en ỹapalaxat Ñimaye.

Romanos 12:21

Saishet da 'aua'aqta'a da 'am loxonec ca qauem. Nachaqrata da 'oxonec ca qauem, qalaxaye 'arolec ca ỹaỹamaqchiguiñi.

Lucas 6:28

Ca qami' isheueeta'ape da qauasacheeguet qalaq qauaỹamaxachiichiguiñi ca qara'aqtaqui. Qaq ca sa qami' ỹaconegueta qalaq qanqouagaxauñiitalec camaye.

Lucas 23:34

[Nache So Jesús 'eeta': –'Am Ita'a, 'auchoxoren namayepi, cha'aye sa ỹaỹaten dam ỹo'ottac.] Ime, nache som huataxanaqpi nallettapiguilo soua alogo So Jesús da chaq negue't ca taleguete soomaye.

Jeremías 17:14

Aỹem 'anataren, 'Am Nataxala', nache aỹem no'oita qome, aỹem 'anca'alaxatec, nache aỹem ñeca'alec qome, cha'aye nache 'amta da 'am sho'oxoreetac.

Isaías 30:26

Nache Ñim Nataxala' nataren qome na lque'emaxapi qataq lcolaxapi nam lalamaxat nhuo' le'ecpi. Qaq huaña nache na le'eraxa ñi ca'agoxoic 'eeta'am na le'eraxa añi nala', qaq na le'eraxa añi nala', qalaq siete da nquiguec da 'eroigui, 'eeta'am na le'eraxa da huaxaỹa't caua siete na'axa'te.

1 Samuel 15:11

«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,

Números 16:41

Qaq so lỹa na'a'q nache 'enauac se'eso Israel le'ecpi, qaltaq quetapeguelec so Moisés qataq so Aarón, nache 'eeta': Qami', qauo'ochec da l-leuaxa se'eso nhuo' le'ecpi maye lalamaxat Ñim Nataxala'.

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

Génesis 20:17

Qaq huaña, nache so Abraham nqouagaxaunot Ñim Lo'onatac 'Enauacna, nache Ñimaye qaltaq no'oita naqa'en so Abimelec, qataq aso lhua. Qataq nataqa'en nataren 'enauac aso l-latapi da yaqto' ishet da huo'o ca llalec.

Éxodo 4:7

Nache Ñim Lo'onatac 'Enauacna qaltaq 'enapega, 'eeta': «'avi'eguelaxalec da 'aushetoigui ana 'artogue na 'arhuaq.» Nache so Moisés qaltaq ỹe'eguelaxalec da ishetoigui ana ltogue na lhuaq. Qaq co'ollaq nqatec na lhuaq, nache qaltaq ipactegue da no'oitom, 'eeta'am da maiche lo'oxoỹaxac na lo'oc.

Números 11:2

Nache so nhuo' le'ecpi ỹa'alaqtagui co'ollaxa, nache iỹaxanot so Moisés da yaqto' itauan, nache so Moisés natamnot Ñim Nataxala', nache se'eso norec no'omñi.

Números 12:12

Saishet qome da 'aua'aqta'a aramaye, da 'eeta'am ca nogotolec maye nleuauec da chegaqaigui na lauel aca late'e da ñiguiñi, da nlatañi na lo'oc.»

Salmos 30:2

'Am Nataxala' maye 'Am Ñatamnaxala', 'am seỹaxanot co'ollaxa da aỹem 'autauan, nache 'am, aỹem 'anataren.

Salmos 41:4

Qaq aỹem shenapec: «'Am Nataxala', ñaq aỹem 'auchoxoren qome, aỹem 'anataren na'aictaxa da huo'o da ỹasouaxashet 'am hueto'ot.»

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

1 Reyes 13:6

Nache so nta'a 'enapega co'ollaxa so la'aqtaxanaxanec Ñim Lo'onatac 'Enauacna, 'eeta': Ñaq aỹem 'anqouaguec taxa da 'auỹaxanot Ñim Nataxala' maye 'Anatamnaxala', da yaqto' no'oita na ihuaq. Nache so la'aqtaxanaxanec Ñim Lo'onatac 'Enauacna natamnot Ñimaye, nache so lhuaq so nta'a qaltaq no'oita.