Números 11:4 - La'aqtaqa Ñim Lo'onatac 'Enauacna 2013

⁴ Qaq souaxat so chegaqauecpi maye ỹaleeguet so Israel le'ecpi, maye ndotec da lquia'axac tatapigui lauel. Nache so Israel le'ecpi ỹe'enaxat co'ollaxa somayepi, nache qaltaq ỹe'eguelaxalec da nỹeetagui, nache detaqtac, 'eeta': «¡Negue'tom ca qomi' ỹanema nagui ca lapat!

Números 11:4 Referans Kwoze

1 Corintios 10:6

Qaq 'enauac de'era huaigui somayepi nachera da qanapaxaguenataguec, da yaqto' saishet da seqopitaqa'a ca sa ỹaỹamaxañi, 'eeta'am da 'eetec somayepi.

Éxodo 12:38

Nache somayepi ỹataqta qalota so lỹatec ỹotta'a't shiỹaxauapi. Nataqa'en ỹataqta qalota aso qaguetapi qataq aso huacapi.

Salmos 106:14

Qataq ỹo'ot 'enauac na maiche 'eetapeguecpi co'ollaq huaña ye toolec 'alhua, qataq huaña da ỹe'eguen Ñim Lo'onatac 'Enauacna.

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Nehemías 13:3

Qaq co'ollaq ime da qana'axaỹaxaatega se'eso nqataxacpi, nache qaỹamaqhuec da ca'ai qanqa'en ye Israel 'enauac so ỹaleeguet co'ollaxa so ỹaqa'a ca chegaqa'ague.

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

Jeremías 42:14

da qoñiita': ‹Qomi' qarhuennataxac da ñeqo'onaxa da sonaqaña ye Egipto, yem huaña da saishet da selaqa'a ca alaataxac, qataq saishet da sa'axasoqtega ca l-lamaxa aca nasheere, qataq saishet da qomi' ỹalauat ca qarqouaxa,›

Éxodo 16:12

«Aỹem sa'aqtega da qauem ltaxaỹaxac na Israel le'ecpi. Qaq qonapega namayepi, qoneta': Qom mashe napalchiguiñi, nache qami' qollequi qome ca lapat, qaq qonte' nte'eta, qalaq qollequi ca nallec, nache ivitta'a da ỹataqta qami' comaraxaiqa. Yaqto' qami' qauaỹaañita da Aỹem Nachaỹem Nataxala' maye Qanatamnaxala'ai.»

Números 11:18

Qalaxaye qonapega qome ne'ena nhuo' le'ecpi da nqui'itaxatta qonte', yaqto' chec ca lapat. Cha'aye Ñim Nataxala' hua'aqtega da qannoinaxaqui qataq da qara'aqtaqui, maye 'eeta': ‹¡Negue'tom ca qomi' ỹanema ca lapat da yaqto' sacheguenaq da 'eeta'am co'ollaq sonaqtaña ye Egipto!› Qaq Ñim Nataxala' qami' ỹanema nagui ca lapat da yaqto' qollequiitac,

Números 14:1

Nache 'enauac so Israel le'ecpi, ỹa'alaqtagui nache imauec se'eso pe da nỹeetac.

Deuteronómio 9:22

Qaq nache 'eeta'am co'ollaq huaña ye Tabera, Masah qataq ye Quibrot Hatavá da dalemata qanqa'eñi Ñim Nataxala'.