Números 11:31 - La'aqtaqa Ñim Lo'onatac 'Enauacna 2013

³¹ Ñim Nataxala' anac naqa'en so la'at lta'araic, chegaqangui aso auaxai, nache nactaigui naqa'en so ỹataqta qalota dachemipi. Nache talec naqa'en so saqaỹapeque so nanataqa', qaq ye lcachiguiñi so huaña so dachemipi ivi', 'oonolec na'a'q da qanayectalec, nache so dachemipi lapootasheguem, ivi' ye un metro ye loquitcheguema.

Números 11:31 Referans Kwoze

Éxodo 16:13

Qaq nacheso se'eso avit nache anac so dachemi ỹataqta nlaqtelec se'eso mataqa'. Qaq so nte'etom so lỹa na'a'q qaltaq anac so 'eco' sheue ỹataqta sa nsatchiguiñi, coleesop so qanayeuta'a mataqa'.

Salmos 105:40

Qaq co'ollaq iỹaxanaique aloq somayepi, nache Ñimaye namaq so qalota dachemipi, qataq ỹo'ot da icomatec naqa'en so nallec piguem le'ec.

Salmos 135:7

Qataq naỹoxoosheguem naqa'en na lo'oc, chegoqchiguiñalo naqa'en naua loga'te ana 'alhua, qataq ỹo'ot na nqashelgaxa maye ỹa'axata'aguet ca auot, qataq chegoqchiguiñalo naua laponaqa'ate da naỹoxoosheguem naqa'en na la'at.

Éxodo 15:10

Qalaxaye co'ollaq 'auquetetec na 'ara'at, nache aso auaxai qaltaq ỹe'eguelaxa't so 'etaxat. Nache iyiiñi somayepi 'eeta'am ca lcat quiguiñi huangui so qaica ca 'ena'am da la'auataxa.

Éxodo 10:19

Nache Ñim Nataxala' ỹashaxanec so la'at, chegaqa'ague naqa'en da avit so la'at lta'araic. Nache ỹache naqa'en aso shiiquioxoipi, ỹasaxangui aso auaxai togaxarai. Nache saishet da no'onañi naqa'en aca 'oonole shiiquioxoi 'enauac ye Egipto.

Éxodo 10:13

Nache so Moisés, ỹachaxaasheguem aso lashelte, naloqteetelec naqa'en ye Egipto. Nache Ñim Nataxala' anacot so la'at, chegaqa'ague da nala' lliguisheguem, nache anactac se'eso na'a'q qataq imauec so 'oonolec pe. Qaq so lỹa na'a'q, nache se'eso la'at maye chegaqa'ague da nala' lliguisheguem, anacot aso shiiquioxoipi.

Números 11:30

Ime, nache so Moisés qataq so nqueroxonecpi Israel le'ecpi, ỹe'eguelaxauga so qanayeuta'a nanataqa'.

Salmos 106:15

Qaq Ñimaye ỹanem somayepi na iỹaxanaique co'ollaxa, qalaxaye namaxa so napiina maye dalaataxanapec.