Números 11:29 - La'aqtaqa Ñim Lo'onatac 'Enauacna 2013

²⁹ Nache so Moisés 'eeta': ¿Peta'a aỹem 'auca'alaxaatapeguelec? ¡Qamaq da iyaxa ctaxa da 'enauac ne'ena nhuo' le'ecpi, talec so laỹe so Saqcha'a La'añaxac Ñim Nataxala', nache 'enauac da na'aqtaxanaxanecpi!

Números 11:29 Referans Kwoze

1 Corintios 14:5

Aỹem ỹataqta ỹaỹamaqchiguiñi ñaqa'en da 'enauac da qoñiita da qautaqaiguilo naua sa qaỹauanapegalo na'aqtaqa, qalaxaye ỹactec ñaqa'en da ỹaỹamaqchiguiñi da qami' qaua'axache' naua na'aqtaqa maye chegoqo'oto Ñim Lo'onatac 'Enauacna. Cha'aye ỹactec da naigui da qaỹa'axa't naua la'aqtaqa Ñimaye, qaq sa 'ena'am da qaitaxaiguilo naua na'aqtaqa maye sa qaỹaỹate'n, nachaqrata da huo'o ca ỹa'axa't ca naiguilo ne'enaua na'aqtaqa. Huaña nache na 'amqaanataxanaxaicpi ishet da nañaxat.

Santiago 5:9

Saishet qome da huo'o ca quetapeguelec ca lỹa, yaqto' Ñim Lo'onatac 'Enauacna saishet da ỹauo'o ca qanhuaxanaguiiqui, cha'aye Ñimaye nacheñi Ñim qomi' nmi't qataq saqaỹaloq da nvi'.

Santiago 4:5

¿Peta'a sa qaua'amaqchiñiỹo' da nanettalec ana nere maye huetalec na la'aqtacpi Ñim Lo'onatac 'Enauacna da 'eeta': «Ñimaye ỹataqta qomi' lauotaqa'ate»?

Lucas 10:2

Nache 'enapego', 'eeta': –Qalota nam iuen da huenoxoneua'a da lo'onataxanaxac Ñim Lo'onatac 'Enauacna, qalaxaye saq 'amaqtaq nam ỹa'axatec da no'on na'axaỹaxac. Qaq ỹoqo'oye, no'on da qauỹaxañiỹot Ñim Lo'onatac 'Enauacna da ỹamaq nam laỹepi maye Aỹem ca'attague' da yaqto' ỹa'axatem da no'on na'axaỹaxac ne'ena shiỹaxauapi.

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

1 Pedro 2:1

Qaq ỹoqo'oye iuen da qaỹa'axañiiñi da qauo'ocheetac na qauem. Saisheto' da qauatenataxañiitac, qataq saishet da dos naua qoquiitegueto, qataq saishet da qami' quiỹaxanaqtaqaiqa, qataq saishet da qami' na'aqtaqa lo'o'.

1 Corintios 13:4

Ca huo'o da lsoxoyec, nache ỹataqta huo'o da lhualaxavic qataq, nache 'eetai' da lauotaxanaqtaic. Ca huo'o da lsoxoyec, nache saishet da quiỹaxanaqtaqaic qataq saishet da 'eetega da qaica ca 'ena'am. Qataq saishet da ño'oxonnaxaic.

1 Corintios 3:21

Qaq ỹoqo'oye qaica ca ỹapagaqaanauec da llo'oxonnataxanaxac cam qaica ca la'amaqchec lo'onatac ca choche shiỹaxaua, cha'aye 'enauac nam huo'o, maiche qaralamaxache,

Hechos 26:29

Nache so Pablo 'enapeco': –Na'aictoxo' da hua'c da 'aua'amqaanataxan, huo'otaq saxanaxa, qalaxaye ñeshetaique da Ñim Lo'onatac 'Enauacna saq 'amta naqa'en, nataqa'en 'enauac nam aỹem na'axaỹaxaatega nagui, ishet da ivira'a da 'eeta'am aỹem, qalaxaye saishet qome da aỹem qoñiita'am da aỹem qaicoñettai'.

1 Corintios 3:3

cha'aye ñaq 'eetalec da qoquiitaigui da qarapachiỹaxaqui. Ỹoqo'oye ña qannoita'a't, qataq qancotaitega't. Qaq 'era da qoñiitec da qaỹaỹaten da saishet da qoquiitaigui da lataxac So Saqcha'a La'añaxac Ñim Lo'onatac 'Enauacna, qataq qoñiita'am da lataxac ca shiỹaxaua maye ca'attague' ca 'eetapeguec da lapacheỹaxac.

Números 11:30

Ime, nache so Moisés qataq so nqueroxonecpi Israel le'ecpi, ỹe'eguelaxauga so qanayeuta'a nanataqa'.

1 Samuel 10:6

Qaq huaña qome nache so Saqcha'a La'añaxac Ñim Nataxala' 'am nvita, nache nataqa'en 'aua'aqtaxaatac qoneta'am camayepi, nache 'am naralaxat qataq dalaxaic naqa'en qome da 'arataxac.

Joel 2:27

Huaña qome, nache qauaỹachiñiita da qami' salectaiguilo qami' Israel le'ecpi, qataq da nachaỹemta Aỹem Nataxala' maye Qanatamnaxala'ai, nache qaica ca lỹa. Huaña qome nache saishet da qaltaq huo'o ca na'aloxootaique ne'ena ỹalamaxat nhuo' le'ecpi.

Joel 3:1

Qaq que'ecaua na'axa'te qom ivita ca laloqo' da ñe'eguelaxat nam noxonecpi Judá le'ecpi qataq nam Jerusalén le'ecpi,