Números 11:25 - La'aqtaqa Ñim Lo'onatac 'Enauacna 2013

²⁵ Nache Ñim Nataxala' huenotec huetaigui so lo'oc, nache detaxaỹapegue' so Moisés, ime nache ỹacona so laỹe so saqcha'a la'añaxac maye ỹanem co'ollaxa so Moisés, nache ỹanem so setenta nqueroxonecpi. Qaq co'ollaq taigui somayepi se'eso saqcha'a na'añaxac, nache detaqa somayepi 'eeta'am ca na'aqtaxanaxanec. Qalaxaye co'ollaq ime, nache saishet da qaltaq ỹe'eguelaxa da detaqtac da 'eeta'am ca na'aqtaxanaxanec.

Números 11:25 Referans Kwoze

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

1 Samuel 10:10

Nache so Saúl qataq so lamaxashec co'ollaq ivitra ye Gabaa, nache so na'aqtaxanaxanecpi dasottac, nache ca'atta'agueta soomaye. Huaña nache so Saqcha'a La'añaxac Ñim Lo'onatac 'Enauacna nvita so Saúl, nache somaye ỹalectaigui somayepi da da'aqtaxaatac, nache 'eeta'am somayepi.

Números 12:5

Nache Ñim Nataxala' anac co'ollaxa, nactaigui so sa nsatchiguiñi lo'oc, nache hua'a so ñegueuo so npe'l, ime, nache iỹaxana co'ollaxa so Aarón qataq aso María, nache soomaye taua'alo co'ollaxa so lanataqa' Ñim Nataxala',

2 Pedro 1:21

cha'aye 'enauac som hua'au la'aqtaxanaxanecpi Ñim Lo'onatac 'Enauacna saishet da huo'o ca 'oonolec da maiche nallegoxottela't ca la'aqtaxanaxac. Nachaqrata da 'enauac somayepi ỹa'axattac dam chegoqo'ot Ñim Lo'onatac 'Enauacna, qataq So Saqcha'a Na'añaxac Qui'itta ỹauecta'aguet da lhuennataxac.

2 Reyes 2:15

Nache som na'aqtaxanaxanecpi maye lma' ye Jericó, maye hueta'atague da le'ego, co'ollaq ỹauaachigui de'era, nache 'enapeco': «Da saqcha'a la'añaxac so Elías, talec nagui na Eliseo.» Huaña, nache somayepi ca'atta'aguet somaye, nache ỹa'aroto naua l-llecte,

Santiago 1:17

Ñim Lo'onatac 'Enauacna nacheñi ñi qomi' ỹanema 'enauac na 'onaxaic qataq nalochiguiñi. Cha'aye Ñimaye nacheñi ñi maiche lo'onata 'enauac ana huaqaañipi maye neto'ot na piguem, qataq Ñimaye saishet da nqochen da lataxac.

1 Corintios 14:32

Qaq nam ỹa'axatta'ape naua na'aqtaqa maye chegoqo'oto Ñim Lo'onatac 'Enauacna, namayepi no'on da iloteguelo naua ltaxaỹaxaco,

Hechos 11:28

Qaq huo'o so 'oonolec soomaye, le'enaxat Agabo. Somaye nachaañi co'ollaq huetaigui so nqaỹañecpi, nache So Saqcha'a Na'añaxac Qui'itta ỹa'aqtaxanaxanec somaye da huo'o qome ca lta'araic nqouaxa ana 'alhua. Qaq de'era la'aqtaxanaxac ipacchigui, huetoiguilo soua vi'iye co'ollaq lta'a na nta'alpi ye Roma so le'enaxat Claudio.

Salmos 99:7

Ñimaye huetaigui co'ollaxa so lo'oc da detaqtague' somayepi, nache somayepi ipacchigui co'ollaxa nam lamaxasoxonaxacpi Ñimaye, qataq na lqataxacpi maye ỹanem somayepi.

Éxodo 40:38

Qaq choche iviraxattrauec soua vi'iye co'ollaq queta so Israel le'ecpi, da se'eso lo'oc maye huetaigui Ñim Nataxala', somaye nache 'eetai' da ipelteetalec se'eso npe'l ye na'a'q, qaq ye pe qalaq 'ettaigui somaye. Qaq 'enauac somayepi da ilota'a.

Éxodo 34:5

Nache Ñim Nataxala' huenotec, nactaigui so lo'oc, nache hueta'a som netaña so Moisés, qataq Ñimaye nasaxauec da le'enaxat.

Números 27:18

Nache Ñim Nataxala' 'enapega so Moisés, 'eeta': So Josué maye llalec so Nun, somaye netaigui da na'añaxac. Qaq 'aỹaxana qome somaye, nache 'auashel-lec na lqaic.

Jueces 3:10

Nache so Saqcha'a La'añaxac Ñim Nataxala', anac da ỹo'ot da la'añaxac so Otoniel, da yaqto' lataxala' so Israel le'ecpi. Ỹoqo'oye co'ollaq jec da deloqui, nache Ñim Nataxala' ỹanem da loxonec so Cusán Risatayin.

Isaías 63:11

Qaq huaña nache namayepi tachigui lauel soua qaỹoqteguelo vi'iye, qataq so Moisés maye nca'alaxatec co'ollaxa so lauo' le'ecpi, nache ñi 'oonolec inattac ñi lỹa, 'eeta': «¿Ca hueta'ague cam Lo'onatac 'Enauacna maye nca'alaxateeguesop co'ollaxa aso tala Nilo so Moisés som ilotague' co'ollaxa ana lalopi qagueta? ¿Ca hueta'ague cam ỹanaigui co'ollaxa so Moisés som saq cha'a La'añaxac maye qui'itta,

Ezequiel 8:11

Qaq so Setenta nqueroxonecpi, maye lataxala' na Israel le'ecpi datato'ot se'eso ne'enaqtacpi, qaq somayepi nache ỹalectaigui so Jazanías som llalec so Safán da ỹo'oreettac se'eso nqolacpi. Qaq ñi 'oonolec somayepi nasoqta'a so laỹe' na nchenaxanaxat, qaq nache chegoqtapiguingui da naỹoxoosheguem so sansattec lmala'q na nchenaxanaxat.

Éxodo 32:32

Ỹoqo'oye nagui 'am ñachoxonnot da choche 'auchoxoren da 'auapalaxat de'era lasouaxashet yemayepi. ¡Qaq qom saishet da 'auchoxoren yemayepi, nache no'ono' da 'auapalaxat qome da ỹe'enaxat maye 'ettalec aca 'ere!»

Números 16:25

Nache so Moisés qataq so nqueroxonecpi maye lataxala'pi so Israel le'ecpi, nqo'ona co'ollaxa so hueta'a so Datán qataq so Abirán.

Números 24:2

Qaq so Balaam co'ollaq ila'a so Israel le'ecpi da ỹataqtac so netañapi so lpe'lpi so maiche nalamaxat nhuo' le'ecpi, nache so Saqcha'a La'añaxac Ñim Lo'onatac 'Enauacna taigui somaye.

Nehemías 9:20

Nataqa'en 'aỹa'anem so Saqcha'a 'Ara'añaxac maye ỹo'ot da laỹaanataxanaxac. Qataq saishet da 'avia'axaneguet da 'auquiỹa'axaateguec so nallec maye chegaqasheguem le'enaxat maná, qataq so 'etaxat da yaqto' ỹa'axaneguet da laquipegaxanaxac.