Números 11:23 - La'aqtaqa Ñim Lo'onatac 'Enauacna 2013

²³ Qalaxaye Ñim Nataxala' 'enapeco': ¿Peta'a 'aupi'itaxaatega da saq 'amaqtaq da ỹa'añaxac? Qaq nagui nache 'auauaachigui qome da 'eesa, huo'otaq saishet da 'en de'era shenapec.

Números 11:23 Referans Kwoze

Isaías 59:1

Da la'añaxac Ñim Nataxala' saishet da vi'iiguet da 'eco' saishet da deca'alaqtaxan, qataq Ñimaye saishet da sa hua'aqa da 'eco' saishet da huo'o ca hua'axaỹa.

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Ezequiel 12:25

cha'aye Aỹem Nataxala' setaqa, qaq cam sa'axat qalaq saqaỹaloq da ipacchigui. Qaq qami' maye qami' qauemaicpi qalaq qauauañiichigui qome camaye, Aỹem Nataxala' setaqa qataq so'ot da ipacchigui cam sa'axat. Qaq 'era da ỹa'aqtac Aỹem Nataxala'»

Números 23:19

Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Lucas 1:37

De'era ỹachaxan da Ñim Lo'onatac 'Enauacna ỹataqta qaica ca ỹaqalanapec.

Mateo 19:26

Nache So Jesús ỹamataiguilo soomaye, nache 'enapeco': –Na shiỹaxauapi ỹataqta lta'araic naqa'en da lqalaic de'era. Qalaxaye Ñim Lo'onatac 'Enauacna saishet da huo'o ca ỹaqalanapec.

Ezequiel 24:14

Qaq Aỹem Nataxala', ñasaxauec de'era qaq damaye ipacchigui qome. Maiche Aỹem da so'ot qome damaye, nache saishet da saipaigui ñaqa'en, saishet qome da 'am sechoxoreetac, qataq saishet qome da ñetogottac. Sauo'o qome ca 'anhuaxanaguec souaxat da qauem 'arataxac, qataq nam 'auo'otpi. Qaq 'era da ỹa'aqtac Aỹem Nataxala'.»

Mateo 24:35

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Miqueas 2:7

Qaq nam chegoxoguetpi so Jacob, 'eeta': ¿Peta'a mashe imeuo da nhualaxaunaxac Ñim Nataxala'? ¿Qaq peta'a nachera de'era da lataxac da lo'onataxanaxac Ñimaye? ¿Peta'a saisheto' da ỹo'otec cam ỹaỹamaqchiguiñi naua la'aqtaqa Ñimaye cam no'on da lataxac?

Salmos 78:41

Qataq nache queto'ot da ỹe'eguelaqtalec da ỹe'egueetac Ñimaye, nache ỹaquicoqchettac Ñim qui'itta Natamnaxala' na Israel le'ecpi.

2 Reyes 7:2

Nache so ltaua so nta'a, ỹasategueto' so la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Nache so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

Números 11:22

¿Hua'ague ca chegaqa'ague aca qalota qaguetapi, huacapi da yaqto' qaỹalauat da yaqto' nalotec da qoỹanec ca lapat? Huo'otaq da qalaỹona't da qoỹanem 'enauac na nỹaqpi maye huetangui ana auaxai, qalaq saishet da nalouec.

Jeremías 14:9

¿Ta'ainco' da 'aue'enaxat ca ỹale da maye saishet da ỹaỹaten ca 'eetec, qataq qoneta'am ca alaataxaic maye saishet da detaunaxan? Qalaxaye, 'Am Nataxala', qouetangui na laiñi da shenaqta, 'enauac da qaỹaỹaten da qomi' 'aralamqa'ate, ¡Qaq saishet qome da qomi' 'auala't!

Daniel 6:20

Qaq so nta'a co'ollaq mashe saqaỹapeque aso nshere, nache iỹaxanaique so Daniel, qalaxaye da lỹaxanaxac ỹataqta daquico, nache 'eeta': 'Am Daniel, maye 'am lamaxashec Ñim Lo'onatac 'Enauacna maye nca'altauec, Ñim ỹataqta 'aualaxaguet naxa ¿ishet peta'a da 'am nca'alaxateeguesop na llonpi Ñim 'Anatamnaxala'?

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

2 Reyes 4:43

Qaq so lamaxashec somaye 'enapeco': ¿Ca 'eeteco' da sanoigui anamaye ne'ena cien shiỹaxauapi? Nache so Eliseo, 'enapeco': Qomye 'aỹa'anoigui ne'ena shiỹaxauapi da yaqto' chec anamaye, cha'aye Ñim Nataxala' 'eetega da qanallec anamaye, nache huo'o qome ca ñi'iỹoxot.

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Jeremías 32:27

«Nachaỹem maye Aỹem Nataxala', maye Natamnaxala' 'enauac nam huo'o da lca'alaxa, Aỹem qaica ca seqalanapec.