Números 11:21 - La'aqtaqa Ñim Lo'onatac 'Enauacna 2013

²¹ Nache so Moisés 'eeta': Aỹem salectaigui ne'ena seiscientos mil shiỹaxauapi, ¿qaq 'am qonapec da 'oonolec ca'agoxoic da 'aỹa'aata'am da chectac ca lapat namayepi?

Números 11:21 Referans Kwoze

Éxodo 12:37

Nache so Israel le'ecpi ca'ai ye Ramesés, tateuga ye Sucot. Somayepi huac da ivi' saiscientos mil ỹalleppi, ndotec so mashe ishet da taigui na huataxanaq, qaq saishet da qanaloqneuo so 'alpi qataq so ñaqpiolec.

Números 1:46

somayepi da ima'a't, nache ivi' saiscientos tres mil quinientos cincuenta ye lcata.

Éxodo 38:26

Qaq da ima'a't 'enauac so ñiyiguishecpi, maye napacalec ye veinte vi'iye da llaxa, nache ivi' seiscientos tres mil quinientos cincuenta shiỹaxauapi, nache ñi 'oonolec somayepi ivi' ye seis gramos na ỹaneuo na lcat plata, maye maiche lashiichiỹaxac da huaña so npe'l.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Números 2:32

Qaq 'eso so Israel le'ecpi, maye ñiyiguishecpi co'ollaxa, qataq ỹataqtac so maiche chegoxoguet lta'alpi. Maye netaña se'eso npe'lpi, ivi' seiscientos tres mil quinientos cincuenta ỹalleppi.

Números 11:13

Qaq ¿hua'ago' ca sachegoxota'ague ca lapat da yaqto' sanem namayepi? Cha'aye aỹem naua'a, nỹeetac, nache 'eeta': ‹Ña qomi' 'aỹa'anema ca lapat yaqto' sacheguenaq.›

Números 11:20

Cha'aye ivittec qome ca 'oonolec ca'agoxoic, choche ivitta'a da ỹataqta qauaỹemequi qome, souaxat da qaica ca naigui qanqa'eñi Ñim Nataxala' maye qami' ỹalectaiguilo, qataq qami' ỹauaachiguilo da qanỹeñeetac qoñiita': ‹¿Che'eeto' co'ollaxa da qolqa'ai ye Egipto?›»

Números 11:22

¿Hua'ague ca chegaqa'ague aca qalota qaguetapi, huacapi da yaqto' qaỹalauat da yaqto' nalotec da qoỹanec ca lapat? Huo'otaq da qalaỹona't da qoỹanem 'enauac na nỹaqpi maye huetangui ana auaxai, qalaq saishet da nalouec.

Números 26:51

Qaq da ima'a't so nereguishecpi Israel le'ecpi, nache ivi' seiscientos un mil setecientos treinta ỹalleppi.