Números 11:20 - La'aqtaqa Ñim Lo'onatac 'Enauacna 2013

²⁰ Cha'aye ivittec qome ca 'oonolec ca'agoxoic, choche ivitta'a da ỹataqta qauaỹemequi qome, souaxat da qaica ca naigui qanqa'eñi Ñim Nataxala' maye qami' ỹalectaiguilo, qataq qami' ỹauaachiguilo da qanỹeñeetac qoñiita': ‹¿Che'eeto' co'ollaxa da qolqa'ai ye Egipto?›»

Números 11:20 Referans Kwoze

Salmos 106:15

Qaq Ñimaye ỹanem somayepi na iỹaxanaique co'ollaxa, qalaxaye namaxa so napiina maye dalaataxanapec.

Números 21:5

nache ỹoltaq quetot da quetapeguelec Ñim Atamnaxala' qataq so Moisés, nache 'eeta': ¿Ta'ainco' ye qomi' qanqacheueguesopa co'ollaxa ye Egipto da yaqto' seleuaqaña qanqa'eñi ne'ena toolec 'alhua? Teno' nagui, mashe qaica ca qonoq qataq ca qaraquip. ¡Qataq mashe saỹemaxac ne'ena nallec maye qaica ca lyac!

1 Samuel 10:19

Qalaxaye nagui qami' qauo'otañi Ñim Qanatamnaxala'ai, maye qami' isoueeguesopa co'ollaxa 'enauac so lqalaiguesat, qataq so qanque'eenaxaqui, qaq nagui qami' qauo'otañi Ñimaye, cha'aye souaxat da qauỹaxañiỹaique ca qarta'ai da yaqto' qami' ilo'oguelo. Qaq ỹoqo'oye nagui qauanaqui, nache qanachaachiuo, qataq ñi 'oonolec ỹataqtac ca maiche lauo' le'ecpi qataq ca maiche llalaqpi.›»

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

Hechos 13:41

Qami' ỹataqta qavi'iñiitac Ñim Lo'onatac 'Enauacna, qalaxaye nagui qavi'ilqai, nache qauataiuec. Cha'aye ỹaguec da lchec qome ca nhuaxanaguec maye sanem nam sa ỹalaq, nache sa qaua'amaqchiñi da huo'o ca qami' da'aqtaxaatapeguema.

Malaquías 1:6

Ñim Nataxala' maye Qaica ca Ỹaqalanapec, 'enapega na ntaxaỹaxanaxanecpi, 'eeta': Nam ñalaqpi huo'o naq 'enec naqa'en na lta'alpi, qaq nam namaxashecpi qalaq ỹalaxaguet na na'aco'pi. Qaq aỹem da aỹem Qarta'ai, qalaq ¿ta'ainco' da qaica qanqa'aiñi ca shenec? Qataq da aỹem qana'aco'oi qalaq ¿ta'ainco' da saishet da Aỹem qaualaqaiguet? Qami' Aỹem qauo'otañi, qataq ivira'a da qoñiỹapec: ‹¿Negue'to' cam huo'omshe 'am so'otanaq?›

Proverbios 27:7

Ca comaraxaic qalaq ivira'a na te'esaq lta'a lli'i da ỹo'otan, qaq ca iqouat qalaq ivira'a na chem 'eeta'am da ama naqa'en.

2 Samuel 12:10

Qaq cha'aye 'am, saishet da Aỹem 'aualaxaguet, souaxat da 'auotaxanec añi lhua so Urías som hitiita, da 'auo'ot 'arhua, nache dam qauem saishet qome da ca'ai na 'arma'.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Josué 24:27

nache 'enapego' 'enauac so nhuo' le'ecpi, 'eeta': «Ne'ena coma', namaye qami' nomtaua'alo ne'ena na'a'q, cha'aye ne'ena hueta'a nache huaña da qaỹa'aqchigui 'enauac na la'aqtacpi Ñim Nataxala' maye qomi' ỹanema. Qaq nachena qome na qami' ỹa'axa't da saq'en da qoquiitague' Ñim Lo'onatac 'Enauacna.»

Éxodo 16:13

Qaq nacheso se'eso avit nache anac so dachemi ỹataqta nlaqtelec se'eso mataqa'. Qaq so nte'etom so lỹa na'a'q qaltaq anac so 'eco' sheue ỹataqta sa nsatchiguiñi, coleesop so qanayeuta'a mataqa'.

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Números 11:19

qalaxaye saishet da 'oonolec, dos, cinco, diez huo'otaq veinte na'axa'te da qollequiitac camaye.

Números 11:21

Nache so Moisés 'eeta': Aỹem salectaigui ne'ena seiscientos mil shiỹaxauapi, ¿qaq 'am qonapec da 'oonolec ca'agoxoic da 'aỹa'aata'am da chectac ca lapat namayepi?

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Números 11:13

Qaq ¿hua'ago' ca sachegoxota'ague ca lapat da yaqto' sanem namayepi? Cha'aye aỹem naua'a, nỹeetac, nache 'eeta': ‹Ña qomi' 'aỹa'anema ca lapat yaqto' sacheguenaq.›

Números 14:3

¿Ta'ainco' Ñim Nataxala' da qomi' nauegalo ne'ena 'alhua da yaqto' qomi' qaira'alo ca ỹeelonec da qomi' qaỹalaua't, qataq da na qampa'aguenaxauapi ỹacona ana qaramoxouapi, qataq na qoyalaqpi? ¡Ỹoqo'oye 'onaxaictoxo' da she'eguelaxasoxogue da Egipto!»

Números 14:4

nache 'enauac somayepi detaqtega't, 'eeta': «¡Sanaxasheguem ca 'oonolec da shenaqta da yaqto' qarataxala', nache she'eguelaxasoxogue da Egipto!»

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

Números 20:4

¿Ta'ainco' ye qanaviquiuga na toolec 'alhua ne'ena nhuo' le'ecpi maye lalamaxat Ñim Nataxala'? ¿Peta'a qansheetaique da seleuaqaña namaye qataq na qana'atetpi?