Números 11:18 - La'aqtaqa Ñim Lo'onatac 'Enauacna 2013

¹⁸ Qalaxaye qonapega qome ne'ena nhuo' le'ecpi da nqui'itaxatta qonte', yaqto' chec ca lapat. Cha'aye Ñim Nataxala' hua'aqtega da qannoinaxaqui qataq da qara'aqtaqui, maye 'eeta': ‹¡Negue'tom ca qomi' ỹanema ca lapat da yaqto' sacheguenaq da 'eeta'am co'ollaq sonaqtaña ye Egipto!› Qaq Ñim Nataxala' qami' ỹanema nagui ca lapat da yaqto' qollequiitac,

Números 11:18 Referans Kwoze

Éxodo 19:10

Nache Ñim Nataxala' 'enapeco' da la'aqtac: «'Aue, ña naỹamaxat 'anqa'en ye shiỹaxauapi, da yaqto' aỹem ỹo'oxoren nagui qataq qonte'. Qataq qonapega da iỹoi' naua alogo,

Hechos 7:39

Qalaxaye som hua'au qarta'alpi co'ollaxa saishet da ỹalaxalec somaye, chaqrata da nshetaique da ỹe'eguelaxague da Egipto.

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Jueces 21:2

Qaq co'ollaq ime de'era nache se'eso nhuo' le'ecpi laỹona't huaña ye Betel, ỹauaachigui Ñim Lo'onatac 'Enauacna nache palom da nỹeetacpi, qataq nachoxoreetac nache, 'eeta':

Josué 7:13

Qaq ỹoqo'oye qoñisheguem nagui, nache qonapega na nhuo' le'ecpi da naỹamaxat, qataq ỹataqta nqui'itaxatta namayepi yaqto' Aỹem nachaateua'a qoyo'oxoñi. Cha'aye aỹem Nataxala' maye Natamnaxala' na Israel le'ecpi, 'era da ỹa'aqtac, 'eeta': ‹'Am Israel, 'auacona co'ollaxa nam iuen da ỹataqta 'enauac da qailaxachigui, qaq ỹoqo'oye qom saishet da 'aulaxachigui qataq da sa 'auasaxauec namayepi, nache sa 'aushet qome da 'auataỹa'aguet na 'ampa'aguenaxauapi.›

Éxodo 19:15

Nache so Moisés 'enapeco': «Qanaỹamaxacheetai' qome, yaqto' qami' lhuotte' qonte', qataq ca lỹa na'a'q, qataq saishet qome da huo'o ca hue'eguet aca 'alo».

Génesis 35:2

Qaq huaña nache so Jacob 'enapega so llalaqpi, qataq 'enauac so nnaictague'pi, 'eeta': «Qaualache qome 'enauac na ỹaqa'a atamnaxala'pi maye qami' hueto'oto. Qaq ime qome, nache qanachilli, qataq qanaralaxache' naua qo'ogolle',

Éxodo 19:22

Nataqa'en ye ntaxaỹaxanaxanecpi da aỹem naua'a, qalaq ỹataqta nỹota. ¡Ten qom selaxachigui yemayepi!»

Números 11:19

qalaxaye saishet da 'oonolec, dos, cinco, diez huo'otaq veinte na'axa'te da qollequiitac camaye.

Da na'aqtaguec so Job 20:13

nache da lamaic huetaigui naqa'en na alap, nache ỹataqta npottacom da napigoqtac.

Da na'aqtaguec so Job 20:23

Qaq da ivita da nshetaique da icoma', nache Ñim Lo'onatac 'Enauacna, imatalec camaye da lalemataic, nache icorelec da layeloxo, 'eeta'am naqa'en na auot.

Salmos 78:20

Qaq 'eesa co'ollaxa da Ñim Lo'onatac 'Enauacna ipoxoỹaxachigui aso coma' qataq chegaqaigui naqa'en so la'auaxac 'eeta'am na tala, nache ipaxaalec naqa'en ana 'alhua, qalaxaye, ¿isheto' peta'a da ỹan ca nallec? qataq ¿isheto' peta'a da ỹanem ca lapat ne'ena lalamaxat nhuo' le'ecpi?»

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»