Números 11:17 - La'aqtaqa Ñim Lo'onatac 'Enauacna 2013

¹⁷ Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

Números 11:17 Referans Kwoze

1 Samuel 10:6

Qaq huaña qome nache so Saqcha'a La'añaxac Ñim Nataxala' 'am nvita, nache nataqa'en 'aua'aqtaxaatac qoneta'am camayepi, nache 'am naralaxat qataq dalaxaic naqa'en qome da 'arataxac.

Números 11:25

Nache Ñim Nataxala' huenotec huetaigui so lo'oc, nache detaxaỹapegue' so Moisés, ime nache ỹacona so laỹe so saqcha'a la'añaxac maye ỹanem co'ollaxa so Moisés, nache ỹanem so setenta nqueroxonecpi. Qaq co'ollaq taigui somayepi se'eso saqcha'a na'añaxac, nache detaqa somayepi 'eeta'am ca na'aqtaxanaxanec. Qalaxaye co'ollaq ime, nache saishet da qaltaq ỹe'eguelaxa da detaqtac da 'eeta'am ca na'aqtaxanaxanec.

1 Corintios 2:12

Qalaxaye Ñim Lo'onatac 'Enauacna ye qomi' ỹanema So Saqcha'a La'añaxac, qaq nacheso so chegoqchigui da saỹaanaq da lqouagaxanaqtaic maye qomi' ỹo'oteque Ñimaye.

2 Reyes 2:9

Qaq co'ollaq mashe ivittrague da le'ego, nache so Elías 'enapego' so Eliseo, 'eeta': Ñaq aỹem 'aua'axatem nagui, chaq negue't ca 'anshetaique da 'am so'otec nagui da ñaq saxanaxa da aỹem qanqateeguesop da qoneta. Nache so Eliseo 'enapeco': Qomye sauotaique da ỹactec ca saconeguet de'era saqcha'a 'ara'añaxac.

Joel 2:28

Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

2 Reyes 2:15

Nache som na'aqtaxanaxanecpi maye lma' ye Jericó, maye hueta'atague da le'ego, co'ollaq ỹauaachigui de'era, nache 'enapeco': «Da saqcha'a la'añaxac so Elías, talec nagui na Eliseo.» Huaña, nache somayepi ca'atta'aguet somaye, nache ỹa'aroto naua l-llecte,

Romanos 8:9

Qalaxaye da So Saqcha'a La'añaxac Ñim Lo'onatac 'Enauacna da qami' hueta'agueta, nache qami' saishet da qoquiito'ot nam qauem qarqopitaxanaqtaiqui, nachaqrata da qaualaqaiguet So Saqcha'a La'añaxac Ñim Lo'onatac 'Enauacna. Ca saishet da hueto'ot So Saqcha'a La'añaxac So Cristo, nache camaye saishet da na'attaua'a Somaye.

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

Nehemías 9:20

Nataqa'en 'aỹa'anem so Saqcha'a 'Ara'añaxac maye ỹo'ot da laỹaanataxanaxac. Qataq saishet da 'avia'axaneguet da 'auquiỹa'axaateguec so nallec maye chegaqasheguem le'enaxat maná, qataq so 'etaxat da yaqto' ỹa'axaneguet da laquipegaxanaxac.

Éxodo 18:22

Nache camayepi nacheca qome ca nmit ca lasouaxashet ñi 'oonolec nam nhuo' le'ecpi 'enauaque naua na'axa'tesa'ache. Qaq cam ỹapactec lta'araic nasouaxashet, nache 'am qandoua'a. Qaq ca saq 'amaqtaq nasouaxashet, qalaq maiche huapegue' qome camayepi. Yaqto' saqallegueme da 'ansallaxa, cha'aye camayepi 'am itauan qome.

Judas 1:19

Qaq ne'ena shiỹaxauapi, nachena na ỹayen da deloguiỹa't qataq colaxagui naqa'en na shiỹaxauapi, cha'aye ỹalaxaguet nam maiche 'eetapeguecpi qataq saishet da netanguit som Saqcha'a La'añaxac Ñim Lo'onatac 'Enauacna.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Números 12:5

Nache Ñim Nataxala' anac co'ollaxa, nactaigui so sa nsatchiguiñi lo'oc, nache hua'a so ñegueuo so npe'l, ime, nache iỹaxana co'ollaxa so Aarón qataq aso María, nache soomaye taua'alo co'ollaxa so lanataqa' Ñim Nataxala',

Éxodo 19:20

Nache Ñim Nataxala' huenotec taalec so ỹataqta pa'asheguem añi qasoxonaxa Sinaí. Ime, nache 'enapega so Moisés da huenotsheguemec se'eso 'alhua. Nache so Moisés huenotsheguem.

Génesis 11:5

Qalaxaye Ñim Nataxala', huenotec co'ollaxa da yaqto' imeten so huaqta'a't nỹecpi, qataq aso naue maye no'oxootapiguisheguem so shiỹaxauapi,

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Números 27:18

Nache Ñim Nataxala' 'enapega so Moisés, 'eeta': So Josué maye llalec so Nun, somaye netaigui da na'añaxac. Qaq 'aỹaxana qome somaye, nache 'auashel-lec na lqaic.

Números 12:8

ỹoqo'oye da setaxaỹapegue', qalaq ỹataqta satata'aguet, nache qaica ca soxocheesop, nache damaye ishet da aỹem iloto'ot ¿Qalaq ta'ainco' da saishet da qayi'iỹai da qoquiiteguelec da ỹamaxashec Moisés?»

Éxodo 34:5

Nache Ñim Nataxala' huenotec, nactaigui so lo'oc, nache hueta'a som netaña so Moisés, qataq Ñimaye nasaxauec da le'enaxat.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Génesis 18:33

Qaq Ñim Nataxala', co'ollaq ime da detaqtague' so Abraham, nache jec ca'ai ye hueta'a. Qaq so Abraham qalaq ỹe'eguelaxaua'a so lpe'l.

Génesis 17:22

Qaq Ñim Lo'onatac 'Enauacna co'ollaq ime da detaqtague' so Abraham, nache ca'ai ye hueta'a somaye.

Génesis 17:3

Qaq huaña, nache so Abram ỹa'alyiñi naua l-llecte, nache iviraxata'aguet na latap na 'alhua, qaq Ñim Lo'onatac 'Enauacna, nache queto'ot da detaqtacot somaye, 'eeta':

Éxodo 18:18

Cha'aye damaye ỹataqta 'anasamiisop qome, qataq na shiỹaxauapi maye 'am datato'ot. Cha'aye de'era no'onataxanaxac ỹataqta qapa'atta, qaq saq taiguet da 'andote'.

Isaías 63:11

Qaq huaña nache namayepi tachigui lauel soua qaỹoqteguelo vi'iye, qataq so Moisés maye nca'alaxatec co'ollaxa so lauo' le'ecpi, nache ñi 'oonolec inattac ñi lỹa, 'eeta': «¿Ca hueta'ague cam Lo'onatac 'Enauacna maye nca'alaxateeguesop co'ollaxa aso tala Nilo so Moisés som ilotague' co'ollaxa ana lalopi qagueta? ¿Ca hueta'ague cam ỹanaigui co'ollaxa so Moisés som saq cha'a La'añaxac maye qui'itta,

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.